নেশ্যনেল ডেস্ক,১০ এপ্ৰিল: লোকসভা নিৰ্বাচনৰ গৰম বতাহ বলি থকাৰ সময়তে ভাৰতীয় বতৰ বিজ্ঞান বিভাগে জাৰি কৰিছে গ্ৰীষ্ম প্ৰৱাহৰ সতৰ্কবাণী । বতৰ বিজ্ঞান বিভাগে কয় যে আগন্তুক ১০ দিনত উৎকট গৰমে দহিব দেশৰ কেইবাখনো ৰাজ্যৰ জনতাক । সংস্থাটোৰ শেহতীয়া বুলেটিন অনুসৰি, ১০-১৪ এপ্ৰিলৰ ভিতৰত কেৰালা আৰু মাহেত আৰু ১০-১২ এপ্ৰিলৰ ভিতৰত উপকূলীয় অন্ধ্ৰপ্ৰদেশ আৰু য়ানাম, উপকূলীয় কৰ্ণাটক, তামিলনাডু, পুডুচেৰী, কৰিকাল আৰু ৰায়ালা সীমাত গৰম আৰু আৰ্দ্ৰ বতৰ প্ৰাধান্য পোৱাৰ অতি সম্ভাৱনা আছে ।
বিগত কেইবা বছৰৰ পৰা বৰ্তমানলৈ আই এম ডিয়ে গ্ৰীষ্ম প্ৰৱাহৰ সতৰ্কবাণী জাৰি কৰি আহিছে আৰু গ্ৰীষ্মকালৰ পূৰ্বাভাস দি আহিছে । বৰ্তমান বিষটো চিন্তনীয় হৈ পৰিছে । কিয়নো দেশত ১৯ এপ্ৰিলৰ পৰা ১ জুনৰ ভিতৰত সাতটা পৰ্যায়ত অনুষ্ঠিত হ’বলগীয়া ২০২৪ চনৰ লোকসভা নিৰ্বাচনৰ বাবে জনসাধাৰণে ভোটদান কৰিবলৈ সাজু হৈছে ।
স্কাইমেটেৰ সভাপতি জিপি শৰ্মাই ইটিভি ভাৰতক জনোৱা অনুসৰি উত্তৰ কৰ্ণাটক, তেলেংগানাকে ধৰি কেইবা স্থানতো হট পকেট আছে আৰু তাত উষ্ণতাই ৩৯ ডিগ্ৰী চেলছিয়াছৰ সীমা স্পৰ্শ কৰিছে । তেলেংগানা, বিদৰ্ভ, মাৰাথৱাদা, আৰু কৰ্ণাটকৰ কিছু অংশকে ধৰি কেইবাটাও অঞ্চলত একেই পৰিৱেশ দেখিবলৈ পোৱা গৈছে ।
তেওঁ লগতে কয় যে এইবাৰ সাধাৰণ সময়তকৈ সঘনাই বা অধিক সময়ৰ বাবে গ্ৰীষ্ম প্ৰৱাহে জুৰুলা কৰিব আৰু জুন মাহৰ মাজভাগলৈকে একেদৰে চলি থকাৰ সম্ভাৱনা আছে । যাৰ অৰ্থ হ'ল নিৰ্বাচন শেষ নোহোৱালৈকে দেশখনে প্ৰচণ্ড গৰম সহ্য কৰিব লাগিব ।
দিল্লীকে ধৰি এই মূহুৰ্ত্বত উত্তৰ দিশটো অতি আৰামদায়কভাৱে স্থাপন কৰা হৈছে । দিল্লীত মঙলবাৰে প্ৰথমবাৰৰ বাবে তাপমাত্ৰাই প্ৰায় ৩৮ ডিগ্ৰী চেলছিয়াছ স্পৰ্শ কৰিছিল যদিও এপ্ৰিল মাহৰ প্ৰথম সপ্তাহত তাপমাত্ৰা এক কথাত সহ্য কৰিব পৰা হৈ আছে । সোমবাৰে ৰাজধানীখনৰ তাপমাত্ৰা আছিল ৩৭ ডিগ্ৰী চেলছিয়াছ । হাৰিয়ানা, ৰাজস্থান আৰু আনকি উত্তৰ প্ৰদেশৰ কিছুমান অঞ্চলকে ধৰি উত্তৰ ভাৰতৰ বেছিভাগ অঞ্চলৰ ক্ষেত্ৰতো একেই বতৰ দেখা গৈছে ।
অহা তিনিমাহত প্ৰচণ্ড গ্ৰীষ্ম প্ৰৱাহৰ সম্ভাৱনা আছে । ৰাজ্য চৰকাৰকে ধৰি সকলোৱে এই পৰিস্থিতিৰ মোকাবিলা কৰিবলৈ প্ৰস্তুতি চলোৱা বুলি জানিব পৰা গৈছে । প্ৰচণ্ড গৰমৰ বাবে বিগত সময়ত বৃহৎ সংখ্যক লোকৰ প্ৰাণ হেৰুৱাইছে । সেয়ে ৰাষ্ট্ৰীয় দুৰ্যোগ ব্যৱস্থাপনা পৰিকল্পনা লৈ চৰকাৰ সাজু হৈছে ।
লগতে পঢ়ক: প্ৰচণ্ড গৰমত মৃত্যু 4 বছৰীয়া শিশুৰ - Hyderabad Temperature
