গুৱাহাটী, ১ মার্চ: শ্ৰীশ্ৰী নৱগ্রহ শ্মশান কালী মন্দিৰ পৰিচালনা সমিতিয়ে কৰ্কট ৰোগীৰ বাবে গ্ৰহণ কৰিলে এক প্ৰশংসনীয় পদক্ষেপ । শুকুৰবাৰে শ্ৰীশ্ৰী নৱগ্রহ শ্মশান কালী মন্দিৰ পৰিচালনা সমিতিৰ দ্বাৰা পৰিচালিত হলিৰাম ডেকা ভৱনত কৰ্কট ৰোগীৰ বাবে মুকলি কৰা হয় এটা আশ্ৰয়গৃহ । ১৮ গৰাকী ৰোগী থাকিব পৰা এই আশ্ৰয়গৃহটো মুকলি কৰে ডাঃ প্ৰণৱজ্যোতি ডেকাই । লগতে উক্ত অনুষ্ঠানত অঞ্চলটোৰ কেইবাগৰাকী মেধাৱী ছাত্ৰ-ছাত্ৰীক জলপানীও প্ৰদান কৰে শ্ৰীশ্ৰী নৱগ্রহ শ্মশান কালী মন্দিৰ পৰিচালনা সমিতিয়ে ।
- " class="align-text-top noRightClick twitterSection" data="">
আজিৰ এই অনুষ্ঠানটোৰ সন্দৰ্ভত কালী মন্দিৰ পৰিচালনা সমিতিৰ সাধাৰণ সম্পাদক ভাস্কৰ গোস্বামীয়ে মন্তব্য কৰি কয়,' হলিৰাম ডেকাৰ ভৱনত পূৰ্বে এটা যোগ কেন্দ্ৰ আছিল । পৰবৰ্তী সময়ত এইটো কৰ্কট ৰোগীৰ বাবে এক আশ্ৰয় গৃহৰ ব্যৱস্থাৰ চিন্তা কৰা হৈছিল যদিও প্ৰথম অৱস্থাত কিছু সমস্যাই দেখা দিছিল । পৰৱৰ্তী সময়ত বহু প্ৰচেষ্টাৰ অন্তত আজি এটা মহৎ দিনত উপনীত হলো । "
কালী মন্দিৰ পৰিচালনা সমিতিৰ সাধাৰণ সম্পাদক ভাস্কৰ গোস্বামীয়ে পুনৰ কয়," এই বিষয়টো সন্দৰ্ভত বি বৰুৱা কৰ্কট প্ৰতিষ্ঠানৰ অধ্যক্ষৰ লগতো আমি আলোচনা কৰিছো । তেওঁলোকে আমাক এইক্ষেত্ৰত যিখিনি সহায়-সহযোগিতা লাগে সেইখিনি প্ৰদান কৰাৰ প্ৰতিশ্ৰুতি প্ৰদান কৰিছে । " লগতে তেওঁ মন্তব্য কৰি কয় ,"এই আশ্ৰয়গৃহটোত মুঠ ১৮ খন বিচনা আছে । তাৰে ৯ জন পুৰুষ আৰু ৯ গৰাকী মহিলাক দুটা ভাগত ৰখাৰ ব্যৱস্থা কৰা হ'ব । ৰোগীৰ পৰিচৰ্যাৰ বাবে বি বৰুৱা কৰ্কট প্ৰতিষ্ঠান আৰু কে জি এম টি হাস্পাতালৰ লগত কথা বতৰা হৈছে । তেওঁলোকে যিসকল ৰোগীক পঠিয়াব আমি সেইসকল ৰোগীকে ইয়াতে ৰাখিম । "
