বঙাইগাঁও, 19 ছেপ্টেম্বৰ : ‘‘বাৰে বাৰে নিৰ্বাচন অনুষ্ঠিত কৰি থাকিলে ৰাইজৰ বহু ধন, টকা-পইচা, সময় খৰচ হয় ৷ এই কামটো যদি সংবিধান সংশোধনীৰ জৰিয়তে কৰিব পৰো, তেন্তে ৰাইজ বহুখিনি উপকৃত হ’ব ৷’’ বুধবাৰে বঙাইগাঁৱত উপস্থিত হৈ এই মন্তব্য কৰে অসমৰ মুখ্যমন্ত্ৰী ড৹ হিমন্ত বিশ্ব শৰ্মাই ৷
মুখ্যমন্ত্ৰী ড৹ শৰ্মাই আৰু কয়, ‘‘বঙাইগাঁৱত উপ নিৰ্বাচন অনুষ্ঠিত হ’ব ৷ উপ নিৰ্বাচন উপলক্ষে ভাৰতীয় জনতা পাৰ্টী, অসম গণ পৰিষদ আৰু UPPL দলৰ সৈতে কাৰ্যকৰ্তাসকলৰ সৈতে মই এখন বৈঠকত মিলিত হও ৷ লোকসভা নিৰ্বাচনৰ দৰে বিধানসভা নিৰ্বাচনটো আমি যাতে সুন্দৰভাৱে বঙাইগাঁও বিধানসভা সমষ্টিত জিকিব পাৰো, তাৰবাবে আমাৰ কাৰ্যকৰ্তাসকলৰ সৈতে মিলিত হও ৷’’
हमारे श्रमजीवी हमारी शान हैं 👷♂️
— Himanta Biswa Sarma (@himantabiswa) September 18, 2024
आज बोंगाईगांव में मैं हमारे श्रमजीवियों से मिला और राज्य के निर्माण में उनके योगदान के लिए प्रदेशवासियों की ओर से आभार व्यक्त किया। pic.twitter.com/AqxGH4SBCT
উল্লেখ্য যে, এদিনীয়া কাৰ্যসূচীৰে বুধবাৰে চিৰাং আৰু বঙাইগাঁও জিলাত উপস্থিত হয় মুখ্যমন্ত্ৰী ড৹ হিমন্ত বিশ্ব শৰ্মা ৷ মুখ্যমন্ত্ৰীগৰাকীয়ে বঙাইগাঁৱৰ কেইবাটাও স্থান পৰিদৰ্শন কৰে ৷ আনকি বঙাইগাঁৱৰ মাজগাঁওস্থিত নতুনকৈ নিৰ্মীয়মান বঙাইগাঁও মেডিকেল কলেজত উপস্থিত হৈ তেওঁ কাম-কাজসমূহ পৰিদৰ্শন কৰে ৷
| লগতে পঢ়ক : টংকেশ্বৰ ৰাভাৰ জাতিগত প্ৰমাণপত্র সন্দৰ্ভত তদন্তৰ দাবী বিৰোধী দলপতিৰ - Opposition Leader Debabrata Saikia |
অহা বছৰৰ মাজভাগত এই মেডিকেল কলেজখন ৰাজ্যৰ ছাত্ৰ-ছাত্ৰী আৰু ৰাইজৰ বাবে মুকলি হ’ব বুলিও সংবাদমাধ্যমৰ আগত উল্লেখ কৰে মুখ্যমন্ত্ৰীগৰাকীয়ে । ইয়াৰ পাচতে বঙাইগাঁও ৱাকিং জ’নত উপস্থিত হৈ সৌন্দৰ্য বর্ধনৰ কাম-কাজসমূহৰ বুজ লয় মুখ্যমন্ত্ৰী শৰ্মাই ।
]Our doors are open for every karyakarta of the NDA Parivar.
— Himanta Biswa Sarma (@himantabiswa) September 18, 2024
Today in Bongaigaon, I had the privilege to interact and get feedback from workers of our valued partner, Asom Gana Parishad. pic.twitter.com/We7w9xi35q
পৰৱৰ্তী সময়ত তেওঁ অসম আৰক্ষীৰ সন্মিলন কেন্দ্ৰত উপস্থিত হোৱাৰ লগতে বঙাইগাঁও বিধানসভা সমষ্টিৰ উপ নিৰ্বাচনৰ প্ৰস্তুতি সম্পৰ্কেও বুজ লয় । কেন্দ্ৰীয় চৰকাৰৰ এক দেশ এক নিৰ্বাচনৰ প্ৰচেষ্টাক আদৰণি জনাই মুখ্যমন্ত্ৰীগৰাকীয়ে উপ নিৰ্বাচন সন্দৰ্ভত সংবাদ মাধ্যমৰ আগত কয়, ‘‘উপ নিৰ্বাচনৰ বাবে বঙাইগাঁও বিধানসভা সমষ্টিৰ আসন অগপ দলক এৰি দিয়া হ’ব । অগপয়ে কাক টিকট দিয়ে সেয়া তেওঁলোকৰ কথা, মোৰ ইয়াত ক’ব লগা একো নাই ৷’’
আনহাতে, সংবাদ মাধ্যমৰ সৈতে হোৱা বাৰ্তালাপত মুখ্যমন্ত্ৰীগৰাকীয়ে সংবাদ মাধ্যমৰ আগত কংগ্ৰেছ দলকো কটু সমালোচনা কৰে ৷ বিগত বহু বছৰে কৰিব নোৱাৰা কাম এতিয়া হিমন্ত বিশ্ব শৰ্মাই কৰি আছে বুলিও তেওঁ মন্তব্য কৰে ৷
