যোৰহাট, 22 জুন : শিক্ষানুষ্ঠানৰ চৌহদৰ পুখুৰীত ওলাল মৃতদেহ ৷ পুৱাই পুখুৰীত মৃতদেহ দেখি হুৱা-দুৱাৰ সৃষ্টি হয় স্থানীয় লোকৰ মাজত ৷ এই ঘটনাই এতিয়া ৰহস্যৰ সৃষ্টি কৰিছে ৷ চাঞ্চল্যকৰ এই ঘটনা সংঘটিত হৈছে যোৰহাটত ৷
আভিযান্ত্ৰিক প্ৰতিষ্ঠানৰ পুখুৰীত মৃতদেহ উদ্ধাৰ (ETV BHARAT ASSAM)
যোৰহাটৰ প্ৰিন্স অৱ ৱেলচ ইঞ্জিনিয়াৰিং এণ্ড টেকনলজি ইনষ্টিটিউটৰ পুখুৰীত আজি পুৱা এটা মৃতদেহ উদ্ধাৰ কৰা হয় ৷ কাৰিকৰী শিক্ষা প্ৰতিষ্ঠানখনৰ পুখুৰীত এটা মৃতদেহ ওপঙি থকা প্ৰত্যক্ষ কৰি স্থানীয় লোকৰ মাজত হুৱা-দুৱাৰ সৃষ্টি হয় ৷ লগে লগে এই ঘটনা সন্দৰ্ভত যোৰহাট সদৰ আৰক্ষী থানাত অৱগত কৰে স্থানীয় লোকে ৷ ঘটনাস্থলীত আৰক্ষীৰ লোক উপস্থিত হৈ ঘটনাৰ চৰজমিন তদন্ত আৰম্ভ কৰে আৰু এচ ডি আৰ এফৰ সহযোগত আৰক্ষীয়ে পুখুৰীৰ পৰা মৃতদেহটো উদ্ধাৰ কৰে ৷ উদ্ধাৰ হোৱা মৃতদেহটো যোৰহাট নগৰৰ জে পি আৰৰ কপিল বৰা বুলি চিনাক্ত কৰা হৈছে ৷
