গুৱাহাটী, 2 জুলাই : পুনৰ বিতৰ্কত সোমাই পৰিছে যুৱ কংগ্ৰেছী নেতা । এইবাৰ যুৱ কংগ্ৰেছী নেতাৰ বিৰুদ্ধে অপহৰণ অভিযোগ উত্থাপিত হৈছে । অসম প্ৰদেশ যুৱ কংগ্ৰেছৰ সাধাৰণ সম্পাদক চামিম সৰকাৰ বিৰুদ্ধে উঠিছে যুৱতীক অপহৰণ কৰাৰ অভিযোগ ৷ এই অভিযোগৰ ভিত্তিতে তাৎক্ষণিকভাৱে চামিম সৰকাৰক প্ৰদেশ যুৱ কংগ্ৰেছৰ পৰা নিলম্বন কৰা হৈছে ।
আনকি সকলো দলীয় কাম কাজৰ পৰা অব্যাহতি দিয়া হৈছে অভিযুক্ত যুৱ কংগ্ৰেছী নেতাগৰাকীক । দলৰ ভাবমূৰ্তি আৰু খ্যাতি কলুষিত কৰাৰ বাবে নিলম্বন কৰা হয় নেতাগৰাকীক ৷ অসম প্ৰদেশ যুৱ কংগ্ৰেছ কমিটিয়ে সোমবাৰে (1 জুলাই, 2024) এক জাননী জাৰি কৰি সদৰী কৰিছে এই তথ্য ৷
পৰৱৰ্তী জাননী নোপোৱা পৰ্যন্ত চামিম চৰকাৰক সকলো দলীয় পদ আৰু প্ৰাথমিক সদস্য পদৰ পৰা নিলম্বিত কৰা হৈছে বুলি অসম প্ৰদেশ যুৱ কংগ্ৰেছ কমিটিয়ে ৰাজহুৱাকৈ উল্লেখ কৰিছে । ইতিমধ্যে উক্ত বিষয়টো পুংখানুপুংখভাৱে তদন্ত আৰম্ভ কৰা হৈছে বুলি জানিব পৰা গৈছে ৷
লগতে পঢ়ক : অসম আৰক্ষীৰ কমাণ্ডো পাপৰি কলিতা ওৰফে কুঁহিক নিলম্বন - Kuhi
উল্লেখ্য যে, প্ৰেমৰ চলনাৰে যুৱতীক অপহৰণ চেষ্টা চলোৱা বুলি চামিম সৰকাৰ বিৰুদ্ধে অভিযোগ উঠিলছিল ৷ আনকি এই অভিযোগ উত্থাপন কৰিছিল যুৱতীগৰাকীৰ পৰিয়ালৰ লোকে । তাৰ পাচতে ভঙাগড়ৰ আৰক্ষীৰ এটা দলে দেওবাৰে নিশা চাপৰৰ পৰা যুৱতীসহ চামিমক উদ্ধাৰ কৰিছিল । আৰক্ষীৰ সূত্ৰে প্ৰকাশ কৰা মতে, এয়া প্ৰেমৰ সম্পৰ্কহে আছিল যুৱতীগৰাকীৰ সৈতে চামিমৰ ।
কেৱল এয়াই নহয়, ৰাজনৈতিক নেতাৰ নাম লৈ লাখে লাখে টকা আত্মসাৎ কৰাৰো অভিযোগ আছে চামিমৰ বিৰুদ্ধে । অভিযোগ মতে, চাকৰিৰ নামতো বহু নিবনুৱাৰ পৰা ধন সংগ্ৰহ কৰিছিল চামিমে । পূৰ্বতেও ধন লৈ ৰাজহুৱা স্থানত মহিলাৰ ৰোষত পৰিছিল চামিম । ভাইৰেল হৈছিল কেইবাটাও ভিডিঅ’ । যাৰ বাবে চামিমৰ বিৰুদ্ধে তদন্ত আৰম্ভ কৰিছে আৰক্ষীয়ে ।
লগতে পঢ়ক : ৰাহুল গান্ধীয়ে সনাতনত বিশ্বাস কৰা সকলোৰে ওচৰত ক্ষমা বিচাৰিব লাগিব : দিলীপ শইকীয়া - BJP slams Rahul Gandhi
