স্প’ৰ্টছ ডেস্ক, 20 আগষ্ট: ভাৰতীয় ক্ৰিকেট দলৰ প্ৰাক্তন বিস্ফোৰক বেটছমেন যুৱৰাজ সিঙৰ কাহিনী ক্ৰিকেটপ্ৰেমীসকলৰ লগতে খেলুৱৈগৰাকীৰ অনুৰাগীয়ে উপভোগ কৰিবলৈ পাব ডাঙৰ পৰ্দাত ৷ কিয়নো প্ৰাক্তন ভাৰতীয় ক্ৰিকেটাৰ যুৱৰাজ সিঙৰ জীৱনক লৈ শীঘ্ৰে নিৰ্মাণ কৰা হ’ব এখন জীৱনীভিত্তিক চলচিত্ৰ অথবা বায়’পিক ৷ য’ত প্ৰাক্তন ক্ৰিকেটাৰগৰাকীৰ জীৱনৰ সংগ্ৰাম আৰু সমস্যাবোৰ প্ৰদৰ্শিত হ’ব ।
একেখন ছবিতে অনুৰাগীসকলে পুনৰাবৃত্তি হোৱা দেখিবলৈ পাব যুৱৰাজ সিঙৰ দৰ্শনীয় 6 টা ছয়ৰ অবিস্মৰণীয় ইনিংছটো ৷
যুৱৰাজৰ জীৱনীভিত্তিক চলচিত্ৰ ঘোষণা
যুৱৰাজ সিঙৰ জীৱনক কেন্দ্ৰ কৰি নিৰ্মাণ কৰা হ’ব এখন জীৱনীভিত্তিক ছবি ৷ এই বায়’পিকখন টি-চিৰিজৰ বেনাৰত প্ৰযোজনা কৰা হ’ব । ভূষণ কুমাৰ আৰু ৰবি ভাগচান্দকাই এই বিষয়ত যুটীয়াভাৱে কাম কৰাৰ কথা জানিবলৈ পোৱা গৈছে ৷
BIOPIC ON CRICKETER YUVRAJ SINGH ANNOUNCED... BHUSHAN KUMAR - RAVI BHAGCHANDKA TO PRODUCE... In a groundbreaking announcement, producers #BhushanKumar and #RaviBhagchandka will bring cricket legend #YuvrajSingh's extraordinary life to the big screen.
— taran adarsh (@taran_adarsh) August 20, 2024
The biopic - not titled yet… pic.twitter.com/dJYtTgFHIN
পিছে ছবিখনৰ নাম ভূমিকাত কোনে অভিনয় কৰিব, সেয়া এতিয়াও ঠিৰাং হোৱা নাই ৷ অৱশ্যে, যুৱৰাজ সিঙে অভিনেতা সিদ্ধান্ত চতুৰ্বেদীয়ে তেওঁৰ চৰিত্ৰত অভিনয় কৰাৰ ইচ্ছা প্ৰকাশ কৰিছে । সিদ্ধান্তৰ চেহেৰা দেখাত যুৱৰাজৰ দৰেই ।
ছবি সন্দৰ্ভত যুৱৰাজৰ কেনে প্ৰতিক্ৰিয়া ?
এই খবৰ শুনাৰ পিছত প্ৰাক্তন ক্ৰিকেটাৰ যুৱৰাজ সিঙে কয়, "মই অত্যন্ত সন্মানিত যে, মোৰ কাহিনী বিশ্বজুৰি মোৰ লাখ লাখ অনুৰাগীক দেখুওৱা হ’ব । ক্ৰিকেট মোৰ আটাইতকৈ ডাঙৰ প্ৰেম আৰু সকলো উত্থান-পতনৰ শক্তিৰ উৎস । মই আশা কৰোঁ যে, এই চলচ্চিত্ৰখনে আনসকলক তেওঁলোকৰ প্ৰত্যাহ্বানবোৰ অতিক্ৰম কৰিবলৈ আৰু তেওঁলোকৰ সপোনবোৰ অটল আবেগেৰে অনুসৰণ কৰিবলৈ অনুপ্ৰাণিত কৰিব" ৷
Yuvraj Singh said - " i am deeply honored that my story will be showcased to millions of my fans across the globe. cricket has been my greatest love and source of strength through all the highs and lows. i hope this film inspires others to overcome their own challenges & pursue… pic.twitter.com/L5pk8BiDw9
— Tanuj Singh (@ImTanujSingh) August 20, 2024
যুৱৰাজৰ জীৱনীভিত্তিক ছবিখনত কি কি থাকিব
যুৱৰাজ সিঙৰ এই জীৱনীভিত্তিক ছবিখনত অন্তৰ্ভূক্ত কৰা হ’ব তেওঁৰ পিতৃ-মাতৃৰ পৃথকীকৰণৰ কাহিনী, যিয়ে যুৱীৰ শৈশৱৰ সংগ্ৰামক প্ৰকাশ কৰিব । ইয়াৰ পিছত থাকিব প্ৰাক্তন ক্ৰিকেটাৰগৰাকীৰ টি-20 বিশ্বকাপ 2007 ৰ 6 টা ছয়ৰ দৰ্শনীয় ইনিংছটো ৷ তদুপৰি এদিনীয়া বিশ্বকাপ 2011 ত দেহত কৰ্কট ৰোগ লৈও দেশখনক বিশ্ব চেম্পিয়ন কৰাৰ ক্ষেত্ৰত আগবঢ়োৱা উল্লেখযোগ্য ভূমিকাক ছবিখনৰ মাধ্যমৰে প্ৰদৰ্শন কৰা হ’ব ৷ অৱশেষত টীম ইণ্ডিয়াৰ পৰা যুৱীৰ অৱসৰ গ্ৰহণ কৰাটোও ছবিখনত অনুৰাগীসকলে দেখাৰ সম্ভাৱনা আছে ৷
লগতে পঢ়ক: শ্ৰীলংকাৰ বিৰুদ্ধে খেলিবলগীয়া প্ৰথমখন টেষ্টৰ বাবে ইংলেণ্ডৰ দল ঘোষণা - ENG VS SL FIRST TEST
