স্পৰ্টছ ডেস্ক, ২৪ জুলাই : মহিলা এছিয়া কাপ, 2024ৰ ছেমি ফাইনেলত প্ৰৱেশ কৰিছে ভাৰতীয় ক্ৰিকেট দল । ভাৰতীয় দলটোৱে এছিয়া কাপৰ লীগ পৰ্যায়ৰ তিনিওখন মেচতে জয়লাভ কৰি ছেমি ফাইনেলত প্ৰৱেশ কৰিছে । ছেমি ফাইনেলত ভাৰত বাংলাদেশৰ মুখামুখি হোৱাৰ সম্ভাৱনা আছে । বুধবাৰে বাংলাদেশ আৰু থাইলেণ্ডৰ মহিলা দলৰ মাজৰ মেচখনে স্পষ্ট কৰিব যে হৰমনপ্ৰীত কৌৰ বাহিনী ছেমি ফাইনেলত কাৰ মুখামুখি হ'ব । অৱশ্যে ছেমি ফাইনেলত ভাৰতে বাংলাদেশৰ মুখামুখি হোৱাৰ যথেষ্ট সম্ভাৱনা আছে ।
Nepal Team gifted a 'Token of Love' to Smriti Mandhana and Team India after yesterday's match.
— Tanuj Singh (@ImTanujSingh) July 24, 2024
- This is beautiful. ❤️ pic.twitter.com/MlZzTg2bEB
আনহাতে, ভাৰতীয় দলটোৱে তেওঁলোকৰ লীগ পৰ্যায়ৰ অন্তিম মেচখনত নেপালক অনায়াসে পৰাস্ত কৰে । মেচখনত ভাৰতীয় দলটোৱে নেপালক ৮২ ৰাণৰ বৃহৎ ব্যৱধানত পৰাস্ত কৰে । কিন্তু এই পৰাজয়ৰ পাচতো নেপালী মহিলা ক্ৰিকেট দলটোৱে ভাৰতীয় অনুৰাগীসকলৰ হৃদয় জয় কৰে । কিয়নো নেপালৰ অধিনায়ক ইন্দু বাৰ্মাই মেচখনত ভাৰতীয় অধিনায়ক স্মৃতি মন্ধানাক এক সুন্দৰ উপহাৰ প্ৰদান কৰে । তেওঁ স্মৃতি মন্ধানাক ভগৱান বুদ্ধৰ এটা সুন্দৰ মূৰ্তি প্ৰদান কৰে । মূৰ্তিটোৰ ওপৰত 'ট'কেন অৱ লভ' লিখা আছিল । নেপালী অধিনায়কগৰাকীৰ এই মৰমৰ উপহাৰৰ পিচত তেওঁ টীম ইণ্ডিয়াৰ অনুৰাগীসকলৰ হৃদয়ো জয় কৰে ।
For her opening brilliance of 81 off just 48 deliveries, @TheShafaliVerma becomes the Player of the Match 👏👏
— BCCI Women (@BCCIWomen) July 23, 2024
Scorecard ▶️ https://t.co/PeRykFLdTV#Teamindia | #WomensAsiaCup2024 | #ACC | #INDvNEP pic.twitter.com/vrXz9Mhoar
উল্লেখ্য যে, মেচখনত ভাৰতে নেপালৰ বিৰুদ্ধে টছত জয়ী হৈ প্ৰথমে বেটিঙৰ সিদ্ধান্ত গ্ৰহণ কৰে । শ্বেফালী বাৰ্মা (৮১), দয়ালন হেমলতা (৪৭) আৰু জেমিমা ৰড্ৰিগছৰ (২৮) বেটিং বিক্ৰমত ভাৰতে ১৭৮ ৰাণৰ বিশাল স্ক'ৰ সংগ্ৰহ কৰে । এই লক্ষ্য অনুসৰণ কৰি নেপালৰ দলটোৱে ২০ অভাৰত ৯ টা উইকেট হেৰুৱাই মাত্ৰ ৯৬ ৰাণতে ইনিংছ সামৰে । ফলত ভাৰতে মেচখন 82 ৰাণৰ বৃহৎ ব্যৱধানত হস্তগত কৰে । নেপালৰ হৈ সীতা ৰাণা মাগৰে (১৮) সৰ্বাধিক ৰাণ সংগ্ৰহ কৰে । আনহাতে, ভাৰতৰ হৈ দীপ্তি শৰ্মাই ৩টা আৰু অৰুন্ধতী ৰেড্ডী আৰু ৰাধা যাদৱে ২ টাকৈ উইকেট দখল কৰে ।
