স্পৰ্টছ ডেস্ক, 5 আগষ্ট : ভাৰতে এই পৰ্যন্ত পেৰিছ অলিম্পিকত 3 টা ব্ৰঞ্জৰ পদক লাভ কৰিছে ৷ তিনিওটা পদক শ্বুটিঙৰ পৰা আহিছে ৷ পেৰিছ অলিম্পিকত এতিয়ালৈকে ভাৰতে মিশ্ৰিত প্ৰদৰ্শন আগবঢ়াইছে ৷ পেৰিছ অলিম্পিকত ভাৰতে এতিয়ালৈকে যি অভিলেখ গঢ়ি তুলিছে, সেই অভিলেখৰ ওপৰত এবাৰ চকু ফুৰাওঁ আহক ৷
Extremely humbled by the support and wishes that have been pouring in. This is something that I've always dreamt of. Proud to perform at the biggest stage for my country 🇮🇳 ❤️ pic.twitter.com/8U6sHOLulR
— Manu Bhaker🇮🇳 (@realmanubhaker) July 30, 2024
পেৰিছ অলিম্পিকত ভাৰতে 5 টা ডাঙৰ অভিলেখ গঢ়িবলৈ সক্ষম হয় :
1/ মনু ভাকৰে 10 মিটাৰ এয়াৰ পিষ্টল ইভেণ্টত ব্ৰঞ্জৰ পদক লাভ কৰি ভাৰতৰ বাবে ইতিহাস ৰচনা কৰিছিল ৷ ইয়াৰ পূৰ্বে ভাৰতৰ কোনো মহিলা শ্বুটাৰে অলিম্পিক শ্বুটিঙত কোনো পদক লাভ কৰা নাছিল ৷ মনু ভাকৰে কেৱল তৃতীয় স্থানত উপস্থিত হৈ পদক অৰ্জন কৰাই নহয়, পেৰিছ অলিম্পিকত ভাৰতৰ বাবে পদক তালিকাত একাউন্টো মুকলি কৰে ৷
2/ 10 মিটাৰ এয়াৰ পিষ্টল মিক্সড টিম ইভেণ্টত মনু ভাকৰ আৰু সৰবজোৎ সিঙৰ যুটিয়ে ব্ৰঞ্জৰ পদক লাভ কৰে ৷ ইয়াৰ লগে লগে মনু ভাকৰে একেখন অলিম্পিকত দুটাকৈ পদক লাভ কৰা প্ৰথমজন ভাৰতীয় খেলুৱৈ হিচাপে পৰিগণিত হয় ৷ পিচত মনু ভাকৰে 25 মিটাৰ এয়াৰ পিষ্টল মহিলাৰ ফাইনেলত চতুৰ্থ স্থান দখল কৰে ৷ একেখন অলিম্পিকতে তিনিখন শ্বুটিং ফাইনেলত প্ৰৱেশ কৰা প্ৰথমগৰাকী ভাৰতীয় শ্বুটাৰ হিচাপে পৰিগণিত হয় মনু ৷
লগতে পঢ়ক : কেতিয়া আৰু কোন দিনা অলিম্পিকত জেভলিন থ্ৰ’ কৰিব নীৰজ চোপ্ৰাই ? - Paris Olympics 2024
3/ শ্বুটিঙত ভাৰতৰ কৃতিত্বৰ সৈতে আন এক পদক সংযোজন কৰে স্বপ্নীল কুছালে ৷ স্বপ্নীল কুছালে 50 মিটাৰ ৰাইফল 3 পজিচন ইভেণ্টত ব্ৰঞ্জৰ পদক লাভ কৰে ৷ স্বপ্নীল কুছালে 50 মিটাৰ ৰাইফল 3 পজিচন ইভেণ্টত অলিম্পিক পদক লাভ কৰা প্ৰথমজন ভাৰতীয় শ্বুটাৰ হিচাপে পৰিগণিত হয় ৷
4/ পেৰিছ অলিম্পিকত ঘোঁৰা চলোৱাত ভাৰতৰ একমাত্ৰ ৰাইডাৰ অনুষ আগৰৱালে ইতিহাসৰ সৃষ্টি কৰিলে ৷ তেওঁ অলিম্পিকত ড্ৰেছেজত অংশগ্ৰহণ কৰা প্ৰথমজন ভাৰতীয় হিচাপে পৰিগণিত হয় ৷ ড্ৰেছেজ গ্ৰেণ্ড প্ৰিক্স ইণ্ডিভিজুৱেল কোৱালিফায়াৰ ৰাউণ্ডত অনুষ আগৰৱালে নিজৰ ঘোঁৰা ছাৰ কাৰ্মেলো অল্ডৰ সৈতে নৱম স্থান দখল কৰে ৷
5/ ভাৰতৰ তাৰকা বেডমিণ্টন খেলুৱৈ লক্ষ্য সেন অলিম্পিকত পুৰুষৰ একক বেডমিণ্টনৰ ছেমি ফাইনেলত প্ৰৱেশ কৰা প্ৰথমজন ভাৰতীয় হিচাপে পৰিগণিত হয় ৷ ছেমি ফাইনেল মেচত পৰাজয়ৰ পূৰ্বে পেৰিছ অলিম্পিকত লক্ষ্য সেনে উজ্জ্বল প্ৰদৰ্শন আগবঢ়াইছিল ৷
লগতে পঢ়ক : অলিম্পিকৰ সামৰণি অনুষ্ঠানত ভাৰতৰ পতাকাবাহী হ’ব মনু ভাকৰ - Paris Olympics 2024
