স্পৰ্টছ ডেস্ক, ৪ জুলাই : সুদীৰ্ঘ সময়ৰ অপেক্ষাৰ অৱসান ঘটাই অৱশেষত ভাৰতীয় ক্ৰিকেট দলে টি-২০ বিশ্বকাপ খিতাপ দখল কৰে । অৱশ্যে এৰাব নোৱৰা পৰিস্থিতিৰ বাবে পাঁচদিনৰ মূৰত বৃহস্পতিবাৰেহে বহু আকাংক্ষিত ট্ৰফী লৈ দেশৰ মাটিত ভৰি দিয়ে টীম ইণ্ডিয়া । পুৱা দিল্লী বিমানবন্দৰত অৱতৰণ কৰাৰ পিচতেই হাজাৰ হাজাৰ অনুৰাগীয়ে টীম ইণ্ডিয়াক বিপুল আদৰণি জনায় । ইয়াৰ পিচত টীম ইণ্ডিয়াই প্ৰধানমন্ত্ৰী মোদীক তেওঁৰ বাসগৃহত সাক্ষাৎ কৰে আৰু তেওঁ দলটোক অভিনন্দন জনোৱাৰ লগতে খেলুৱৈসকলক সৈতে বাৰ্তালাপ কৰে । এই সময়ছোৱাত দলটোৰ সদস্যসকলে বিশ্বকাপত তেওঁলোকৰ অভিজ্ঞতা বৰ্ণনা কৰে । প্ৰধানমন্ত্ৰী মোদীয়ে টীম ইণ্ডিয়াৰ সৈতে ২ ঘণ্টাতকৈও অধিক সময় কটায় ।
INDIAN TEAM WILL BE TRAVELING IN VISTARA FLIGHT UK1845 FROM DELHI TO MUMBAI...!!!
— Johns. (@CricCrazyJohns) July 4, 2024
- It's dedicated to Rohit & Virat with their Jersey number. ❤️ pic.twitter.com/TBpI6PQRuF
উল্লেখ্য, 17 বছৰৰ সুদীৰ্ঘ অপেক্ষাৰ অন্তত টি-20 বিশ্বকাপ ট্ৰফী জয় কৰাৰ পিচত টীম ইণ্ডিয়ালৈ উপহাৰৰ বন্যা বৈছে । শেহতীয়াভাৱে ভিষ্টাৰা এয়াৰলাইনছেও দলটোক এক পৃথক শৈলীত এক বিশেষ উপহাৰ দিছে । প্ৰধানমন্ত্ৰী মোদীক সাক্ষাতৰ পিচত টীম ইণ্ডিয়াই নতুন দিল্লীৰ পৰা মুম্বাইলৈ উৰা মাৰে । ভিষ্টাৰা এয়াৰলাইনছে টীম ইণ্ডিয়াৰ বাবে এক বিশেষ বিমানৰ ব্যৱস্থা কৰে ।
FLIGHT DEDICATED TO VIRAT KOHLI AND ROHIT SHARMA. 🇮🇳
— Mufaddal Vohra (@mufaddal_vohra) July 4, 2024
- Team India travelling to Mumbai from Delhi in Vistara 'UK1845'. 🌟 pic.twitter.com/GH8dSUiKOV
টীম ইণ্ডিয়াই নতুন দিল্লীৰ পৰা মুম্বাইলৈ ভিষ্টাৰা বিমানেৰে উৰা মাৰে । এই ভিষ্টাৰা বিমানখনৰ নম্বৰ হৈছে ইউ কে ১৮৪৫ । বিমানখন ভাৰতৰ তাৰকা বেটছমেন বিৰাট কোহলী আৰু ৰোহিত শৰ্মাৰ নামত উৎসৰ্গিত কৰা হয় । উল্লেখ্য, বিৰাটৰ জাৰ্চী নম্বৰ ১৮ আৰু ৰোহিতৰ জাৰ্চী নম্বৰ হৈছে ৪৫ । এই কথা মনত ৰাখিয়ে ভিষ্টাৰাই টীম ইণ্ডিয়াৰ বাবে এই বিশেষ বিমানখনৰ ব্যৱস্থা কৰে ।
An excellent meeting with our Champions!
— Narendra Modi (@narendramodi) July 4, 2024
Hosted the World Cup winning team at 7, LKM and had a memorable conversation on their experiences through the tournament. pic.twitter.com/roqhyQRTnn
টীম ইণ্ডিয়াই বৃহস্পতিবাৰে সন্ধিয়া ৫ বজাৰ পৰা মুম্বাইত বিজয় যাত্ৰা অনুষ্ঠিত কৰিব । এই যাত্ৰা মেৰিন ড্ৰাইভৰ পৰা আৰম্ভ হৈ ৱাংখেড়ে ষ্টেডিয়ামত সামৰণি পৰিব । ইয়াৰ বাবে বহুসংখ্যক অনুৰাগীয়ে ইতিমধ্যে মেৰিন ড্ৰাইভত উপস্থিত হৈছে । আনহাতে, ৱাংখেড়ে ষ্টেডিয়ামত এম চি এয়ে 'প্ৰথমে আহিলে প্ৰথম প্ৰৱেশৰ সুবিধা'ৰ ভিত্তিত বিনামূলীয়া প্ৰৱেশৰ ব্যৱস্থা কৰিছে । বিজয় যাত্ৰাৰ পিচত ষ্টেডিয়ামত অনুষ্ঠিত হ'বলগীয়া বিশাল অনুষ্ঠানৰ বাবে অনুৰাগীসকল ইতিমধ্যে ষ্টেডিয়ামত উপস্থিত হৈছে । সকলোৱে এতিয়া তেওঁলোকৰ বিশ্ব চেম্পিয়ন খেলুৱৈসকলৰ বাবে অপেক্ষা কৰি আছে ।
