স্পৰ্টছ ডেস্ক, 22 জুন : এন্টিগুয়াৰ ছাৰ ভিভিয়ান ৰিচাৰ্ডছ ষ্টেডিয়ামত আজি ভাৰত আৰু বাংলাদেশৰ মাজত অনুষ্ঠিত হৈছে T-২০ বিশ্বকাপ 2024ৰ ছুপাৰ-৮ মেচ ৷ ভাৰতৰ বাবে এই মেচখন অতি গুৰুত্বপূৰ্ণ ৷ এই মেচত জয়লাভ কৰাৰ লগে লগে ভাৰতৰ ছেমি ফাইনেলৰ টিকট নিশ্চিত হ’ব ৷ প্ৰতিযোগিতাখনত এতিয়ালৈকে অপৰাজিত হৈ থকা টিম ইণ্ডিয়া আজিৰ খেলখনৰ বাবে ফেভাৰিট ৷
ইতিমধ্যে প্ৰথমে বেটিং কৰি ভাৰতে বাংলাদেশক জয়ৰ বাবে বান্ধি দিছে 197 ৰাণৰ বিশাল লক্ষ্য ৷ মেচখনত টছত জিকি প্ৰথমে বলিঙৰ সিদ্ধান্ত লয় বাংলাদেশে ৷ প্ৰথমে বেটিঙৰ আমন্ত্ৰণ লাভ কৰি ভাৰতে নিৰ্ধাৰিত 20 অভাৰত 5 টা উইকেট হেৰুৱাই 196 ৰাণ সংগ্ৰহ কৰে ৷ অধিনায়ক ৰোহিত শৰ্মা আৰু বিৰাট কোহলীয়ে দলক এক শক্তিশালী আৰম্ভণি দিয়ে ৷ হিটমেনে স্বাভাৱসুলভ বেটিঙেৰে মাত্ৰ 11 টা বলতে 23 ৰাণৰ বৰঙণি আগবঢ়াই ৷ বিৰাট কোহলীয়ে 28 টা বলত 37 ৰাণ সংগ্ৰহ কৰি দলক এক মজবুট আৰম্ভণি দিয়ে ৷
লগতে পঢ়ক : আজি ছুপাৰ-৮ ত ভাৰত বনাম বাংলাদেশ; মেচৰ এক পূৰ্বলোকন - T20 Cricket World Cup 2024
ইয়াৰ পিচতেই উইকেট কীপাৰ বেটছমেন ঋষভ পন্টেও বিস্ফোৰক বেটিঙেৰে দলৰ স্ক’ৰ শক্তিশালী হোৱাত সহায় কৰে ৷ পন্টে 24 টা বলত 36 ৰাণৰ এক ইনিংছ খেলে ৷ লগে লগে শিৱম ডুবেই নিৰাশ নকৰি 24 টা বলত 34 ৰাণৰ এক ইনিংছ খেলি দলীয় স্ক’ৰ শক্তিশালী কৰে ৷ ইয়াৰ পিচতেই অলৰাউণ্ডাৰ হাৰ্দিক পাণ্ডিয়াই বিস্ফোৰক বেটিঙেৰে দলীয় স্ক’ৰ 196 লৈ নিয়ে ৷ পাণ্ডিয়াই 27 টা বলত 50 ৰাণ সংগ্ৰহ কৰি অপৰাজিত হৈ থাকে ৷ অক্ষৰ পেটেলে 3 ৰাণ কৰি অপৰাজিত হৈ থাকে ৷ ইফালে সূৰ্যকুমাৰ যাদৱে 2 টা বলত 6 ৰাণ সংগ্ৰহ কৰি পেভিলিয়নমুখী হয় ৷ বাংলাদেশৰ হৈ তাঞ্জিম হাছান শ্বাকিব আৰু ৰিছাদ হুছেইনে 2টাকৈ উইকেট দখল কৰে ৷ শ্বাকিব আল হাছানে দখল কৰে 1 টা উইকেট৷
ইফালে বাংলাদেশে নিজৰ ইনিংছ আৰম্ভ কৰি বাতৰি লিখাৰ পৰলৈকে 12 অভাৰত 3টা উইকেট হেৰুৱাই 80 ৰাণ সংগ্ৰহ কৰিছে ৷ ভাৰতৰ হৈ হাৰ্দিক পাণ্ডিয়াই 1টা আৰু কুলদীপ যাদৱে 2টা উইকেট দখল কৰিছে ৷
দুয়োটা দলৰ মাজত থকা অভিলেখৰ কথা ক’বলৈ গ’লে দুয়োটা দলে 13খন T-২০ মেচত মুখামুখি হৈছে ৷ এই সময়ছোৱাত টিম ইণ্ডিয়াই 12খনত জয়লাভ কৰিছে ৷ বাংলাদেশে মাত্ৰ এবাৰহে জয়লাভ কৰিছে ৷ আজিৰ খেলখনত ভাৰতৰ শক্তিশালী বেটিং লাইন আপৰ মুখামুখি হয় বাংলাদেশৰ দ্ৰুত বলিং আক্ৰমণ ৷ ভাৰতে দলত কোনো সাল-সলনি নকৰাকৈ খেলপথাৰত নমাৰ বিপৰীতে বাংলাদেশে তাস্কিন আহমেদৰ বিপৰীতে মেহদি হাছানক অন্তৰ্ভূক্ত কৰিছে ৷
লগতে পঢ়ক : টি-২০ বিশ্বকাপ ২০২৪ : গ্ৰুপ ২ত ছেমি ফাইনেল স্পটৰ বাবে ৰোমাঞ্চকৰ তিনিকোণীয়া যুঁজ - T20 World Cup 2024
