স্পৰ্টছ ডেস্ক, 9 জুন : আজি ভাৰত আৰু পাকিস্তানৰ মাজত অনুষ্ঠিত হ’বলগীয়া হাই ভল্টেজ মেচখনৰ বাবে সমগ্ৰ বিশ্বৰ অনুৰাগীসকল অতিশয় উৎসাহিত হৈ আছে ৷ এই মেচত অনুৰাগীয়ে ৰোহিত শৰ্মা, বিৰাট কোহলী, যশপ্ৰীত বুমৰাহ, বাবৰ আজম, শ্বাহীন আফ্ৰিদিৰ দৰে তাৰকা ক্ৰিকেটাৰক একেলগে খেলা দেখিবলৈ গৈ আছে ৷ ভাৰত আৰু পাকিস্তানৰ এই হাই ভল্টেজ মেচখন চাবলৈ অনুৰাগীসকল যিকোনো পৰিসৰলৈ যাবলৈ সাজু ৷ এনে পৰিস্থিতিত এক ঘটনা পোহৰলৈ আহিছে, য’ত এজন অনুৰাগীয়ে এই মেচখন চাবলৈ টিকটৰ বাবে লাখ লাখ টকা খৰছ কৰিছে ৷ যাৰ ভিডিঅ’ ক্ৰমে ভাইৰেল হৈ পৰিছে ছ’চিয়েল মিডিয়াত ৷
ভাৰত-পাক মেচৰ বাবে অনুৰাগীয়ে লাখ লাখ টকা খৰচ কৰিলে-
এই ভিডিঅ'টোত এজন অনুৰাগীয়ে ভাৰতীয় ক্ৰিকেট দলৰ অধিনায়ক ৰোহিত শৰ্মাক লগ পোৱা দেখা গৈছে ৷ এই সময়ছোৱাত তেওঁ ৰোহিতৰ পৰা অটোগ্ৰাফ লাভ কৰে ৷ এই অনুৰাগীজনৰ নাম বশিষ্ঠ বুলি কোৱা হৈছে আৰু তেওঁ ভাৰতৰ ৷ তেওঁ তেলেংগানাৰ হায়দৰাবাদৰ পৰা আহিছে ৷ তেওঁ দুটা টিকটৰ বাবে 4,000 মাৰ্কিন ডলাৰ খৰছ কৰে ৷ কিন্তু ইমান দামত টিকট ক্ৰয় কৰিও তেওঁৰ কোনো আক্ষেপ নাই কাৰণ কাৰণ তেওঁ নিজৰ নায়ক ৰোহিত শৰ্মাক লগ পাবলৈ সক্ষম হয় ৷
লগতে পঢ়ক : ৰোহিত শৰ্মাক আউট কৰাটো এক ডাঙৰ প্ৰত্যাহ্বান: কোনে ক’লে এই কথা ? - IND vs PAK T20 World Cup 2024
ভাৰত আৰু পাকিস্তানৰ এই ৰোমাঞ্চকৰ খেলখন চাবলৈ এইগৰাকী ভাৰতীয় অনুৰাগীয়ে 3 লাখ টকা দি 2টা টিকট ক্ৰয় কৰিছে ৷ ইয়াৰ পৰাই অনুৰাগীৰ ক্ৰিকেটৰ প্ৰতি থকা আকৰ্ষণৰ উমান ল’ব পাৰি, ইয়াৰ লগতে তেওঁ ভাৰত আৰু পাকিস্তানৰ বিস্ফোৰক খেলখন কিমান আগ্ৰহেৰে উপভোগ কৰিব বিচাৰে এই কথাও স্পষ্টকৈ পৰিলক্ষিত হৈছে ৷ আজি নিশা 8 বজাত নিউয়ৰ্কত ভাৰত আৰু পাকিস্তানৰ মাজত অনুষ্ঠিত হ’ব তীব্ৰ উত্তেজনাপূৰ্ণ এই মেচ ৷
লগতে পঢ়ক : টি-২০ বিশ্বকাপৰ আজি মহাৰণ; সমুখ সমৰত ভাৰত বনাম পাকিস্তান - T20 World Cup 2024
