স্প’ৰ্টছ ডেস্ক: চৈয়দ মুস্তাক আলী ট্ৰফী 2024 ৰ ফাইনেলত জয়লাভ মুম্বাইৰ ৷ প্ৰতিযোগিতাখনৰ চূড়ান্ত খেলখনত মুম্বাইয়ে মধ্যপ্ৰদেশক 5 উইকেটত পৰাস্ত কৰি দ্বিতীয়বাৰৰ বাবে এই খিতাপ জয় কৰে ।
বেংগালুৰুত অনুষ্ঠিত ফাইনেল মেচখনত 175 ৰাণৰ লক্ষ্য আগত লৈ বেটিং কৰা মুম্বাইয়ে 17.5 অভাৰত 5 টা উইকেট হেৰুৱাই নিৰ্দিষ্ট লক্ষ্যত উপনীত হয় ৷
সূৰ্যাংশ শ্বেগড়েৰ বিস্ফোৰক ইনিংছ
যুৱ বেটছমেন সূৰ্যাংশ শ্বেগড়ে 15 টা বলত তিনিটা চাৰি আৰু তিনিটা ছয়েৰে অপৰাজিত 36 ৰাণৰ মেচ বিজয়ী ইনিংছ খেলিছিল । তাৰোপৰি সূৰ্যকুমাৰ যাদৱে 48 ৰাণ আৰু আজিংক্য ৰাহানে 37 ৰাণ সংগ্ৰহ কৰে ৷ সূৰ্যাংশ শ্বেগড়েক প্লেয়াৰ অৱ দ্য মেচৰ বঁটা প্ৰদান কৰাৰ বিপৰীতে ৰাহানেক প্ৰদান কৰা হয় প্লেয়াৰ অৱ দ্য চিৰিজৰ বঁটা ৷
𝘾𝙃𝘼𝙈𝙋𝙄𝙊𝙉𝙎!
— BCCI Domestic (@BCCIdomestic) December 15, 2024
The Syed Mushtaq Ali Trophy 2024-25 winners 👉 Mumbai 🙌
Scorecard - https://t.co/4J8WAjUsK9#SMAT | @IDFCFIRSTBank | @MumbaiCricAssoc pic.twitter.com/E8OrhUAwSf
মধ্যপ্ৰদেশৰ দলটোৱে প্ৰথমে বেটিং কৰি 20 অভাৰত 8 টা উইকেট হেৰুৱাই সংগ্ৰহ কৰে 174 ৰাণ । দলটোৰ অধিনায়ক ৰজত পাতিদাৰে 40 টা বলত 81 ৰাণ সংগ্ৰহ কৰে ৷ মুম্বাইৰ বলাৰসকলৰ ভিতৰত শাৰ্দুল ঠাকুৰ, দিয়াছ চেৰোৰ প্ৰত্যেকে দুটাকৈ উইকেট দখল কৰে ৷ আনহাতে, আনকোলেকাৰ, শিৱম দুবে, সূৰ্যাংশ শ্বেগড়ে লাভ কৰে এটাকৈ উইকেট ৷
দ্বিতীয়বাৰৰ বাবে খিতাপ দখল মুম্বাইৰ
মুম্বাইয়ে দ্বিতীয়বাৰৰ বাবে চৈয়দ মুস্তাক আলী ট্ৰফীৰ চূড়ান্ত খিতাপ অৰ্জন কৰে ৷ মুম্বাইয়ে 2022-23 ছিজনত প্ৰথমবাৰৰ বাবে এই ট্ৰফী জয় কৰিছিল ।
BCCI President Mr. Roger Binny hands over the trophy to Mumbai Captain Shreyas Iyer 👏👏
— BCCI Domestic (@BCCIdomestic) December 15, 2024
Congratulations to Mumbai on winning the Syed Mushtaq Ali Trophy 2024-25 🏆
Scorecard - https://t.co/4J8WAjUsK9#SMAT | @IDFCFIRSTBank | @ShreyasIyer15 | @MumbaiCricAssoc pic.twitter.com/sESEonvYNd
একেদৰে দ্বিতীয়বাৰৰ বাবে ফাইনেলত পৰাজয়ৰ সন্মুখীন হ'বলগীয়া হয় মধ্যপ্ৰদেশ ৷ 2010 চনৰ ফাইনেলত উপনীত হোৱা মধ্যপ্ৰদেশে এইবাৰো ৰাণাৰ্ছ আপতে সন্তুষ্ট থাকিবলগা হয় ।
সৰ্বাধিক বাৰৰ বাবে খিতাপ জয় কৰা দলটো
এই প্ৰতিযোগিতাত সৰ্বাধিকবাৰৰ বাবে খিতাপ দখল কৰা দলসমূহৰ তালিকাৰ শীৰ্ষত আছে তামিলনাডুৰ নাম ৷ তামিলনাডুৱে আন যিকোনো দলৰ তুলনাত তিনিবাৰকৈ (2006, 2021, 2022 চনত) এই ট্ৰফী জয় কৰিছে ৷ আনহাতে, বৰোদা, গুজৰাট আৰু কৰ্ণাটকে দুবাৰকৈ চূড়ান্ত বিজয়ী দলৰ সোৱাদ লাভ কৰিছে ৷
Stand and deliver!
— BCCI Domestic (@BCCIdomestic) December 15, 2024
Suryansh Shedge with the finishing touch for Mumbai ✨
Scorecard - https://t.co/4J8WAjUsK9#SMAT | @IDFCFIRSTBank | @MumbaiCricAssoc pic.twitter.com/RauIq8gKrS
মুম্বাই ক্ৰিকেট এছ'চিয়েশ্যনৰ শুভেচ্ছা জ্ঞাপন
মুম্বাই ক্ৰিকেট এছ'চিয়েছনৰ সভাপতি আজিংক্য নাইকে বিজয়ী দলটোক অভিনন্দন জ্ঞাপন কৰে ৷ নাইকে ইটিভি ভাৰতৰ আগত মুম্বাইৰ জয় সন্দৰ্ভত এনেদৰে কয়, "বি চি চি আই চৈয়দ মুস্তাক আলী ট্ৰফী (এছ এম এ টি) 2024 জয় কৰাৰ বাবে মুম্বাইক অভিনন্দন ! এয়া এক উল্লেখযোগ্য সাফল্য, যিয়ে প্ৰকৃত সাহস আৰু দলবদ্ধ কামক প্ৰদৰ্শন কৰে" ৷
