স্প’ৰ্টছ ডেস্ক: দক্ষিণ আফ্ৰিকা আৰু শ্ৰীলংকাৰ মাজত আৰম্ভ হৈছে টেষ্ট শৃংখলা ৷ এই শৃংখলাৰ প্ৰথমখন মেচ অনুষ্ঠিত হৈছে ডাৰবানত ।
ইতিমধ্যে আয়োজক দল দক্ষিণ আফ্ৰিকাই মেচখনত এক শক্তিশালী স্থিতিত উপনীত হৈছে ৷ মেচখনত বিজয়ৰ বাবে দক্ষিণ আফ্ৰিকাক প্ৰয়োজন মাত্ৰ 5 টা উইকেটৰ ৷
কিন্তু ইয়াৰ মাজতে লাভ কৰা এক দুঃসংবাদে জোকাৰি গৈছে সমগ্ৰ ক্ৰিকেট জগত ৷ দক্ষিণ আফ্ৰিকাৰ হৈ প্ৰায় 100 খন আন্তঃৰাষ্ট্ৰীয় মেচ খেলা প্ৰাক্তন অভিজ্ঞ এগৰাকী খেলুৱৈক মেচ ফিক্সিঙৰ অভিযোগত গ্ৰেপ্তাৰ কৰা হৈছে ।
[MATCH-FIXING] Hawks’ Serious Organised Crime arrested three (3) former South African cricket players, Ethy Mbhalati (43), Thamsanqa Tsolekile (44) and Lonwabo Lennox Tsotsobe (40), implicated in a match-fixing scheme during the 2015/2016 domestic T20 Ram Slam Challenge. pic.twitter.com/u6DigVl2MX
— South African Criminal Justice System (@RSA_CJS) November 29, 2024
প্ৰাপ্ত তথ্য অনুসৰি, প্ৰাক্তন ফাষ্ট বলাৰ লোনৱাহো টছটচোবেক শুকুৰবাৰে দক্ষিণ আফ্ৰিকাৰ অপৰাধ অনুসন্ধান বিভাগে গ্ৰেপ্তাৰ কৰিছে । টছটচোবেৰ উপৰিও আন দুজন প্ৰাক্তন খেলুৱৈকো একে অপৰাধতে কৰা হৈছে গ্ৰেপ্তাৰ । এই খেলুৱৈসকলৰ বিৰুদ্ধে 2015/2016 ত অনুষ্ঠিত ঘৰুৱা টি-20 ৰাম শ্লেম প্ৰতিযোগিতাৰ সময়ত মেচ ফিক্সিং কেলেংকাৰীত জড়িত থকাৰ অভিযোগ উত্থাপিত হৈছিল ।
দক্ষিণ আফ্ৰিকাই নিষিদ্ধ কৰিছে সাতজন ক্ৰিকেটাৰক
ই এছ পি এন ক্ৰিকইনফোৰ এক প্ৰতিবেদন অনুসৰি, 2016 আৰু 2017 চনত টি-20 টুৰ্ণামেণ্টৰ সময়ত ক্ৰিকেট দক্ষিণ আফ্ৰিকাই মেচ ফিক্সিঙৰ অপৰাধত নিষিদ্ধ কৰা সাতগৰাকী ক্ৰিকেটাৰৰ ভিতৰত আছিল লোনৱাবো টছটচোবে, থামি টোচোলকিল আৰু ইথি ম্বালাটিৰ নাম ৷
এই সাত খেলুৱৈৰ ভিতৰত অন্যতম অভিযুক্ত গোলাম বডীক ইতিমধ্যে কাৰাগাৰলৈ নিক্ষেপ কৰা হৈছে ৷ তদুপৰি জিন চিমছ আৰু পুমি মাৎচিক দোষী সাব্যস্ত কৰি শাস্তি হিচাপে ক্ৰিকেটৰ পৰা নিলম্বন কৰা হৈছিল । শেহতীয়াকৈ একেটা অপৰাধতে গ্ৰেপ্তাৰ কৰা হৈছে লোনৱাবো টছটচোবে, থামি টোচোলকিল আৰু ইথি ম্বালাটিক ৷
🚨 Match Fixing Arrest 🚨
— Vipin Tiwari (@Vipintiwari952) November 29, 2024
Former South African cricketers Lonwabo Tsotsobe, Thami Tsolekile, and Ethy Mbhalati have been arrested by the Directorate for Priority Crime Investigation. The arrests stem from their involvement in a match-fixing scandal during the 2015/16 T20 Ram Slam… pic.twitter.com/swPPlc4UpA
অৱশ্যে এই সন্দৰ্ভত আদালতত হ’বলগীয়া শুনানি 2025 চনৰ ফেব্ৰুৱাৰীলৈ পিছুৱাই দিয়া হৈছে । আনহাতে, আলভিৰো পিটাৰছনৰ বিষয়ত নাই কোনো তথ্য ৷
100 ত কৈও অধিক উইকেট দখল লোনৱাবো টছটচোবেৰ
দক্ষিণ আফ্ৰিকাৰ হৈ আন্তঃৰাষ্ট্ৰীয় ক্ৰিকেটত লোনৱাবো টছটচোবেয়ে 100 তকৈও অধিক উইকেট দখল কৰিছে । তেওঁ 2009 চনত দক্ষিণ আফ্ৰিকাৰ হৈ এদিনীয়া খেলত আত্মপ্ৰকাশ কৰিছিল । ক্ৰিকেটাৰগৰাকীয়ে 2013 চনত ভাৰতৰ বিৰুদ্ধে তেওঁৰ অন্তিমখন এদিনীয়াত অংশগ্ৰহণ কৰিছিল ৷ আফ্ৰিকাৰ হৈ লনৱাবোৱে টেষ্টত 9 টা, এদিনীয়াত 94 টা আৰু টি-20 আন্তঃৰাষ্ট্ৰীয় ক্ৰিকেটত 18 টা উইকেট দখল কৰিছে ৷
শচীন-বিৰাট আৰু ৰোহিতৰ উইকেট দখল কৰিছিল এইগৰাকী খেলুৱৈয়ে
বাওঁহতীয়া ফাষ্ট বলাৰ লোনৱাবো টছটচোবে তিনিওটা ফৰ্মেটত দক্ষিণ আফ্ৰিকাক প্ৰতিনিধিত্ব কৰিছিল । তেওঁ এদিনীয়া ক্ৰিকেটত আটাইতকৈ বেছি সফলতা লাভ কৰিছিল ।
টছটচোবে 61 খন এদিনীয়াত দখল কৰিছিল 94 টা উইকেট । য’ত তেওঁ ৰোহিত শৰ্মা, বিৰাট কোহলী, এম এছ ধোনীৰ দৰে কিংবদন্তী ভাৰতীয় বেটছমেনসকলক নিজৰ চিকাৰ কৰি তুলিছিল ।
আনকি শচীন তেণ্ডুলকাৰ আৰু ৰাহুল দ্ৰাবিড়ৰ দৰে তাৰকা খেলুৱৈয়ে অংশগ্ৰহণ কৰা 5 খন টেষ্টত 9 টা উইকেট দখল কৰিছিল । ইয়াৰোপৰি তেওঁ 23 খন টি-20 মেচত 18 টা উইকেট দখল কৰিছে । 2015 চনৰ ডিচেম্বৰৰ পৰা টছটচোবে ক্ৰিকেটত অংশগ্ৰহণ কৰাৰ পৰা বিৰত আছে ৷
লগতে পঢ়ক: টীম ইণ্ডিয়াৰ বাবে সুখবৰ; এডিলেইডৰ দ্বিতীয় টেষ্টৰ পৰা বাহিৰ জছ হেজলউড
