স্প’ৰ্টছ ডেস্ক, 9 আগষ্ট: বৃহস্পতিবাৰে পেৰিছ অলিম্পিকত নীৰজ চোপ্ৰাৰ ৰূপৰ পদক জয়ৰ পিছত ৰাষ্ট্ৰপতি দ্ৰৌপদী মুৰ্মুৰ অভিনন্দন ৷ ভাৰতীয় জেভলিন থ্ৰ’য়াৰগৰাকীক প্ৰশংসা কৰি ৰাষ্ট্ৰপতিয়ে কয় যে তেওঁৰ এই কৃতিত্বই নৱপ্ৰজন্মক অনুপ্ৰাণিত কৰিব ।
26 বছৰীয়া চোপ্ৰাই 89.45 মিটাৰ শ্ৰেষ্ঠ থ্ৰ’ৰে খেলখনৰ সামৰণি মাৰে যদিও সোণৰ পদকৰ সলনি ৰূপৰ পদকতে সন্তুষ্ট থাকিবলগীয়া হয় ৷ খেলুৱৈগৰাকীৰ স্বৰ্ণ জয়ৰ দ্বিতীয় প্ৰচেষ্টাত শক্তিশালী প্ৰদৰ্শন কৰা স্বত্বেও তেওঁ একেৰাহে চাৰিটা ফাউল থ্ৰ’ৰ সৈতে যুঁজ দিবলগীয়া হৈছিল ৷ যাৰ ফলত স্বৰ্ণ জয়ৰ পৰা বঞ্চিত হয় ।
দেশৰ স্বাধীনতাৰ পিছত ভাৰতৰ হকে ব্যক্তিগত প্ৰতিযোগিতাত দুটাকৈ অলিম্পিক পদক জয় কৰা দ্বিতীয়গৰাকী পুৰুষ খেলুৱৈত পৰিণত হয় নীৰজ । ৰাষ্ট্ৰপতি মুৰ্মুৱে নীৰজ চোপ্ৰাক অভিনন্দন জনাই কৈছিল যে ভাৰতে তেওঁক লৈ গৌৰৱান্বিত ।
"পেৰিছ অলিম্পিকত ৰূপৰ পদক জয় আৰু ইতিহাস ৰচনা কৰাৰ বাবে নীৰজ চোপ্ৰাক আন্তৰিক অভিনন্দন জনাইছো । তেওঁ ক্ৰমাগত দুটা অলিম্পিক গেমছত স্বৰ্ণ আৰু ৰূপৰ পদক জয় কৰা প্ৰথম ভাৰতীয় খেলুৱৈ । ভাৰতে তেওঁক লৈ গৌৰৱান্বিত । তেওঁৰ কৃতিত্বই আহিবলগীয়া প্ৰজন্মক অনুপ্ৰাণিত কৰিব । ভাৰতে ভৱিষ্যতে নীৰজ চোপ্ৰাই অধিক পদক আৰু গৌৰৱ কঢ়িয়াই অনাৰ বাবে অপেক্ষা কৰি আছে" ৷ ৰাষ্ট্ৰপতি মুৰ্মুৱে এক্সত প্ৰকাশ পোৱা পোষ্ট এটাত এনেদৰে কয় ৷
Heartiest congratulations to Neeraj Chopra on winning silver medal in Paris Olympics and scripting history. He is the first Indian athlete to win a gold and a silver medal in two successive Olympic Games. India is proud of him. His feat will inspire generations to come. India…
— President of India (@rashtrapatibhvn) August 8, 2024
প্ৰধানমন্ত্ৰী নৰেন্দ্ৰ মোদীয়েও খেলুৱৈগৰাকীৰ সফলতাত অভিনন্দন জ্ঞাপন কৰে ৷ মোদীয়ে সামাজিক মাধ্যম এক্সৰ জৰিয়তে চোপ্ৰাক অভিনন্দন জ্ঞাপন কৰে ৷
Neeraj Chopra is excellence personified! Time and again he’s shown his brilliance. India is elated that he comes back with yet another Olympic success. Congratulations to him on winning the Silver. He will continue to motivate countless upcoming athletes to pursue their dreams… pic.twitter.com/XIjfeDDSeb
— Narendra Modi (@narendramodi) August 8, 2024
"নীৰজ চোপ্ৰা উৎকৃষ্ট ব্যক্তি । বাৰে বাৰে তেওঁ নিজৰ উজ্জ্বলতা দেখুৱাইছে । ভাৰত উৎফুল্লিত যে, তেওঁ আন এটা অলিম্পিকত সফলতা লৈ উভতি আহিছে । ৰূপ জয়ৰ বাবে তেওঁক অভিনন্দন । আগন্তুক সময়ত তেওঁ অগণন খেলুৱৈক তেওঁলোকৰ সপোন অনুসৰণ কৰিবলৈ আৰু আমাৰ দেশক গৌৰৱান্বিত কৰিবলৈ অনুপ্ৰাণিত কৰি থাকিব"- বুলি প্ৰধানমন্ত্ৰীগৰাকীয়ে সামাজিক মাধ্যমত প্ৰকাশ কৰে ৷
কেন্দ্ৰীয় পথ পৰিবহণ আৰু ঘাইপথ মন্ত্ৰী নীতিন গাডকাৰীয়ে চলিত পেৰিছ অলিম্পিকত ৰূপৰ পদক অৰ্জন কৰাৰ বাবে নীৰজক প্ৰশংসা কৰে । গাডকাৰীয়ে সামাজিক মাধ্যম এক্সত শুভেচ্ছা জ্ঞাপন কৰে খেলুৱৈগৰাকীক ৷ ভাৰতীয় জেভলিন থ্ৰ'য়াৰগৰাকীৰ নিষ্ঠা আৰু ব্যতিক্ৰমী দক্ষতাই দেশবাসীলৈ গৌৰৱ কঢ়িয়াই আনিছে বুলিও কেন্দ্ৰীয় মন্ত্ৰীগৰাকীয়ে উল্লেখ কৰে ।
Congratulations to @Neeraj_chopra1 for clinching the silver medal🥈 in Men's Javelin Throw at the Paris Olympics 2024! Your relentless dedication and exceptional skill have once again brought glory to India. 🇮🇳
— Nitin Gadkari (@nitin_gadkari) August 8, 2024
May your achievement inspire future generations and continue to… pic.twitter.com/pYKbQt3ZC1
"পেৰিছ অলিম্পিক 2024 ত পুৰুষৰ জেভেলিন থ্ৰ’ত ৰূপৰ পদক অৰ্জন কৰাৰ বাবে @Neeraj_chopra1 অভিনন্দন ! আপোনাৰ নিৰলস নিষ্ঠা আৰু ব্যতিক্ৰমী দক্ষতাই আকৌ এবাৰ ভাৰতলৈ গৌৰৱ কঢ়িয়াই আনিছে । আপোনাৰ কৃতিত্বই ভৱিষ্যত প্ৰজন্মক অনুপ্ৰাণিত কৰক আৰু সমগ্ৰ বিশ্বত আপুনি জিলিকি থাকক । এইক্ষেত্ৰত আগলৈ আৰু বহুতো সফলতা আছে"- নীতিন গাডকাৰীয়ে এক্সত এনেদৰে লিখিছিল ।
কেন্দ্ৰীয় সংসদীয় পৰিক্ৰমা মন্ত্ৰী কিৰেন ৰিজিজুৱে চলিত গ্ৰীষ্মকালীন ক্ৰীড়াত ৰূপৰ পদক নিশ্চিত কৰাৰ বাবে নীৰজ চোপ্ৰাক অভিনন্দন জনাইছে কিৰেন ৰিজিজুৱে এক্সত লিখিছিল, "আমাৰ চেম্পিয়ন @Neeraj_chopra1 থ্ৰ’ 89.45 মিটাৰত ৰূপৰ পদক বিজয়ী" ৷
The silver medal winning throw from our champion @Neeraj_chopra1 at 89.45 m.
— Kiren Rijiju (@KirenRijiju) August 8, 2024
🇮🇳#Cheer4Bharat https://t.co/ih5CaVrjKe pic.twitter.com/rRIMqOVBM0
নীৰজৰ প্ৰথম আৰু তৃতীয় প্ৰচেষ্টা ৰঙা পতাকাৰ দ্বাৰা অবৈধ ঘোষণা কৰা হৈছিল আৰু খেলুৱৈগৰাকীৰ অন্তিম তিনিটা প্ৰচেষ্টাও ফাউল আছিল । অৰ্হতা ৰাউণ্ডত শক্তিশালী প্ৰদৰ্শন স্বত্বেও তেওঁ 89.34 মিটাৰ দলিয়াইছিল । চোপ্ৰাৰ 89.45 মিটাৰ থ্ৰ’ আছিল তেওঁৰ দ্বিতীয় সৰ্বশ্ৰেষ্ঠ প্ৰদৰ্শন ৷ দুৰ্ভাগ্যবশতঃ নীৰজে ক্ৰমাগতভাৱে অলিম্পিকত দ্বিতীয়টো সোণৰ পদক জয়ী কৰাত ব্যৰ্থ হয় ৷
থ্ৰ’ৰ পূৰ্বে খেলুৱৈগৰাকীক অত্যন্ত চাপত থকা দেখা গৈছিল ৷ ভাৰতীয় জেভলিন থ্ৰ'য়াৰগৰাকীয়ে আকৌ এবাৰ সীমা অতিক্ৰম কৰাৰ লগে লগে তেওঁৰ পঞ্চম প্ৰচেষ্টাত ৰঙা পতাকা প্ৰদৰ্শন কৰা হৈছিল ৷ নীৰজৰ অন্তিম আৰু ষষ্ঠ প্ৰয়াসটোও অযোগ্য ঘোষণা কৰা হৈছিল । যাৰ বাবে খেলুৱৈগৰাকী ৰূপৰ পদকতে সন্তুষ্ট থাকিবলগীয়া হয় ৷
লগতে পঢ়ক: পুৰুষ কুস্তিৰ ফ্ৰীষ্টাইল 57 কিলোগ্ৰামৰ ছেমি ফাইনেলত ভাৰতৰ অমন চেহৰাৱাত - Paris Olympics 2024
