স্প’ৰ্টছ ডেস্ক, 6 ছেপ্টেম্বৰ: পেৰিছ পেৰালিম্পিকৰ পুৰুষৰ হাই জাম্প টি-৬৪ ইভেণ্টত ভাৰতৰ প্ৰবীণ কুমাৰে স্বৰ্ণ পদক অৰ্জন কৰে । ভাৰতীয় খেলুৱৈগৰাকীয়ে ২.০৮ মিটাৰ দূৰত্ব অতিক্ৰম কৰি পেৰালিম্পিকত একেৰাহে দ্বিতীয়বাৰৰ বাবে পদক অৰ্জন কৰে । ইয়াৰ পূৰ্বে ২১ বছৰীয়া প্ৰবীনে টকিঅ’ গেমছত ৰূপৰ পদক লাভ কৰিছিল, য’ত তেওঁ পদক লাভ কৰা আটাইতকৈ কম বয়সীয়া পেৰালিম্পিয়ান হিচাপে পৰিগণিত হৈছিল । স্বৰ্ণ পদক লাভ কৰি তেওঁ পেৰালিম্পিকৰ যিকোনো সংস্কৰণত ভাৰতৰ হৈ সৰ্বাধিক পদক অৰ্জন কৰা খেলুৱৈ হিচাপে পৰিগণিত হয় ।
Play. PRA(WIN). Progress✅🫡
— SAI Media (@Media_SAI) September 6, 2024
What an extraordinary performance from Para High Jumper Praveen Kumar!
He upgrades his #Tokyo2020 Silver to Gold with a tremendous Personal Best leap of 2.08m and boosts #TeamIndia’s rankings in the #ParisParalympics2024 medals tally.
Savour… pic.twitter.com/yJ9VQdSZio
লগতে পেৰালিম্পিকত হাই জাম্প প্ৰতিযোগিতাত প’ডিয়ামৰ শীৰ্ষত স্থান দখল কৰা মৰিয়প্প্ন থাংগাভেলুৰ পিছত দ্বিতীয়জন ভাৰতীয় হিচাপে পৰিগণিত হয় প্ৰবীণ । জন্মতে ভৰি চুটি হোৱা নয়ডাৰ খেলুৱৈগৰাকীয়ে প্ৰতিযোগিতাখনত ছয়গৰাকী প্ৰতিযোগীৰ ভিতৰত শীৰ্ষস্থান দখল কৰে ।
Praveen Kumar clinches gold 🥇 at #Paris2024 with his season's best jump of 2.08 m 🤯
— JioCinema (@JioCinema) September 6, 2024
Watch the #Paralympics LIVE on #JioCinema 👈#ParalympicsOnJioCinema #JioCinemaSports #ParalympicsParis2024 #HighJump pic.twitter.com/k6zLWLU9XD
আমেৰিকাৰ ডেৰেক লচিডেণ্টে ২.০৬ মিটাৰ বেষ্ট জাম্প কৰি ৰূপৰ পদক লাভ কৰে । একেদৰে উজবেকিস্তানৰ টেমুৰবেক গিয়াজোভে ২.০৩ মিটাৰ জাম্প কৰি তৃতীয় স্থান লাভ কৰে । প্ৰবীণ টি-৬৪ শ্ৰেণীৰ অন্তৰ্গত, যিটো ভৰিৰ তলৰ অংশত মধ্যমীয়া গতিৰ অভাৱ থকা বা আঁঠুৰ তলত এখন বা দুয়োখন ভৰি নোহোৱা খেলুৱৈৰ বাবে নিৰ্ধাৰণ কৰা হৈছে ।
Congratulations to Praveen Kumar for scaling new heights and winning a Gold in the Men's High Jump T64 at the #Paralympics2024!
— Narendra Modi (@narendramodi) September 6, 2024
His determination and tenacity have brought glory to our nation.
India is proud of him! #Cheer4Bharat pic.twitter.com/ICR7BvhruJ
পেৰিছ গেমছত প’ডিয়ামত স্থান লাভ কৰা তৃতীয়জন ভাৰতীয় হাই জাম্পাৰ হিচাপে পৰিগণিত হয় প্ৰবীণ । পুৰুষৰ হাই জাম্প টি-৬৩ ইভেণ্টত শৰদ কুমাৰে ৰূপৰ পদক লাভ কৰাৰ বিপৰীতে মৰিয়প্প্ন থাংগাভেলুৱে ব্ৰঞ্জৰ পদক লাভ কৰে ।
২০১৯ চনত ছুইজাৰলেণ্ডত অনুষ্ঠিত হোৱা বিশ্ব পেৰা এথলেটিকছ জুনিয়ৰ চেম্পিয়নশ্বিপত তেওঁ ৰূপৰ পদক লাভ কৰে । ইয়াৰ উপৰিও তেওঁ এছিয়ান অভিলেখ গঢ়িছিল আৰু ২০২১ চনত ডুবাইত অনুষ্ঠিত হোৱা বিশ্ব পেৰা এথলেটিকছ FAZZA গ্ৰেণ্ড প্ৰিক্সত সোণৰ পদক লাভ কৰিছিল । ২০২৩ চনৰ বিশ্ব পেৰা এথলেটিকছ চেম্পিয়নশ্বিপতো ব্ৰঞ্জৰ পদক লাভ কৰে প্ৰবীণে ।
