স্পৰ্টছ ডেস্ক, ২৭ জুলাই : এক আড়ম্বৰপূৰ্ণ অনুষ্ঠানেৰে শুকুৰবাৰে শুভাৰম্ভণি ঘটিল বিশ্ব ক্ৰীড়া মহাৰণ পেৰিছ অলিম্পিকৰ । ২০৬ খন দেশ আৰু সংগঠনৰ ১০,৫০০ ৰো অধিক খেলুৱৈয়ে এই অনুষ্ঠানত অংশগ্ৰহণ কৰে । আনহাতে, এই অনুষ্ঠান উপভোগ কৰিবলৈ ৩ লাখৰো অধিক দৰ্শকে ছেইন নদীৰ পাৰত উপস্থিত থাকে ।
একে সময়তে, লাখ লাখ অনুৰাগীয়ে তেওঁলোকৰ ঘৰৰ বাৰান্দাৰ পৰা এই আকৰ্ষণীয় অনুষ্ঠানটো প্ৰত্যক্ষ কৰে । অৱশ্যে বৰষুণে অনুষ্ঠানটো ব্যাহত কৰিলেও কিন্তু ই লাখ লাখ অনুৰাগী আৰু খেলুৱৈৰ অনুপ্ৰেৰণাক ম্লান কৰিব পৰা নাছিল ।
…Gaga oh la la!
— The Olympic Games (@Olympics) July 26, 2024
Excuse us as we pick our jaws off of the floor 🤯 @ladygaga just blew us away with a dazzling French cabaret performance at the #Paris2024 #OpeningCeremony! pic.twitter.com/oXBtU8wit3
মহা আড়ম্বৰেৰে আৰম্ভ অলিম্পিক, ২০২৪
ফ্ৰান্সৰ ৰাষ্ট্ৰপতি ইমানুৱেল মেক্ৰন আৰু আই অ' চিৰ সভাপতি থমাছ বাখক পেৰিছৰ ছেইন নদীৰ পাৰত অলিম্পিক, ২০২৪-ৰ উদ্বোধনী অনুষ্ঠানৰ ঠিক পূৰ্বে ট্ৰোকাডেৰোত পৰিচয় কৰাই দিয়া হয় । তাৰ পিচত চেইন নদীৰ ওপৰেৰে এক চমৎকাৰ আতচবাজী প্ৰদৰ্শন আৰু দুয়োপাৰত থিয় হৈ থকা ৩ লাখ দৰ্শকৰ হৰ্ষোল্লাসৰ মাজেৰে অলিম্পিক শিখা অনা হয় । ইয়াৰ পিচত পুনৰ এক আকৰ্ষণীয় আতচবাজীৰ পিচত ধোঁৱাৰে আৱৰি থকা ফৰাচী পতাকাখন এক আকৰ্ষণীয় দৃশ্যলৈ পৰিৱৰ্তিত হয় ।
The party on the Seine continues!
— The Olympic Games (@Olympics) July 26, 2024
24 more delegations have arrived. They’re floating along the Seine to the sound of dreamy French piano. 🎹#Paris2024 #OpeningCeremony pic.twitter.com/09IHSTcCsX
| লগতে পঢ়ক :পেৰিছ অলিম্পিক : ২৭ জুলাইৰ সম্পূৰ্ণ সূচী, জানক ভাৰতীয় খেলুৱৈৰ ইভেণ্ট আৰু সময় - Paris Olympic 2024 |
পেৰেডত প্ৰথমে আহে গ্ৰীচৰ দল
অলিম্পিকৰ জন্মস্থান বুলি কোৱা দেশ গ্ৰীচৰ দলটোক প্ৰথমে খেলুৱৈসকলৰ সৈতে নাৱত উঠি পেৰেড কৰা প্ৰত্যক্ষ কৰা হয় । খেলুৱৈসকলে হাত জোকাৰি অনুৰাগীসকলৰ শুভেচ্ছা গ্ৰহণ কৰে । ছেইন নদীৰ দুয়োফালে থকা লাখ লাখ অনুৰাগীয়ে তেওঁলোকক আদৰণি জনায় ।
Bienvenue mesdames et messieurs 🤩
— The Olympic Games (@Olympics) July 26, 2024
Welcome the delegations to this enchanted, playful and sparkling Paris.
Lights up, the curtain is open and the show has begun.#Paris2024 #OpeningCeremony pic.twitter.com/rSZJdIg30f
ভাৰতীয় দলটোক বিশাল আদৰণি
পেৰেডত ভাৰতৰ দলটো আছিল ৮৪ নম্বৰ স্থানত । ইয়াত ১২ টা ক্ৰীড়া বিভাগৰ ৭৮ গৰাকী খেলুৱৈ আৰু বিষয়াই অংশগ্ৰহণ কৰে । বৰষুণৰ মাজতে ভাৰত উপস্থিত হোৱাৰ লগে লগে লাখ লাখ অনুৰাগীয়ে দলটোক আন্তৰিক আদৰণি জনায় । ভাৰতীয় খেলুৱৈসকলে হাত জোকাৰি পেৰিছত উপস্থিত লাখ লাখ অনুৰাগীৰ লগতে টিভিত পোনপটীয়াকৈ চাই থকা ১৪০ কোটি ভাৰতীয়ৰ পৰা তেওঁলোকে শুভেচ্ছা গ্ৰহণ কৰে । ভাৰতৰ ত্ৰিৰংগ সকলো ভাৰতীয় খেলুৱৈৰ হাতত গৌৰৱেৰে উজলি আছিল ।
The Flame is here! Are you ready for this 6km celebration of sport along the iconic River Seine? 🌉
— The Olympic Games (@Olympics) July 26, 2024
Are you ready for the Olympic Games Paris 2024? 🙌#Paris2024 #OpeningCeremony pic.twitter.com/sfHRiqcwIS
পি ভি সিন্ধু আৰু শৰথ কমলে বহন কৰে ভাৰতৰ ধ্বজা
পেৰিছত অনুষ্ঠিত অলিম্পিকৰ মনোমোহা উদ্বোধনী অনুষ্ঠানৰ 'পেৰেড অব নেচনছ'ত দুবাৰৰ অলিম্পিক পদক বিজয়ী তাৰকা শ্বাটলাৰ পি ভি সিন্ধু ভাৰতৰ ধ্বজাবাহক আছিল । আনহাতে, পুৰুষ ধ্বজাবাহক আছিল অভিজ্ঞ পেডলাৰ শৰথ কমল । এই দুগৰাকীৰ পৰা ভাৰতে এইবাৰ অলিম্পিক পদকৰ সৰ্বাধিক আশা কৰিছে ।
তৃতীয়বাৰ অলিম্পিক আয়োজন কৰা দ্বিতীয় চহৰ
ফ্ৰান্সৰ পেৰিছ চহৰে 100 বছৰৰ পিচত বিশ্বৰ সৰ্ববৃহৎ ক্ৰীড়া প্ৰতিযোগিতা অলিম্পিক গেমছ আয়োজন কৰিছে । ইয়াৰ পূৰ্বে ১৯২৪ চনত ফ্ৰান্সৰ ৰাজধানীত অলিম্পিকৰ আয়োজন কৰা হৈছিল । পেৰিছ এতিয়া লণ্ডনৰ পিচত বিশ্বৰ দ্বিতীয়খন চহৰ হিচাপে পৰিগণিত হৈছে, যিয়ে তৃতীয়বাৰৰ বাবে অলিম্পিক আয়োজনৰ গৌৰৱ অৰ্জন কৰিছে ।
উদ্বোধনী অনুষ্ঠানত কি কি বিশেষত্ব আছিল
অলিম্পিক গেমছৰ ইতিহাসত প্ৰথমবাৰৰ বাবে ষ্টেডিয়ামৰ বাহিৰত উদ্বোধনী অনুষ্ঠান অনুষ্ঠিত হয় । সমগ্ৰ বিশ্বৰ ১০ হাজাৰ ৫০০ খেলুৱৈয়ে ছেইন নদীৰ ঢৌত নাওৰ সহায়ত ৬ কিলোমিটাৰ দীঘল 'পেৰেড অব নেচনছ'ত যোগদান কৰে । অনুষ্ঠানটোত পপ তাৰকা লেডী গাগাকে ধৰি বহু তাৰকাই তেওঁলোকৰ অনুষ্ঠান প্ৰদৰ্শনেৰে লাখ লাখ অনুৰাগীক মোহাচ্ছন্ন কৰে ।
প্ৰতিগৰাকী খেলুৱৈ ভাৰতৰ গৌৰৱ : প্ৰধানমন্ত্ৰী মোদী
As the Paris #Olympics commences, my best wishes to the Indian contingent. Every athlete is India’s pride. May they all shine and embody the true spirit of sportsmanship, inspiring us with their exceptional performances. #Paris2024
— Narendra Modi (@narendramodi) July 26, 2024
প্ৰধানমন্ত্ৰী মোদীয়ে পেৰিছ অলিম্পিকৰ উদ্বোধনী অনুষ্ঠানৰ ঠিক পূৰ্বে টুইট কৰি ভাৰতীয় দলটোক অভিনন্দন জনায় । তাত তেওঁ লিখিছে, "পেৰিছ অলিম্পিক আৰম্ভণিৰ লগে লগে ভাৰতীয় দলটোলৈ মোৰ শুভকামনা । প্ৰতিগৰাকী খেলুৱৈ ভাৰতৰ গৌৰৱ । তেওঁলোক সকলো উজলি উঠক আৰু খেলুৱৈৰ প্ৰকৃত মনোভাব উপলব্ধি কৰক, তেওঁলোকৰ অসাধাৰণ প্ৰদৰ্শনেৰে আমাক অনুপ্ৰাণিত কৰক ।"
