স্পৰ্টছ ডেস্ক, 6 আগষ্ট : পেৰিছ অলিম্পিক 2024ৰ দশম দিনটো ভাৰতৰ বাবে হতাশাজনক আছিল ৷ ভাৰতে আজি 2 টা পদক লাভ কৰাৰ সুযোগ পাইছিল যদিও বেডমিণ্টনত লক্ষ্য সেন আৰু অনন্তজিৎ সিং নাৰুকা আৰু মহেশ্বৰী চৌহানে স্কীট মিক্সড টিম ইভেণ্টত ব্ৰঞ্জৰ পদক মেচত পৰাস্ত হয় ৷ এতিয়া এই প্ৰতিযোগিতাৰ একাদশ দিনটোত সকলোৰে দৃষ্টি থাকিব ভাৰতীয় হকী দলটোৰ ওপৰত ৷ যিয়ে ছেমি ফাইনেলত জয়ী হৈ ফাইনেলত প্ৰৱেশ কৰি সোণৰ পদক দখলৰ লক্ষ্য ৰাখিব ৷ গতিকে আমি আপোনালোকক ভাৰতৰ পেৰিছ গেমছৰ একাদশ দিনটোৰ সম্পূৰ্ণ সময়সূচীৰ বিষয়ে জনাবলৈ ওলাইছো ৷
6 আগষ্টত অনুষ্ঠিত হ'বলগীয়া ভাৰতীয় খেলুৱৈৰ প্ৰতিযোগিতা আৰু সময় :
টেবুল টেনিছ : 2024 চনৰ পেৰিছ অলিম্পিকৰ একাদশ দিনটোত ভাৰতীয় পুৰুষ খেলুৱৈয়ে টেবুল টেনিছ দলৰ প্ৰতিযোগিতাত অভিযান আৰম্ভ কৰিব ৷ মানৱ ঠাক্কৰ, শৰথ কমল আৰু হৰমীত দেশাইক এই মেচত খেলা দেখা যাব ৷ পুৰুষৰ দলীয় ইভেণ্টৰ 16 ৰাউণ্ডত চীনৰ দলৰ সৈতে ভাৰতীয় দলৰ এখন মেচ অনুষ্ঠিত হ’ব ৷
- 16 নং পুৰুষৰ দলীয় ৰাউণ্ড - (মানৱ ঠক্কাৰ, শৰথ কমল আৰু হৰমীত দেশাই) - 1.30 বজাত ৷
এথলেটিকছ : অলিম্পিক গেমছৰ একাদশ দিনটোত ভাৰতৰ গল্ডেন বয় নীৰজ চোপ্ৰাক জেভেলিন থ্ৰ’ প্ৰতিযোগিতাৰ অৰ্হতা মেচত খেলা দেখা যাব ৷ তেওঁৰ বাহিৰেও ভাৰতৰ কিশোৰ কুমাৰ জৈনক একেখন প্ৰতিযোগিতাতে দেখা যাব ৷
- পুৰুষৰ জেভেলিন থ্ৰ’ অৰ্হতা (নীৰজ চোপ্ৰা আৰু কিশোৰ কুমাৰ জৈন) - দুপৰীয়া 1.50 বজাত ৷
এথলেটিকছ : মহিলাৰ 400 মিটাৰ ষ্টীপলচেজ ৰাউণ্ডত দেখা যাব ভাৰতৰ কিৰণ পহলক ৷ ভাৰতৰ হৈ তেওঁক পদক দাবী কৰা দেখা যাব ৷
- মহিলাৰ 400 মিটাৰ ষ্টীপলচেজ ৰাউণ্ড - দুপৰীয়া 2.20 বজাত ৷
লগতে পঢ়ক : পেৰিছ অলিম্পিকত দৃশ্যমান ভাৰতীয় হকীৰ শক্তি : ৪৪ বছৰৰ পাচত সোণৰ আশা দেশবাসীৰ - Paris Olympics 2024
মল্লযুঁজ : পেৰিছ অলিম্পিক 2024 ৰ একাদশ সংখ্যক দিনত ভাৰতৰ তাৰকা মহিলা মল্লযুঁজাৰু বিনেশ ফ’গাটক একচনত দেখা যাব ৷ বিনেশে মহিলাৰ 50 কেজি শাখাত প্ৰতিদ্বন্দ্বিতা কৰিব ৷ অৰ্হতাৰ পৰা ছেমি ফাইনেললৈকে খেলত অংশগ্ৰহণ কৰিব তেওঁ ৷ ইয়াৰ উপৰিও 68 কেজি শাখাতো ৰেপেচেজ আৰু পদক মেচ অনুষ্ঠিত হ’ব ৷ এই শিতানত খেলিছে ভাৰতৰ নিশা দহিয়াই ৷ বৰ্তমান তেওঁ কোৱাৰ্টাৰ ফাইনেল খেলি আছে, যদি তাই ফাইনেলত প্ৰৱেশ কৰে তেন্তে আজি একাদশ দিনচটোত তেওঁ পদকৰ বাবে খেলিব পাৰিব ৷
- মহিলাৰ 50 কেজি (বিনেশ ফ’গাট) - দুপৰীয়া 2.30 বজাত ৷
- মহিলাৰ 68 কেজি পদক মেচ - পুৱা 12.30 বজাত ৷
- মহিলাৰ 68 কেজি ৰিপেচেজ - দুপৰীয়া 2.30 বজাত ৷
হকী : হৰমনপ্ৰীত সিঙৰ অধিনায়কত্বত ভাৰতীয় হকী দলটোক জাৰ্মানীৰ বিৰুদ্ধে ছেমি ফাইনেল খেলত দেখা যাব ৷ কোৱাৰ্টাৰ ফাইনেলৰ খেলখনত পেনাল্টি শ্বুট আউটত গ্ৰেট ব্ৰিটেইনক পৰাস্ত কৰি ভাৰতে ছেমি ফাইনেলত প্ৰৱেশ কৰিছে ৷ এতিয়া দলটোৰ লক্ষ্য হ’ব ফাইনেলত প্ৰৱেশ কৰি স্বৰ্ণ পদক লাভ কৰা ৷
- পুৰুষৰ হকী ছেমি ফাইনেল (ভাৰত বনাম জাৰ্মানী) - নিশা 10.30 বজাত ৷
লগতে পঢ়ক : হকীৰ ছেমি ফাইনেলৰ পূৰ্বে হৰমনপ্ৰীতৰ স্পষ্ট বক্তব্য, সকীয়ালে জাৰ্মানীক - Paris Olympics 2024
