স্প’ৰ্টছ ডেস্ক, 8 আগষ্ট: ২০২৪ চনৰ পেৰিছ অলিম্পিকত ভাৰতীয় হকী দলটোৱে উজ্জ্বল প্ৰদৰ্শন আগবঢ়াই স্পেইনক ২-১ গ’লত পৰাস্ত কৰে । এই জয়েৰে ভাৰতে ব্ৰঞ্জৰ পদক লাভ কৰিবলৈ সক্ষম হৈছে । পেৰিছ অলিম্পিকত ভাৰতে লাভ কৰা এয়া চতুৰ্থটো পদক । ৭ দিনৰ অপেক্ষাৰ অন্তত এই পদক লাভ কৰিছে ভাৰতে ৷ কাৰণ ইয়াৰ আগতে খেলৰ সপ্তম দিনা ভাৰতীয় খেলুৱৈয়ে পদক লাভ কৰিছিল । এই বিজয়ৰ পিচতে প্ৰধানমন্ত্ৰী মোদীকে ধৰি দেশৰ বিভিন্নজনে হকী দলটোক অভিনন্দন জ্ঞাপন কৰিছে ।
ৰাষ্ট্ৰপতি মুৰ্মুৱে দলটোৰ যুঁজাৰু মনোভাৱক প্ৰশংসা কৰে
Heartiest congratulations to our Hockey Team for securing the bronze medal at the Paris Olympics! It is after over five decades that India has won bronze medals in back-to-back Olympic Games. The team deserves highest praise for resurgence of Indian Hockey. They have done India…
— President of India (@rashtrapatibhvn) August 8, 2024
ৰাষ্ট্ৰপতি দ্ৰৌপদী মুৰ্মুৱে অভিনন্দন জনোৱাৰ সময়ত লিখিছে, ‘‘পেৰিছ অলিম্পিকত ব্ৰঞ্জৰ পদক লাভ কৰাৰ বাবে আমাৰ হকী দলটোক আন্তৰিক অভিনন্দন । পাঁচ দশকৰো অধিক সময়ৰ পাচত ভাৰতে একেৰাহে দুখন অলিম্পিক গেমছত ব্ৰঞ্জৰ পদক লাভ কৰিছে । ভাৰতীয় হকীৰ পুনৰুজ্জীৱিতকৰণৰ বাবে দলটোৱে সৰ্বোচ্চ প্ৰশংসাৰ যোগ্য । তেওঁলোকে ভাৰতক গৌৰৱান্বিত কৰিছে । এই দলটোৱে প্ৰদৰ্শন কৰা ধাৰাবাহিকতা, দক্ষতা, একেলগে থকা আৰু যুঁজাৰু মনোভাৱে আমাৰ যুৱক-যুৱতীসকলক অনুপ্ৰাণিত কৰিব । ভাৰতীয় হকী দল, বৰ ভাল কাম কৰিছে ।’’
প্ৰজন্মই মনত ৰাখিব: প্ৰধানমন্ত্ৰীৰ প্ৰশংসাসূচক মন্তব্য
A feat that will be cherished for generations to come!
— Narendra Modi (@narendramodi) August 8, 2024
The Indian Hockey team shines bright at the Olympics, bringing home the Bronze Medal! This is even more special because it is their second consecutive Medal at the Olympics.
Their success is a triumph of skill,…
প্ৰধানমন্ত্ৰী নৰেন্দ্ৰ মোদীয়ে ভাৰতীয় পুৰুষ হকী দলটোক অভিনন্দন জনাই লিখিছে, এই কৃতিত্ব আগন্তুক প্ৰজন্মই মনত ৰাখিব । ভাৰতীয় হকী দলটোৱে অলিম্পিকত উজ্জ্বল প্ৰদৰ্শন আগবঢ়াই ব্ৰঞ্জৰ পদক লাভ কৰিছে ৷ এই পদকৰ আন এক বিশেষত্ব হৈছে যে অলিম্পিকত ভাৰতৰ এইটো একেৰাহে দ্বিতীয়টো পদক ।
‘‘তেওঁলোকৰ সফলতা,দক্ষতা, অধ্যৱসায় আৰু দলীয় মনোভাৱৰ জয় । তেওঁলোকে অতি সাহস আৰু স্থিতিস্থাপকতা দেখুৱাইছিল । খেলুৱৈসকলক অভিনন্দন জ্ঞাপন কৰিলোঁ । প্ৰতিজন ভাৰতীয়ৰ হকীৰ সৈতে আৱেগিক সম্পৰ্ক আছে আৰু এই কৃতিত্বই আমাৰ দেশৰ যুৱক-যুৱতীসকলৰ মাজত খেলখনক আৰু অধিক জনপ্ৰিয় কৰি তুলিব ।’’ প্ৰধানমন্ত্ৰীয়ে লিখে ৷
অভিনৱ বিন্দ্ৰাৰ অভিনন্দন জ্ঞাপন
The Indian Men’s Hockey Team, with courage etched in every stride, you’ve brought home a bronze medal that shines with the brilliance of gold. To each of you, who donned the tricolor with pride—thank you for giving us a moment that will echo in our hearts for generations.… pic.twitter.com/fSBeKbBQsm
— Abhinav A. Bindra OLY (@Abhinav_Bindra) August 8, 2024
প্ৰাক্তন ভাৰতীয় স্বৰ্ণ পদক বিজয়ী অভিনৱ বিন্দ্ৰাই অভিনন্দন জনাই লিখিছে, ‘‘ভাৰতীয় পুৰুষ হকী দল, প্ৰতিটো খোজতে সাহসেৰে, আপোনালোকে সোণৰ জিলিকনিৰে ব্ৰঞ্জৰ পদক লৈ আহিছে । ত্ৰিৰংগাক গৌৰৱেৰে উত্তোলন কৰা আপোনালোকৰ প্ৰতিজনলৈ– আমাক এনে এটা মুহূৰ্ত দিয়াৰ বাবে ধন্যবাদ, যিটো আমাৰ হৃদয়ত প্ৰজন্মৰ পিছত প্ৰজন্ম ধৰি প্ৰতিধ্বনিত হৈ থাকিব । অভিনন্দন ৷
ৰাহুল গান্ধীয়েও জ্ঞাপন কৰে অভিনন্দন
Phenomenal match by the Indian Hockey Team - proud to see you all bag the Bronze Medal 🥉
— Rahul Gandhi (@RahulGandhi) August 8, 2024
Thank you, Sreejesh. Your relentless commitment to excellence has kept us inspired.#ParisOlympics2024 pic.twitter.com/cN9UYOIjD5
লোকসভাৰ বিৰোধী দলৰ নেতা ৰাহুল গান্ধীয়ে হকী দল আৰু গ’লৰক্ষক শ্ৰীজেশক অভিনন্দন জনাইছে । তেওঁ লিখিছে, ভাৰতীয় হকী দলৰ মহান মেচ, আপোনালোক সকলোকে ব্ৰঞ্জৰ পদক লাভ কৰা দেখি গৌৰৱ অনুভৱ কৰিছো, ধন্যবাদ শ্ৰীজেশ, উৎকৃষ্টতাৰ প্ৰতি আপোনাৰ অবিৰত দায়বদ্ধতাই আমাক অনুপ্ৰাণিত কৰিছে ।
লগতে পঢ়ক: পুনৰ অলিম্পিকত প্ৰেমৰ প্ৰস্তাৱ খেলুৱৈৰ: আঁঠু কাঢ়ি প্ৰেম নিবেদন মহিলা দৌৰবিদৰ - Paris Olympics 2024
