স্পৰ্টছ ডেস্ক, 2 আগষ্ট : পেৰিছ অলিম্পিকত নিজৰ দুৰ্দান্ত প্ৰদৰ্শন অব্যাহত ৰাখিছে ভাৰতীয় শ্বুটাৰ মনু ভাকৰে ৷ ইতিমধ্যে চলিত অলিম্পিকত নিজৰ উজ্জ্বল প্ৰদৰ্শনেৰে দুটাকৈ ব্ৰঞ্জ জয় কৰি প্ৰতিজন ভাৰতীয়ৰ হৃদয় জয় কৰা ভাকৰ আন এটা পদক লাভৰ পৰা মাত্ৰ এটা খোজ বাকী ৷
25m Women's Rapid Pistol Qualification
— SAI Media (@Media_SAI) August 2, 2024
MANU MASTERCLASS!@realmanubhaker 's fantastic run of form at the #Paris2024Olympics continues with a score of 590 as she finishes 2nd, qualifying for the finals.
Esha Singh finished 18th with a score of 581 and failed to qualify for the… pic.twitter.com/rbCXNAUWdw
পেৰিছ গেমছত ভাৰতীয় শ্বুটাৰ মনু ভাকৰে 25 মিটাৰ পিষ্টলৰ মহিলাৰ অৰ্হতা প্ৰতিযোগিতাত নিজৰ উজ্জ্বল প্ৰদৰ্শন অব্যাহত ৰাখি মুঠ 590 পইণ্টেৰে দ্বিতীয় স্থান দখল কৰি ফাইনেলত প্ৰৱেশ কৰিছে ৷ এই ইভেণ্টত আন এগৰাকী ভাৰতীয় প্ৰতিযোগী ঈশা সিঙে মুঠ 581 পইণ্টেৰে 18 নম্বৰ স্থান দখল কৰে ৷ এতিয়া 25 মিটাৰ পিষ্টলৰ ফাইনেলত প্ৰৱেশ কৰিছে ভাৰতৰ ডাবল মেডেল বিজয়ী মনু ভাকৰ ৷ এয়া হ’ব মনুৰ তৃতীয়খন ফাইনেল, এতিয়া তেওঁ আকৌ এবাৰ ভাৰতৰ হৈ পদক লাভৰ বাবে যুঁজ দিব ৷
শনিবাৰে ফাইনেলত দেখা যাব মনুৰ যাদু :
এতিয়া মনুৱে শনিবাৰে ভাৰতীয় সময় অনুসৰি দিনৰ 1 বজাত ফাইনেল খেলিব আৰু পেৰিছ গেমছত পদক লাভ কৰাৰ এয়া হ’ব তেওঁৰ তৃতীয়টো সুযোগ ৷ যদি এই ফাইনেলত দেশৰ হৈ তৃতীয়টো পদক লাভ কৰে, তেন্তে একেখন অলিম্পিকতে ভাৰতৰ হৈ শ্বুটিংত তৃতীয়টো পদক লাভ কৰা প্ৰথমগৰাকী ভাৰতীয় শ্বুটাৰ হিচাপে পৰিগণিত হ’ব মনু ৷
লগতে পঢ়ক : পেৰিছত ইতিহাস ৰচনা মনুৰ : ১০ মিটাৰ এয়াৰ পিষ্টল মিক্সত ভাৰতৰ ব্ৰঞ্জ - Paris Olympics 2024
উল্লেখ্য যে, ইয়াৰ পূৰ্বে মনু ভাকৰে ভাৰতৰ হৈ দুটা ব্ৰঞ্জৰ পদক জিকিছে ৷ চলিত পেৰিছ অলিম্পিক 2024ত তেওঁ মহিলাৰ ব্যক্তিগত 10 মিটাৰ এয়াৰ পিষ্টল ইভেণ্টত তৃতীয় স্থান লাভ কৰি ব্ৰঞ্জৰ পদক জয় কৰিছিল ৷ ইয়াৰ লগতে তেওঁ মিক্সড 10 মিটাৰ এয়াৰ পিষ্টল ইভেণ্টতো দেশৰ হৈ ব্ৰঞ্জৰ পদক লাভ কৰিছিল ৷ এতিয়া তেওঁ 25 মিটাৰ পিষ্টলৰ ফাইনেলত আন এটা পদক লাভ কৰি অভিলেখ স্থাপন কৰিব বুলি আশা প্ৰকাশ কৰিছে অনুৰাগী তথা দেশবাসীয়ে ৷
লগতে পঢ়ক : ভাৰতীয় মিক্সড আৰ্চাৰী দলৰ বিস্ফোৰক প্ৰদৰ্শন : কোৱাৰ্টাৰ ফাইনেলত স্থান লাভ - Paris Olympics 2024
