স্প’ৰ্টছ ডেস্ক, ২৯ জুলাই: পেৰিছ অলিম্পিকৰ তৃতীয় দিনা ভাৰতৰ বেডমিণ্টন তাৰকা লক্ষ্য সেনে পুৰুষৰ একক গ্ৰুপ পৰ্যায়ৰ মেচত বেলজিয়ামৰ জুলিয়ন কাৰাগীক ২-০ প্ৰত্যক্ষ ছেটত পৰাস্ত কৰে । তেওঁ নিজৰ প্ৰতিদ্বন্দ্বীক ২১-১৯, ২১-১৪ ছেটত পৰাস্ত কৰে । পেৰিছ অলিম্পিকত এইটো লক্ষ্য সেনৰ একেৰাহে দ্বিতীয়টো জয় ৷
A comfortable victory in the end for SENsational Lakshya 😮💨🤝
— BAI Media (@BAI_Media) July 29, 2024
📸: @badmintonphoto #Paris2024#IndiaAtParis24#Cheer4Bharat#IndiaontheRise#Badminton pic.twitter.com/FX0kJlkdb6
প্ৰথম ছেটত জয়লাভ লক্ষ্য সেনৰ:
মেচখনৰ প্ৰথম ছেটত লক্ষ্য আৰু জুলিয়ানৰ মাজত প্ৰৱল প্ৰতিদ্বন্দ্বিতা হয় । দুয়োজনে উজ্জ্বল খেল প্ৰদৰ্শন কৰি মেচখনত প্ৰায় সমান পইণ্টেৰে আগবাঢ়ি যায় । কিন্তু শেষত লক্ষ্য সেনে ২১-১৯ ত প্ৰথম ছেটটো জয়লাভ কৰে । এই ছেটত লক্ষ্যক কঠোৰ যুঁজ দিছিল বেলজিয়ামৰ জুলিয়েনে ।
দ্বিতীয় ছেটতো জয়লাভ লক্ষ্যৰ :
লক্ষ্য সেনে পুনৰবাৰ দ্বিতীয় ছেটত এক সুন্দৰ আৰম্ভণি কৰে আৰু তেওঁ বিপক্ষ খেলুৱৈৰ দুৰ্বলতাক ব্যৱহাৰ কৰি নিজৰ আধিপত্য অক্ষুণ্ণ ৰাখিলে ৷ মেচৰ দ্বিতীয় ছেটৰ মিড ব্ৰেকলৈকে তেওঁ ১১-৫ ত অগ্ৰগতি লাভ কৰে ৷ ইয়াৰ পিচত লক্ষ্য সেনে জুলিয়ানৰ ওপৰত অধিক হেঁচা প্ৰয়োগ কৰি দ্বিতীয় ছেটটো ২১-১৪ ছেটত জয়লাভ কৰে ।
পোনপটীয়া ছেটত জয়লাভ লক্ষ্যৰ:
লক্ষ্যই মেচখন ২১-১৯ আৰু ২১-১৫ পোনপটীয়া ছেটত জয়লাভ কৰে । ২০২৪ চনৰ পেৰিছ অলিম্পিকত লক্ষ্যৰ এয়া দ্বিতীয়টো জয় । ইয়াৰ পূৰ্বে গুৱেটামালাৰ খেলুৱৈ কেভিন কৰ্ডনৰ বিৰুদ্ধে প্ৰথমটো জয় পঞ্জীয়ন কৰিছিল যদিও কৰ্ডনে আঘাতৰ বাবে প্ৰতিযোগিতাখনৰ পৰা নিজৰ নাম প্ৰত্যাহাৰ কৰে । ইয়াৰ পিচত তেওঁৰ সৈতে লক্ষ্যৰ মেচখন বাতিল কৰা হয় । এতিয়া সেই মেচৰ পইণ্ট লক্ষ্যৰ বৰ্তমানৰ পইণ্টৰ লগত যোগ নহ’ব ।
লগতে পঢ়ক: লক্ষ্যৰ আশাত চেঁচাপানী : জয়ী হৈও নাপালে স্বীকৃতি - Paris Olympics 2024
