নেদাৰলেণ্ডৰ হাতত পৰাস্ত হৈ কোৱাৰ্টাৰ ফাইনেলৰ পৰা প্ৰস্থান ভাৰতৰ মহিলা আৰ্চাৰী দলৰ - Paris Olympics 2024

Paris Olympics 2024 Archery : ২০২৪ চনৰ পেৰিছ অলিম্পিকত ভাৰতীয় মহিলা ধনুৰ্বিদ দলটোৱে পৰাজয়ৰ সন্মুখীন হয় । নেদাৰলেণ্ডৰ বিৰুদ্ধে এই খেলখনত অংকিতা ভকত, ভজন কৌৰ আৰু দীপিকা কুমাৰীয়ে শোচনীয় প্ৰদৰ্শন আগবঢ়ায় । পঢ়ক সম্পূৰ্ণ খবৰ...

স্পৰ্টছ ডেস্ক, 28 জুলাই : দেওবাৰে পেৰিছ অলিম্পিক 2024 ৰ মহিলা আৰ্চাৰীৰ দলীয় ইভেণ্টৰ কোৱাৰ্টাৰ ফাইনেলত নেদাৰলেণ্ডৰ বিৰুদ্ধে অংকিতা ভকত, ভজন কৌৰ, দীপিকা কুমাৰীৰ ভাৰতীয় মহিলা আৰ্চাৰী দলটো পৰাজয়ৰ সন্মুখীন হয় ৷

🇮🇳 Update: Women's #Archery🏹 Recurve Team Quarter-Finals

The trio of Deepika Kumari, Ankita Bhakat and Bhajan Kaur go down 0-6 to Netherlands

Let's #Cheer4Bharat🇮🇳

Keep streaming the #Olympics on DD Sports & @JioCinema! pic.twitter.com/Wxiu0pmd7m

— SAI Media (@Media_SAI) July 28, 2024

নেদাৰলেণ্ডৰ দলটোৱে ভাৰতীয় দলটোৰ পৰা বিশেষ প্ৰত্যাহ্বান নাপালে আৰু কোৱাৰ্টাৰ ফাইনেলৰ এনকাউণ্টাৰত ভাৰতৰ বিৰুদ্ধে 6-0 ব্যৱধানত জয় নিশ্চিত কৰে ৷ অংকিতা আৰু দীপিকা দলৰ আটাইতকৈ দুৰ্বল লিংক হিচাপে পৰিগণিত হৈছিল কাৰণ তেওঁলোকে আশানুৰূপভাৱে প্ৰদৰ্শন কৰিব পৰা নোৱাৰিলে ৷ ভাৰতৰ ভজন কৌৰে এই এনকাউণ্টাৰত তিনিটা বা তাতকৈ অধিক 10 পইন্ট সংগ্ৰহ কৰা একমাত্ৰ ধনুৰ্বিদ আছিল ৷

ৰেংকিং ইভেণ্টৰ ব্যতিক্ৰমী আউটিঙৰ পিচত ভাৰতৰ মহিলা আৰ্চাৰী দলটোৱে কোৱাৰ্টাৰত স্থান নিশ্চিত কৰিছিল য’ত ৰেংকিং ইভেণ্টত চতুৰ্থ স্থান দখল কৰি প্ৰত্যক্ষ প্ৰৱেশ নিশ্চিত কৰিছিল ৷

ভাৰতীয় দলটোৱে ছেটটোত 51 পইণ্ট লাভ কৰাৰ বিপৰীতে ভজন কৌৰে তেওঁৰ দুটা চেষ্টাত 19 পইণ্ট লাভ কৰে ৷ কিন্তু ভাৰতীয় দলতকৈ এক পইণ্ট বেছি লাভ কৰি নেদাৰলেণ্ডে ছেটটোত তেওঁলোকৰ নিজৰ কৰে ৷ প্ৰথমটো বিপৰ্যয়ৰ পিচত ভাৰত বি দলে নিজৰ ধাৰা ধৰি ৰাখিব নোৱাৰি পৰৱৰ্তী ছেটত হতাশাজনক প্ৰদৰ্শন আগবঢ়ায় ৷ পৰৱৰ্তী দুটা ছেটত নেদাৰলেণ্ডে ক্ৰমে 54 আৰু 53ৰ দৰে স্ক’ৰ সংগ্ৰহ কৰে আৰু ইয়াৰ উত্তৰত ভাৰতে মাত্ৰ 49, আৰু 48 স্ক’ৰ সংগ্ৰহ কৰিবলৈ সক্ষম হয় ৷ ফলত ভাৰতৰ মহিলা দলটোৱে প্ৰতিযোগিতাখনৰ পৰা বাহিৰ হয় ৷

News Flash: Archery: India lose to Netherlands 0-6 in QF of Women's Team event.

Disappointing performance by the trio (Deepika, Ankita & Bhajan). #Archery #Paris2024withIAS #Paris2024withIAS pic.twitter.com/JRBFb2ohNQ

— India_AllSports (@India_AllSports) July 28, 2024

নেদাৰলেণ্ডৰ বিৰুদ্ধে মহিলা দলীয় ইভেণ্টৰ কোৱাৰ্টাৰ ফাইনেলত ভাৰতীয় ধনুৰ্বিদসকলৰ ব্যক্তিগত প্ৰদৰ্শন :

• ভজন: ১০ ৯ ১০ ৯ ১০ ৮ | ৫৬ পইণ্ট
• দীপিকা: ৭ ৯ ৮ ৬ ৮ ১০ | ৪৮ পইণ্ট
• অংকিতা: ৭ ৯ ১০ ৬ ৪ ৮ | ৪৪ পইণ্ট

লগতে পঢ়ক : ৰোমাঞ্চকৰ বিজয়েৰে পি ভি সিন্ধুৰ অলিম্পিকৰ অভিযান আৰম্ভ - Paris Olympics 2024