স্পৰ্টছ ডেস্ক, ২৯ জুলাই : পেৰিছ অলিম্পিকত ভাৰতীয় পুৰুষ হকী দলে গ্ৰুপ পৰ্যায়ৰ দ্বিতীয়খন মেচত সুন্দৰ প্ৰদৰ্শন আগবঢ়ায় । হৰমনপ্ৰীত সিঙৰ নেতৃত্বত ভাৰতীয় দলে সোমবাৰে এক কঠিন প্ৰতিযোগিতাত আৰ্জেণ্টিনাৰ বিৰুদ্ধে অৱতীৰ্ণ হয় । মেচখনত ভাৰতে ১-১ গ'লৰ ব্যৱধানত ড্ৰ খেলে । আৰ্জেণ্টিনাৰ হৈ খেলৰ ২২ মিনিটত একমাত্ৰ গ'লটো দিয়ে লুকাছ মাৰ্টিনেজে । আনহাতে, মেচখন সমাপ্ত হোৱাৰ মাত্ৰ 1 মিনিট পূৰ্বে ভাৰতীয় অধিনায়ক হৰমনপ্ৰীত সিঙে এক পেনাল্টি কৰ্ণাৰক সুন্দৰভাৱে গ'ললৈ ৰূপান্তৰ কৰি স্ক'ৰ 1-1 ব্যৱধান কৰে ।
BIG UPDATE: Fighting India draw against Rio Olympic Champions Argentina 1-1 in their 2nd group stage Hockey match.
— India_AllSports (@India_AllSports) July 29, 2024
India scored the equalizing goal with a PC by Harmanpreet with just 2 mins left in the match. #Hockey #Paris2024 #Paris2024withIAS pic.twitter.com/2K3wq3P7ga
মেচখনৰ দ্বিতীয় কোৱাৰ্টাৰত আৰ্জেণ্টিনাই গ'লটো কৰে । আনহাতে, ভাৰতে মেচখনত আৰম্ভণিৰে পৰা আক্ৰমণাত্মক ৰূপ ধাৰণ কৰে । অৱশ্যে প্ৰথম কোৱাৰ্টাৰত দুয়োটা দলে গ'ল কৰাৰ সুযোগ লাভ কৰে যদিও সেই সুযোগ গ'ললৈ ৰূপান্তৰ কৰাত ব্যৰ্থ হয় । ফলস্বৰূপে মেচৰ প্ৰথম কোৱাৰ্টাৰ গ'লশূন্যভাৱে অন্ত পৰে । আনহাতে, দ্বিতীয় কোৱাৰ্টাৰত ভাৰতীয় খেলুৱৈসকলে কেইবাটাও সুযোগ সৃষ্টি কৰে যদিও সেয়া গ'ললৈ ৰূপান্তৰ কৰিব নোৱাৰিলে । তাৰ পিচত ২২ মিনিটত লুকাছ মাৰ্টিনেজৰ এটা সুন্দৰ গ'লৰ সহায়ত আৰ্জেণ্টিনাই হাফ টাইমৰ ভিতৰতে ভাৰতৰ বিৰুদ্ধে ১-০ ৰ অগ্ৰগতি লাভ কৰে ।
FullTime:
— Hockey India (@TheHockeyIndia) July 29, 2024
A last minute goal from Harmanpreet Singh from Penalty corners secures a draw for Team India.
What a game!
India 🇮🇳 1️⃣ - 1️⃣ 🇦🇷 Argentina
Harmanpreet Singh 59' (PC)
Lucas Martinez 22'#HockeyIndia #IndiaKaGame #Hockey #Paris24 #HockeyLayegaGold #IndiaAtParis…
আনহাতে, মেচখনৰ তৃতীয় কোৱাৰ্টাৰতে তীব্ৰ আক্ৰমণ আৰম্ভ কৰে । কিন্তু আৰ্জেণ্টিনাৰ গ'লৰক্ষকে সেয়া সুন্দৰভাৱে প্ৰতিহত কৰে । তৃতীয় কোৱাৰ্টাৰত ভাৰতীয় খেলুৱৈসকলে কেইবাবাৰো প্ৰতি-আক্ৰমণ কৰে ।
উল্লেখ্য যে ইয়াৰ পূৰ্বে প্ৰথম মেচখনত শনিবাৰে ভাৰতীয় পুৰুষ হকী দলে নিউজীলেণ্ডক ৩-২ গ'লত পৰাস্ত কৰি পেৰিছ অলিম্পিক অভিযান আৰম্ভ কৰে । মনদীপ সিং (২৩ মিনিট), বিবেক সাগৰ প্ৰসাদ (৩৪ মিনিট) আৰু হৰমনপ্ৰীত সিঙে (৫৯ মিনিট) ভাৰতৰ হৈ গ'ল কৰে ।
