নেশ্যনেল ডেস্ক, 12 আগষ্ট: ২০২৪ চনৰ অলিম্পিকত ভাৰতীয় খেলুৱৈসকলৰ প্ৰদৰ্শন আশানুৰূপ নাছিল ৷ ভাৰতে পেৰিছ অলিম্পিকত মাত্ৰ ৬ টা পদক লাভ কৰিছে, যাৰ ভিতৰত আছে এটা ৰূপ আৰু ৫ টাকৈ ব্ৰঞ্জৰ পদক ৷ কিন্তু ভাৰতীয় দলটোৱে লাভ কৰা নাছিল এটাও সোণৰ পদক ৷
🇮🇳🙌 𝗕𝗿𝗶𝗻𝗴𝗶𝗻𝗴 𝗽𝗿𝗶𝗱𝗲 𝘁𝗼 𝗼𝘂𝗿 𝗻𝗮𝘁𝗶𝗼𝗻! Aman Sehrawat wins India's sixth medal at #Paris2024 with a fantastic win over Darian Toi Cruz.
— India at Paris 2024 Olympics (@sportwalkmedia) August 9, 2024
🥉 Here's a look at all of India's medallists at the Paris Olympics so far.@Media_SAI @WeAreTeamIndia@Paris2024
👉… pic.twitter.com/LRbd4JPAVF
এইবেলি দেশখনে আকৌ এবাৰৰ বাবে জেভলিন থ্ৰ’ত নীৰজ চোপ্ৰাৰ পৰা সোণৰ পদক আশা কৰিছিল, যদিও খেলুৱৈগৰাকীয়ে কোটি কোটি ভাৰতীয়ৰ আশা পূৰণত ব্যৰ্থ হয় ৷ বিগত 24 টা বছৰত অলিম্পিকত ভাৰতে কিমানটা সোণৰ পদক লাভ কৰিলে, তাকে লৈ প্ৰস্তুত কৰা হৈছে এই প্ৰতিবেদন ৷
বৰ্তমানলৈকে অলিম্পিকত ভাৰতৰ প্ৰদৰ্শন
1990 চনৰ পৰাই ভাৰতে অলিম্পিকত অংশগ্ৰহণ কৰি আহিছে । ভাৰতীয় খেলুৱৈসকলে এতিয়ালৈকে মুঠ 36 খন অলিম্পিক গেমছত অংশগ্ৰহণ কৰিছে । তেতিয়াৰে পৰা দেশে লাভ কৰিছে সৰ্বমুঠ 41 টা পদক ৷ এই সময়ছোৱাত ভাৰতে জয় কৰা স্বৰ্ণপদকৰ সংখ্যা হৈছে মাত্ৰ 10 টা ৷ যাৰ ভিতৰত ভাৰতীয় পুৰুষ হকী দলে 4 টা সোণৰ পদক জয় কৰাৰ সমান্তৰালকৈ মাত্ৰ দুজন খেলুৱৈয়ে ব্যক্তিগত শাখাত দেশৰ হকে সোণৰ পদক জয় কৰে ৷
যোৱা 24 বছৰত ভাৰতে কিমানটা সোণৰ পদক জিকিছে ?
ভাৰতে যোৱা 24 বছৰত মাত্ৰ দুটাহে সোণৰ পদক জিকিছে । '20 চনৰ পৰা 2024 চনলৈ ভাৰতে অলিম্পিকত মাত্ৰ দুটা সোণৰ পদক লাভ কৰে । 2008 চনৰ বেইজিং অলিম্পিকত শ্বুটাৰ অভিনৱ বিন্দ্ৰাই ভাৰতক সোণৰ পদক প্ৰদান কৰিছিল । 12 বছৰ পিছত নীৰজ চোপ্ৰাই টকিঅ' অলিম্পিক 2020 ত জেভলিন থ্ৰ’ত দেশক সোণৰ পদক প্ৰদান কৰে ।
ইয়াৰ পূৰ্বে 1980 চনৰ মস্কো অলিম্পিকত ভাৰতীয় হকী দলে সোণৰ পদক লাভ কৰিছিল । ভাৰতে যোৱা 44 বছৰত মাত্ৰ তিনিটা সোণৰ পদক জিকিছিল ।