স্পৰ্টছ ডেস্ক, ৬ আগষ্ট : চলিত পেৰিছ অলিম্পিকত মঙলবাৰৰ দিনটো এক উল্লেখনীয় দিন হ'বলৈ গৈ আছে । কিয়নো মঙলবাৰে অলিম্পিকৰ এক বহু প্ৰত্যাশিত প্ৰতিদ্বন্দ্বিতা হ'ব । ভাৰতীয় পুৰুষ হকী দলটোৱে মঙলবাৰে ছেমি ফাইনেলত চিৰ প্ৰতিদ্বন্দ্বী জাৰ্মানীৰ মুখামুখি হ'ব । ভাৰতৰ দৃষ্টি থাকিব ৪৪ বছৰৰ পিচত অলিম্পিকৰ ফাইনেলত উপনীত হোৱাৰ ওপৰত । অৱশ্যে ইয়াৰ বাবে জাৰ্মানীৰ কঠিন প্ৰত্যাহ্বান অতিক্ৰম কৰিব লাগিব । দেশৰ ১৪০ কোটি জনতাই এই প্ৰাৰ্থনা কৰিব যাতে ভাৰতীয় দলটোৱে ফাইনেলৰ বাবে যোগ্যতা অৰ্জন কৰে আৰু অন্তত ৰূপৰ পদক নিশ্চিত কৰে ।
𝑪𝒐𝒏𝒈𝒓𝒂𝒕𝒖𝒍𝒂𝒕𝒊𝒐𝒏𝒔 𝑮𝒆𝒓𝒎𝒂𝒏𝒚 𝒐𝒏 𝒒𝒖𝒂𝒍𝒊𝒇𝒚𝒊𝒏𝒈 𝒇𝒐𝒓 𝒕𝒉𝒆 𝑺𝒆𝒎𝒊-𝑭𝒊𝒏𝒂𝒍𝒔! 🇩🇪 🏑#Hockey #Paris2024 pic.twitter.com/iXsCfCIwgk
— International Hockey Federation (@FIH_Hockey) August 4, 2024
ইয়াৰ পূৰ্বে কোৱাৰ্টাৰ ফাইনেলৰ পেনাল্টি শ্বুটআউটত ভাৰতে গ্ৰেট ব্ৰিটেইনক ৪-২ গ'লত পৰাস্ত কৰি ছেমি ফাইনেলত প্ৰৱেশ কৰে । আনহাতে, দেওবাৰে অনুষ্ঠিত আনখন কোৱাৰ্টাৰ ফাইনেলত আৰ্জেণ্টিনাক ৩-২ গ'লত পৰাস্ত কৰি জাৰ্মানী ছেমি ফাইনেলত উপনীত হয় । দুয়োটা দলৰ মাজত ছেমি ফাইনেলখনত এক কঠিন যুঁজ হ'ব বুলি আশা কৰা হৈছে । এই পৰ্তিবেদনত মেচখনৰ পূৰ্বে দুয়োটা দলৰ পৰস্পৰৰ বিৰুদ্ধে ৰেকৰ্ডৰ লগতে এই মেচখন ভাৰতত কেতিয়া আৰু ক'ত পোনপটীয়াকৈ চাব পাৰিব সেই বিষয়ে উল্লেখ কৰা হৈছে ।
𝑪𝒐𝒏𝒈𝒓𝒂𝒕𝒖𝒍𝒂𝒕𝒊𝒐𝒏𝒔 𝑰𝒏𝒅𝒊𝒂 𝒐𝒏 𝒒𝒖𝒂𝒍𝒊𝒇𝒚𝒊𝒏𝒈 𝒇𝒐𝒓 𝒕𝒉𝒆 𝑺𝒆𝒎𝒊-𝑭𝒊𝒏𝒂𝒍𝒔! 🇮🇳 🏑
— International Hockey Federation (@FIH_Hockey) August 4, 2024
➡️ Swipe to see the incredible scenes as the players and fans celebrated India’s defiant win against Great Britain!#Hockey #Paris2024 #Olympics@TheHockeyIndia
হকীৰ ইতিহাসত ভাৰত বনাম জাৰ্মানী
এতিয়ালৈকে ভাৰত আৰু জাৰ্মানীৰ মাজত মুঠ ৩৫ খন হকী মেচ অনুষ্ঠিত হৈছে । এই ক্ষেত্ৰত জাৰ্মানীৰ ৰেকৰ্ড ভাৰততকৈ উন্নত । জাৰ্মানীয়ে ৩৫ খন মেচৰ ভিতৰত ১৬ খনত জয়লাভ কৰিছে । আনহাতে, ভাৰতে ১২ বাৰ বিজয় সাব্যস্ত কৰিছে । দুয়োটা দলৰ মাজত অনুষ্ঠিত ৭ খন মেচ অমীমাংসিতভাৱে সমাপ্ত হৈছে । অৱশ্যে বিগত 5 খন মেচত ভাৰতে জাৰ্মানীৰ বিৰুদ্ধে 3 খন মেচত জয়লাভ কৰিছে ।
High-Stakes Clash! The stage is set for an epic Semi-Final match as India’s finest take on Germany. Let’s cheer loud and proud for our boys. 🇮🇳
— Hockey India (@TheHockeyIndia) August 6, 2024
🇮🇳 🆚 🇩🇪
⏰ 10:30 PM (IST)
Venue : Stade Yves Du-Manoir, Paris@CMO_Odisha @IndiaSports @Media_SAI@sports_odisha @Limca_Official… pic.twitter.com/36eHllNOW2
টকিঅ' অলিম্পিকৰ পিচত দুয়োখন দেশৰ মুখামুখিৰ ৰেকৰ্ড
২০২০ চনত টকিঅ'ত অনুষ্ঠিত অলিম্পিকত ভাৰতে জাৰ্মানীক প্লে'-অফত পৰাস্ত কৰি ব্ৰঞ্জৰ পদক দখল কৰে । এই ৰোমাঞ্চকৰ মেচখনত ভাৰতে ৫-৪ গ'লত জয়লাভ কৰে । তেতিয়াৰে পৰা এফ আই এইচ প্ৰ' লীগত দুয়োটা দলৰ মাজত মুঠ 6 খন মেচ অনুষ্ঠিত হৈছে আৰু ভাৰতে ইয়াৰে 5 খন মেচত জয়লাভ কৰিছে । আনহাতে, জাৰ্মানীয়ে এই বছৰৰ জুন মাহত মাত্ৰ এখন মেচত জয়লাভ কৰিছে, যিখন দুয়োটা দলৰ মাজত খেলা অন্তিমখন মেচ ।
It's semi-final time!
— Hockey India (@TheHockeyIndia) August 5, 2024
India face Germany in a high-stakes clash.
See the lineup and get ready for an intense match filled with drama and action as our boys strive for victory! 💪🏻
🇮🇳 🆚 🇩🇪
🗓️ 6 August
⏰ 10:30 PM@CMO_Odisha @IndiaSports @Media_SAI@sports_odisha… pic.twitter.com/QBkfsgjTrG
অলিম্পিকত দুয়োটা দলৰ প্ৰদৰ্শন
অলিম্পিকৰ ইতিহাসত ভাৰতীয় পুৰুষ হকী দলে মুঠ 12 টা পদক জয় কৰিছে । ইয়াৰে ভিতৰত আছে অভিলেখ সংখ্যক 8 টা সোণৰ পদক । আনহাতে, জাৰ্মানীয়ে অলিম্পিক হকীত 3 টা স্বৰ্ণ পদক জয় কৰিছে ।
কেতিয়া আৰম্ভ হ'ব মেচ
ভাৰত আৰু জাৰ্মানীৰ মাজত অনুষ্ঠিত হ'বলগীয়া পেৰিছ অলিম্পিকৰ ছেমি ফাইনেল মেচখন ভাৰতীয় সময়মতে মঙলবাৰে নিশা ১০.৩০ বজাত অনুষ্ঠিত হ'ব ।
ক'ত অনুষ্ঠিত হ'ব মেচখন
পেৰিছ অলিম্পিকত ভাৰত আৰু জাৰ্মানীৰ মাজৰ ছেমি ফাইনেল মেচখনৰ পোনপটীয়া সম্প্ৰচাৰ দেখিবলৈ পাব জিঅ' চিনেমাত । ইয়াৰ উপৰি এই মেচখন স্পৰ্টছ18 নেটৱৰ্ক টিভি চেনেলতো পোনপটীয়াকৈ সম্প্ৰচাৰ কৰা হ'ব ।
