স্পৰ্টছ ডেস্ক, ২৯ জুলাই : পেৰিছ অলিম্পিকৰ তৃতীয় দিনটোত ভাৰতে বেডমিণ্টনত হতাশাৰ সন্মুখীন হৈছে । সোমবাৰে লা চেপেল এৰিনাত অনুষ্ঠিত বেডমিণ্টন মহিলা ডাবলছৰ গ্ৰুপ পৰ্যায়ৰ দ্বিতীয়খন খেলত ভাৰতৰ তাৰকা শ্বাটলাৰ যুটি তানিছা ক্ৰাষ্টো আৰু অশ্বিনী পনপ্পাই জাপানৰ হাতত পৰাস্ত হয় ।
গ্ৰুপ পৰ্যায়ৰ দ্বিতীয়খন খেলত পৰাস্ত ক্ৰাষ্টো-পনপ্পা:
ভাৰতীয় খেলুৱৈসকলে খেলখনত বেয়া প্ৰদৰ্শন কৰাৰ লগতে কেইবাটাও ডাঙৰ ভুল কৰে । যাৰবাবে জাপানীজ যুটি নামি মাটছুয়ামা আৰু চিহাৰুৱে তানিছা ক্ৰাষ্টো আৰু অশ্বিনি পনপ্পাক ২১-১১, ২১-১২ প্ৰত্যক্ষ ছেটত পৰাস্ত কৰে ।
Badminton: Ashwini Ponnappa & Tanisha Crasto lose to WR 4 Matsuyama & Shida 11-21, 12-21 in their 2nd Group stage clash. #Paris2024 #Paris2024withIAS pic.twitter.com/hPo5PVeVIq
— India_AllSports (@India_AllSports) July 29, 2024
লগতে পঢ়ক: লক্ষ্যৰ আশাত চেঁচাপানী : জয়ী হৈও নাপালে স্বীকৃতি - Paris Olympics 2024
প্ৰথমখন মেচতো পৰাস্ত হৈছিল ক্ৰাষ্টো-পনপ্পা:
৪৮ মিনিটৰ খেলখনত ক্ৰাষ্টো-পনপ্পাক দ্বিতীয়বাৰৰ বাবে পৰাস্ত কৰে জাপানী যুটিটোৱে ৷ ইয়াৰ পূৰ্বে শনিবাৰে গ্ৰুপ পৰ্যায়ৰ প্ৰথমখন খেলত ভাৰতীয় যুটিটোৱে কোৰিয়া ৰিপাব্লিকৰ কিম ছ’ ইয়ং আৰু কং হি ইয়ঙৰ বিৰুদ্ধে পৰাজয়ৰ সন্মুখীন হ’বলগীয়া হৈছিল । এই মেচতো ক্ৰাষ্টো-পনপ্পা ১৮-২১, ১০-২১ ছেটত পৰাস্ত হয় ।
Tough loss against WR-4 Japanese duo.
— BAI Media (@BAI_Media) July 29, 2024
📸: @badmintonphoto#Paris2024#IndiaAtParis24#Cheer4Bharat#IndiaontheRise#Badminton pic.twitter.com/re4wBXVDfd
কোৱাৰ্টাৰ ফাইনেলত প্ৰৱেশ কঠিন হ’ব:
ভাৰতীয় দলটোৰ এই পৰাজয়ৰ পাচত তেওঁলোকৰ ভবিষ্যত ৰিপাব্লিক অৱ কোৰিয়া আৰু অষ্ট্ৰেলিয়াৰ মাজত অনুষ্ঠিত হ’বলগীয়া মেচখনৰ ওপৰত নিৰ্ভৰ কৰিব ৷ ৰিপাব্লিক অৱ কোৰিয়া দলটোৱে আজি মেচখনত অষ্ট্ৰেলিয়াৰ চেটিয়ানা মাপাছা আৰু এঞ্জেলা ইউক পৰাস্ত কৰিলে ক্ৰাষ্টো-পনাপ্পাই মহিলা ডাবলছৰ কোৱাৰ্টাৰ ফাইনেলত প্ৰৱেশ কৰাৰ সকলো পথ বন্ধ হৈ পৰিব ৷
Ashwini Ponnappa and Tanisha Crasto fought hard but fell short against the Japanese pair of Nami Matsuyama and Chiharu Shida in the #Badminton Women's Doubles group stage match.
— SAI Media (@Media_SAI) July 29, 2024
The duo will be up against Australia’s Setyana Mapasa and Angela Yu in their next match on July 30th. pic.twitter.com/ru3cOcaf5I
লগতে পঢ়ক: ফ্ৰান্সৰ পেডলাৰৰ হাতত হৰমিতৰ শোচনীয় পৰাজয় : সামৰিলে অলিম্পিকৰ অভিযান - Paris Olympics 2024
মঙলবাৰে অনুষ্ঠিত হ’ব পৰৱৰ্তী মেচ
গ্ৰুপ পৰ্যায়ৰ দুয়োখন মেচত পৰাস্ত হোৱাৰ পিচত ভাৰতীয় যুটিটো গ্ৰুপ চিৰ তৃতীয় স্থানত আছে ৷ ইফালে শীৰ্ষ দুটা যুটিয়েহে পৰৱৰ্তী ৰাউণ্ডত প্ৰৱেশ কৰিব পাৰিব । মঙলবাৰে অষ্ট্ৰেলিয়াৰ চেটিয়ানা মাপাছা আৰু এঞ্জেলা ইউৰ মুখামুখি হ’ব তানিছা আৰু অশ্বিনী ।
