স্প’ৰ্টছ ডেস্ক: ইংলেণ্ডে দেওবাৰে ক্ৰিষ্টচাৰ্চৰ হেগলি অভেলত আঠ উইকেটৰ বিজয়েৰে নিউজিলেণ্ডৰ বিৰুদ্ধে তিনিখন মেচৰ টেষ্ট শৃংখলা আৰম্ভ কৰে ।
টেষ্টত শচীন তেণ্ডুলকাৰক অতিক্ৰম জ’ ৰুটৰ
টেষ্ট ক্ৰিকেটৰ চতুৰ্থ ইনিংছত সৰ্বাধিক ৰাণ সংগ্ৰহকাৰী হিচাপে জ’ ৰুটে ভাৰতীয় কিংবদন্তী শচীন তেণ্ডুলকাৰক অতিক্ৰম কৰে । ৰুটে 15 টা বলত 22 ৰাণৰ এক দ্ৰুত ইনিংছ খেলে ৷ যাৰ বাবে ইংলেণ্ডে মাত্ৰ 12.4 অভাৰতে 104 ৰাণ সংগ্ৰহ কৰিবলৈ সক্ষম হয় ৷
Most runs in 4th Innings in Test Cricket History
— ` (@rahulmsd_91) December 1, 2024
1630* - Joe Root 🐐
1625 - Sachin Tendulkar pic.twitter.com/0Zmmg9PqE2
টেষ্ট ক্ৰিকেটত চতুৰ্থ ইনিংছত সৰ্বাধিক ৰাণ সংগ্ৰহকাৰী বেটছমেনৰ তালিকাৰ শীৰ্ষত সম্প্ৰতি আছে ইংলেণ্ডৰ জ’ ৰুটৰ নাম ৷
ক্ৰিকেটাৰগৰাকীৰ নামত চতুৰ্থ ইনিংছত আছে মুঠ 1630 ৰাণ ৷ আনহাতে, শচীন তেণ্ডুলকাৰে 1625 ৰাণ সংগ্ৰহ কৰি এই তালিকাৰ দ্বিতীয় স্থানত আছে । এলিষ্টাৰ কুক আৰু গ্ৰেম স্মিথ 1611 ৰাণৰ সৈতে তালিকাৰ তৃতীয় স্থানত আছে । আনহাতে, শিৱনাৰিন চন্দ্ৰপলে 1580 ৰাণৰ সৈতে শীৰ্ষ পাঁচত স্থান লাভ কৰিছে ।
টেষ্ট ক্ৰিকেটত চতুৰ্থ ইনিংছত সৰ্বাধিক ৰাণ সংগ্ৰহকাৰী
- 1630 - জ’ ৰুট
- 1625 - শচীন তেণ্ডুলকাৰ
- 1611 – এলিষ্টেয়াৰ কুক
- 1611 – গ্ৰেম স্মিথ
- 1580 - শিৱনাৰিন চন্দ্ৰপল
মেচৰ শ্ৰেষ্ঠ খেলুৱৈ ব্ৰাইডন কাৰ্চেক
ক্ৰিষ্টচাৰ্চ টেষ্টৰ প্ৰথম ইনিংছৰ পিছত ইংলেণ্ডে আধিপত্য বিস্তাৰ কৰে আৰু মেচখনত 151 ৰাণৰ অগ্ৰগতি লাভ কৰে । হেৰী ব্ৰুকে 171 ৰাণৰ ইনিংছ খেলি গ্ৰহণ কৰে এক গুৰুত্বপূৰ্ণ ভূমিকা ৷
Joe Root had become the highest 4th innings scorer (1630) of all time. Tendulkar down to second (1625). pic.twitter.com/ommugabEOk
— M (@anngrypakiistan) December 1, 2024
আনহাতে, অলি পোপ আৰু বেন ষ্টোকছৰ যুটিয়ে অৰ্জন কৰে অৰ্ধশতক । দুয়োটা ইনিংছতে 10 টা উইকেট দখল কৰাৰ বাবে ব্ৰাইডন কাৰ্চেক খেলখনৰ শ্ৰেষ্ঠ খেলুৱৈৰ বঁটা প্ৰদান কৰা হয় ৷ শৃংখলাটোৰ তৃতীয়খন টেষ্ট শুকুৰবাৰে আৰম্ভ হ’ব ৷
লগতে পঢ়ক: পি চি বিৰ অধ্যক্ষ মহছিন নকভিৰ সুৰ সলনি; হাইব্ৰিড মডেল গ্ৰহণ কৰিবলৈ সাজু !
