স্প’ৰ্টছ ডেস্ক: নিউজিলেণ্ডৰ প্ৰাক্তন অধিনায়ক তথা সোঁহতীয়া ফাষ্ট বলাৰ টিম চাউথীয়ে ক্ৰিকেটৰ পৰা অৱসৰৰ সিদ্ধান্ত গ্ৰহণ কৰিছে ৷ ইংলেণ্ডৰ বিৰুদ্ধে ঘৰুৱা শৃংখলাৰ পিছত টেষ্ট ক্ৰিকেটৰ পৰা অৱসৰ গ্ৰহণ কৰিব চাউথীয়ে ৷
কিৱি ফাষ্ট বলাৰগৰাকীয়ে হেমিল্টনৰ চেডান পাৰ্কত কেৰিয়াৰৰ অন্তিমখন টেষ্ট মেচত অংশগ্ৰহণ কৰিব ৷ কিয়নো এইখন খেলপথাৰতে অনুষ্ঠিত হ’ব দ্বি-পাক্ষিক শৃংখলাটোৰ শেষৰখন মেচ ৷
🚨 TIM SOUTHEE TO RETIRE FROM INTERNATIONAL CRICKET 🚨
— Johns. (@CricCrazyJohns) November 15, 2024
- Southee announced that he will retire after the England Test series unless Kiwis qualified into the WTC final. pic.twitter.com/XhImI030SK
চাউথীৰ অৱসৰ ঘোষণা
চাউথী হৈছে ক্ৰিকেটৰ আটাইকেইটা ফৰ্মেটত নিউজিলেণ্ডৰ সৰ্বাধিক উইকেট দখলকাৰী । ইংলেণ্ডৰ বিৰুদ্ধে আগন্তুক শৃংখলাটো চাউথীৰ কেৰিয়াৰৰ অন্তিমটো শৃংখলা হলেও 35 বছৰীয়া খেলুৱৈগৰাকীয়ে 2025 চনৰ জুনত লৰ্ডছত অনুষ্ঠিত হ'বলগীয়া বিশ্ব টেষ্ট চেম্পিয়নশ্বিপ (ডব্লিউ টি চি)ৰ ফাইনেলত অংশগ্ৰহণৰ সম্ভাৱনা আছে ৷ চাউথীয়ে বগা বলৰ ক্ৰিকেটৰ পৰা অৱসৰ লোৱাৰ সন্দৰ্ভত কোনো কথা স্পষ্ট কৰা নাই ৷
New Zealand cricket great Tim Southee plans to finish his Test career at his home ground of Seddon Park in Hamilton against England this December. https://t.co/L0li6zMeAT
— BLACKCAPS (@BLACKCAPS) November 14, 2024
ইংলেণ্ডৰ বিৰুদ্ধে খেলিব অন্তিমটো শৃংখলা
নিউজিলেণ্ড ক্ৰিকেটৰ এক আনুষ্ঠানিক বিজ্ঞপ্তিত ফাষ্ট বলাৰ টিম চাউথীয়ে কয়, "নিউজিলেণ্ডক প্ৰতিনিধিত্ব কৰাটো মোৰ সপোন আছিল । 18 বছৰ ধৰি ব্লেককেপৰ হৈ খেলাটো মোৰ বাবে আটাইতকৈ ডাঙৰ সন্মান আৰু বিশেষাধিকাৰ ৷ কিন্তু এতিয়া মই অনুভৱ কৰো যে, এই খেলৰ পৰা আঁতৰি যোৱাৰ সময় হৈছে, যিয়ে মোক বহুত দিছে" ৷
তেওঁ লগতে কয়, "টেষ্ট ক্ৰিকেটে মোৰ হৃদয়ত এক বিশেষ স্থান দখল কৰিছে ৷ সেয়েহে ইমান বছৰ আগতে মোৰ টেষ্ট কেৰিয়াৰ আৰম্ভ হোৱা একেজন প্ৰতিদ্বন্দ্বীৰ বিৰুদ্ধে খেলা আৰু মোৰ বাবে অতি বিশেষ 3 খন খেলপথাৰত খেলাটো ব্লেক কেপছত মোৰ সময় শেষ কৰাৰ সৰ্বশ্ৰেষ্ঠ উপায় যেন লাগে" ৷
টিম চাউথীৰ ক্ৰিকেট কেৰিয়াৰ
চাউথীয়ে 104 খন টেষ্ট, 161 খন এদিনীয়া আৰু 125 খন টি-20 ত অংশগ্ৰহণ কৰিছে ৷ তদুপৰি সকলো ফৰ্মেটত 770 টা উইকেট দখল কৰিছে । সোঁহতীয়া ফাষ্ট বলাৰগৰাকীয়ে 4 খন এদিনীয়া বিশ্বকাপ, 7 টা টি-20 বিশ্বকাপ আৰু 2 টা চেম্পিয়নছ ট্ৰফী টুৰ্ণামেণ্টত কিৱি দলক প্ৰতিনিধিত্ব কৰিছে । তেওঁ 2019-2021 ছিজনত বিশ্ব টেষ্ট চেম্পিয়নশ্বিপ জয় কৰা দলটোৰ সদস্যও আছিল ।
JUST IN: Tim Southee will retire from Test cricket at the end of New Zealand's upcoming series against England, bowing out at his home ground of Seddon Park in Hamilton pic.twitter.com/PGLXy5np0W
— ESPNcricinfo (@ESPNcricinfo) November 14, 2024
নিউজিলেণ্ডৰ প্ৰশিক্ষক গেৰী ষ্টেডে ফাষ্ট বলাৰগৰাকীৰ দৃঢ়তাৰ প্ৰশংসা কৰিছিল । টিমে দলটো, ইয়াৰ খ্যাতি আৰু প্ৰদৰ্শনৰ বিষয়ে গভীৰভাৱে চিন্তা কৰে বুলি ষ্টেডে কৈছিল ৷
লগতে পঢ়ক: ভাৰতৰ বিৰুদ্ধে টেষ্ট শৃংখলাৰ পূৰ্বে অধিনায়কত্ব এৰিলে টিম চাউথীয়ে - TIM SOUTHEE RESIGNS
