স্প’ৰ্টছ ডেস্ক, 15 ছেপ্টেম্বৰ: দুটাকৈ অলিম্পিক পদক বিজয়ী তাৰকা খেলুৱৈ নীৰজ চোপ্ৰাই পুনৰ এবাৰ ভাৰতীয় অনুৰাগীসকলক হতাশ কৰিলে । সামান্য ব্যৱধানৰ বাবে চোপ্ৰাই ডায়মণ্ড লীগ 2024 ৰ খিতাপ জয়ৰ পৰা বঞ্চিত হয় । ভাৰতীয় অনুৰাগীসকলে প্ৰিয় খেলুৱৈগৰাকীয়ে খিতাপ জয় কৰিব বুলি আশা কৰিছিল যদিও অনুৰাগীৰ আশা পূৰণত ব্যৰ্থ হয় নীৰজ ৷
Still the King👑, making us proud on the global stage🫡
— SAI Media (@Media_SAI) September 14, 2024
Neeraj, the GOAT might have missed the 💎 but he is still making us proud by with a strong 2️⃣nd place finish at the #DimaondLeagueFinal in Brussels with a stellar throw of 87.86 meters! Despite missing the top spot by just… pic.twitter.com/rpAOGgOzKo
দৰাচলতে দীৰ্ঘদিনৰে পৰা কান্ধৰ আঘাতত ভূগি আছে তাৰকা জেভলিন থ্ৰ’য়াৰগৰাকী ৷ যাৰ বাবে পেৰিছ অলিম্পিকত স্বৰ্ণ জয় কৰাত ব্যৰ্থ হৈছিল খেলুৱৈগৰাকী ৷ পুনৰ এবাৰ একে দৃশ্যই প্ৰতিফলিত হৈছে ডায়মণ্ড লীগ 2024 ৰ ফাইনেলত ৷ মাত্ৰ এক ছেণ্টিমিটাৰৰ দূৰত্বৰ বাবে খিতাপ জয় কৰাত ব্যৰ্থ হয় নীৰজ ৷
এক ছেণ্টিমিটাৰৰ বাবে খিতাপ দখলৰ পৰা বঞ্চিত নীৰজ
শনিবাৰে নিশা ব্ৰাছেলছত অনুষ্ঠিত হৈছিল ডায়মণ্ড লীগ 2024 ৰ ফাইনেল । এই চূড়ান্ত ইভেণ্টত ভাৰতৰ শীৰ্ষস্থানৰ জেভলিন থ্ৰ’য়াৰ নীৰজ চোপ্ৰাই 87.86 মিটাৰ শ্ৰেষ্ঠ থ্ৰ’ৰ সৈতে লাভ কৰে দ্বিতীয় স্থান ৷ যাৰ পিছত তেওঁ একেৰাহে দ্বিতীয়বাৰৰ বাবে এই প্ৰতিযোগিতাৰ বিজয়ী হোৱাৰ পৰা বঞ্চিত হ’বলগীয়া হৈছে ।
পিটাৰ্ছৰ শিৰত ডায়মণ্ড লীগৰ বিজয়ীৰ মুকুট
ফাইনেলত গ্ৰেনাডিয়ান জেভলিন থ্ৰ’য়াৰ এণ্ডাৰছন পিটাৰ্ছে 87.87 মিটাৰ শ্ৰেষ্ঠ থ্ৰ’ৰে বিজয়ীৰ মুকুট পৰিধান কৰে ৷ পেৰিছ অলিম্পিকত পিটাৰ্ছে নীৰজৰ পিছত ব্ৰঞ্জৰ পদক জয় কৰিছিল ।
ডায়মণ্ড লীগত মাত্ৰ এক ছেণ্টিমিটাৰৰ ব্যৱধানত পিটাৰ্ছে হৰুৱাই নীৰজ চোপ্ৰাক ৷ এয়া পেৰিছ অলিম্পিকৰ মধুৰ প্ৰতিশোধ বুলিও ক’ব পৰা যায় ৷ প্ৰতিযোগিতাখনত জাৰ্মানীৰ জুলিয়ান ৱেবাৰে 85.97 মিটাৰ থ্ৰ’ৰে তৃতীয় স্থান লাভ কৰে ।
