স্প’ৰ্টছ ডেস্ক, 29 আগষ্ট: ৰাষ্ট্ৰীয় ক্ৰীড়া দিৱস উপলক্ষে ভাৰতীয় অলিম্পিক পদক বিজয়ী শ্বুটাৰ মনু ভাকৰে প্ৰধানমন্ত্ৰী নৰেন্দ্ৰ মোদীৰ সৈতে হোৱা বাৰ্তালাপৰ কথা স্মৰণ কৰে ৷ লগতে প্ৰধানমন্ত্ৰীগৰাকীয়ে খেলুৱৈসকলক দিয়া অনুপ্ৰেৰণাৰ বিষয়েও ভাকৰে মন্তব্য প্ৰদান কৰে ।
22 বছৰীয়া মনুৱে পেৰিছ অলিম্পিকত গঢ়িছিল বৃহৎ অভিলেখ । স্বাধীনতাৰ পিছত একেখন অলিম্পিকত দুটাকৈ পদক জয় কৰা প্ৰথমগৰাকী ভাৰতীয়ত পৰিণত হৈছিল যুৱ শ্বুটাৰগৰাকী ।
Manu Bhaker said, " i was just 16 when pm modi told me i would be successful and offered his personal support". (ians). pic.twitter.com/FSdgkGZivc
— Mufaddal Vohra (@mufaddal_vohra) August 29, 2024
মনুৱে পেৰিছ অলিম্পিকত ব্যক্তিগত শ্বুটিং ইভেণ্টত পদক জয় কৰা প্ৰথম ভাৰতীয় মহিলা হিচাপেও পৰিগণিত হৈছিল । 2018 ৰ কমনৱেলথ গেমছত সোণৰ পদক জিকাৰ সময়ত যুৱ শ্বুটাৰগৰাকীৰ বয়স আছিল মাত্ৰ 16 বছৰ ৷ তেতিয়াই ভাকৰে প্ৰথমবাৰৰ বাবে সাক্ষাৎ লাভ কৰিছিল প্ৰধানমন্ত্ৰী মোদীৰ ৷
ৰাষ্ট্ৰীয় ক্ৰীড়া দিৱস উপলক্ষে এই পুৰণি কথাখিনি সোঁৱৰণ কৰি মনুৱে কয়, "সেই কথোপকথনৰ সময়ত প্ৰধানমন্ত্ৰী মোদীয়ে মোক কৈছিল, আপুনি বহুত সৰু । আপুনি আৰু অধিক সফলতা অৰ্জন কৰিব ৷ যেতিয়াই আপোনাক কিবা প্ৰয়োজন হয়, মোৰ সৈতে যোগাযোগ কৰিব । তেওঁৰ কথাবোৰ মোৰ বাবে অনুপ্ৰেৰণাৰ এক ডাঙৰ উৎস আছিল" ।
প্ৰধানমন্ত্ৰী মোদীয়ে মনুক কেৱল সফলতাৰ সময়তে নহয়, বিফলতাৰ ক্ষেত্ৰতো সমৰ্থন কৰিছিল । যেতিয়া টকিঅ’ অলিম্পিকত কিছু বিসংগতিৰ বাবে মনুৱে পদক অৰ্জনৰ পৰা বঞ্চিত হৈছিল, তেতিয়া প্ৰধানমন্ত্ৰীয়ে তেওঁক উৎসাহিত কৰিছিল আৰু খেলুৱৈগৰাকীৰ ভৱিষ্যত পৰিকল্পনাৰ সন্দৰ্ভত আলোচনা কৰিছিল ।
"প্ৰধানমন্ত্ৰী মোদীয়ে মোক আত্মবিশ্বাসী হ’বলৈ আৰু মোৰ লক্ষ্যত মনোনিবেশ কৰিবলৈ পৰামৰ্শ আগবঢ়াইছিল । তেওঁৰ বিশেষত্ব হ’ল যে, প্ৰতিগৰাকী খেলুৱৈৰ বিষয়ে সকলোবোৰ বিষয়ৰ ওপৰতে তেওঁ চকু ৰাখে" বুলি ভাকৰে কয় ।
Indian Olympic medallist Manu Bhaker’s experience with Prime Minister Narendra Modi offers insight into the exceptional motivation he provides to athletes. On National Sports Day, Manu reflects on her journey, especially her interactions with PM Modi, who has been a constant… pic.twitter.com/OY1i4lMjrv
— IANS (@ians_india) August 29, 2024
শ্বুটাৰগৰাকীয়ে বিশ্বাস কৰে যে, প্ৰধানমন্ত্ৰী মোদীৰ দৃষ্টিভংগী কেৱল বিজয় উদযাপন কৰাৰ বাবে নহয় ৷ তেওঁ ফলাফল নিৰ্বিশেষে প্ৰতিগৰাকী খেলুৱৈক উৎসাহিত আৰু সমৰ্থন কৰাৰ ওপৰত গুৰুত্ব দিয়ে ।
পেৰিছ অলিম্পিকত মহিলাৰ 10 মিটাৰ এয়াৰ পিষ্টল ইভেণ্টত ব্ৰঞ্জৰ পদক অৰ্জন কৰি মনুৱে প্ৰথমটো পদক অৰ্জন কৰে ৷ তাৰপিছত প্ৰধানমন্ত্ৰী মোদীয়ে শ্বুটাৰগৰাকীক ফোনযোগে বাৰ্তালাপ কৰি প্ৰদান কৰে শুভেচ্ছা ৷ পৰৱৰ্তী ইভেণ্টত মনুৱে সৰৱজ্যোত সিঙৰ সৈতে মিশ্ৰিত শাখাত 10 মিটাৰ এয়াৰ পিষ্টলত ব্ৰঞ্জৰ পদক জিকিছিল আৰু মহিলাৰ শাখাত 25 মিটাৰ পিষ্টল ইভেণ্টত লাভ কৰিছিল চতুৰ্থ স্থান ।
