স্প’ৰ্টছ ডেস্ক: মেগা ক্ৰিকেট ইভেণ্ট ইণ্ডিয়ান প্ৰিমিয়াৰ লীগৰ (আই পি এল) পৰৱৰ্তী ছিজনৰ বাবে নাম পঞ্জীয়ন কৰা খেলুৱৈসকলৰ তালিকা ইতিমধ্যে প্ৰকাশ পাইছে ।
কেইজনমান ক্ৰিকেটাৰ আছে, যিয়ে আন্তঃৰাষ্ট্ৰীয় ক্ৰিকেটৰ পৰা অৱসৰ লৈছে যদিও এই ধনী লীগত এতিয়াও খেলিব বিচাৰে । এনে 5 গৰাকী শীৰ্ষ খেলুৱৈৰ ওপৰত এবাৰ চকু ফুৰাও আহক-
1) জেমছ এণ্ডাৰছন (আই পি এল নিলাম 2025 ৰ আধাৰ মূল্য – 1.25 কোটি)
সকলো ক্ৰিকেটাৰৰ ভিতৰত আটাইতকৈ ডাঙৰ আচৰিত কথাটো আছিল ইংলেণ্ডৰ কিংবদন্তি ফাষ্ট বলাৰ জেমছ এণ্ডাৰছনৰ উপস্থিতি । এণ্ডাৰছনে প্ৰথমবাৰৰ বাবে ইণ্ডিয়ান প্ৰিমিয়াৰ লীগ (আই পি এল) নিলামৰ বাবে নাম পঞ্জীয়ন কৰিছে ।
✍️ 1574 Player Registrations
— IndianPremierLeague (@IPL) November 5, 2024
🧢 320 capped players, 1,224 uncapped players, & 30 players from Associate Nations
🎰 204 slots up for grabs
🗓️ 24th & 25th November 2024
📍 Jeddah, Saudi Arabia
Read all the details for the upcoming #TATAIPL Mega Auction 🔽🤩
2024 চনৰ জুলাইত লৰ্ডছত ৱেষ্ট ইণ্ডিজৰ বিৰুদ্ধে প্ৰথমখন টেষ্ট মেচ খেলাৰ পিছত শেহতীয়াকৈ অৱসৰ গ্ৰহণ কৰা টেষ্ট বিশেষজ্ঞজনে তেওঁৰ আধাৰ মূল্য 1.25 কোটি টকা ৰাখিছে । এণ্ডাৰছনে ক্ৰিকেট কেৰিয়াৰত 19 খন আন্তঃৰাষ্ট্ৰীয় টি-20 কে ধৰি মুঠ 44 খন টি-20 ত অংশ লৈছে ৷ তদুপৰি 32.14 গড়ে আৰু 8.47 ইক’ন’মিক ৰেটৰ সৈতে দখল কৰিছে 41 টা উইকেট ।
2) ডেভিদ ৱাৰ্ণাৰ (আই পি এল নিলাম 2025 আধাৰ মূল্য- 2 কোটি)
অষ্ট্ৰেলিয়াৰ প্ৰাক্তন অ’পেনাৰ ডেভিদ ৱাৰ্ণাৰেও পূৰ্বৰ ফ্ৰেঞ্চাইজি দিল্লী কেপিটেলছে (ডি চি) তেওঁক ৰিটেইনচন খেলুৱৈৰ তালিকাৰ পৰা বাদ দিয়াৰ পিছত নিলামত অন্তৰ্ভুক্ত কৰিছে নিজৰ নাম ৷ ৱাৰ্ণাৰ আই পি এলত এটা সাধাৰণ নাম আছিল আৰু প্ৰতিযোগিতাখনৰ ইতিহাসত তৃতীয় সৰ্বাধিক চাৰি (663) ৰ অভিলেখ গঢ়িছিল । ৱাৰ্ণাৰৰ নামত আছে সৰ্বাধিক অৰ্ধশতক (66) ৷
The 𝐃 in David Warner stands for 𝐃𝐞𝐥𝐡𝐢𝐢𝐭𝐞 😎 #DavidWarner pic.twitter.com/V8n8T2btrI
— Delhi Capitals (@DelhiCapitals) March 2, 2024
ডেভিদ ৱাৰ্ণাৰ 2015 চনৰ পৰা 2021 চনলৈ ছানৰাইজাৰ্ছ হায়দৰাবাদৰ (এছ আৰ এইচ) অধিনায়ক আছিল । লক্ষণীয়ভাৱে তেওঁ দলটোক 2016 চনত প্ৰদান কৰিছিল প্ৰথমটো আই পি এলৰ খিতাপ ৷ 151.42 ষ্ট্ৰাইক ৰেটত 848 ৰাণ সংগ্ৰহ কৰি দলটোৰ বাবে দ্বিতীয় সৰ্বাধিক ৰাণ সংগ্ৰহকাৰীত পৰিণত হৈছিল ৱাৰ্ণাৰ ৷ তেওঁ 2013 চনত দিল্লী কেপিটেলছৰ সৈতে অধিনায়কত্বত আত্মপ্ৰকাশ কৰিছিল, তেওঁ ঋষভ পন্তৰ অনুপস্থিতিত 2023 চনত পুনৰ ফ্ৰেঞ্চাইজিৰ অধিনায়কৰ দায়িত্ব চম্ভালিছিল ৷
3) ফাফ ডু প্লেচিছ (আই পি এল নিলাম 2025 আধাৰ মূল্য – 2 কোটি)
2022 চনৰ পৰা 2024 চনলৈ তিনিটা আই পি এল ছিজনৰ বাবে ৰয়েল চেলেঞ্জাৰ্ছ বেংগালুৰু (আৰ চি বি) ৰ নেতৃত্ব দিয়া ফাফ ডু প্লেচিছক আগন্তুক লীগৰ বাবে ফ্ৰেঞ্চাইজিয়ে ধৰি ৰাখিব নোৱাৰিলে । ডু প্লেচিছে যোৱা দুটা ছিজনত আৰ চি বিৰ বাবে নিজৰ যোগ্যতা প্ৰমাণ কৰিছিল । 2024 চনত তেওঁ একেৰাহে 7 টা জয়ৰ সৈতে দলটোক প্লে-অফ পৰ্যায়লৈ নিয়াত সহায় কৰিছিল ৷
#OnThisDay 2 years ago, at the RCB Unbox, Faf du Plessis was announced as our new Captain and thus began a new chapter 🫡
— Royal Challengers Bengaluru (@RCBTweets) March 12, 2024
Drop a 🙋♂ if we’re going to see you next Tuesday at #RCBUnbox#PlayBold #ನಮ್ಮRCB @faf1307 pic.twitter.com/d41JWyhZpz
2023 চনত তেওঁ 153.68 ষ্ট্ৰাইক ৰেটত 14 খন মেচত 730 ৰাণৰ সৈতে অৰেঞ্জ কেপৰ শক্তিশালী প্ৰতিদ্বন্দ্বী আছিল । আৰ চি বিৰ আগতে তাৰকা বেটছমেনজনে চেন্নাই চুপাৰ কিংছ (চি এছ কে) আৰু ৰাইজিং পুনে চুপাৰ জায়েণ্টছৰ হৈ আই পি এলত খেলিছে ।
4) মইন আলী (আই পি এল নিলাম 2025 আধাৰ মূল্য- 2 কোটি)
প্ৰাক্তন ইংৰাজ ক্ৰিকেটাৰ মইন আলীয়ে 2018 চনত ৰয়েল চেলেঞ্জাৰ্ছ বেংগালুৰুৰ হৈ আই পি এলত আত্মপ্ৰকাশ কৰিছিল আৰু পিছত চেন্নাই চুপাৰ কিংছৰ অংশ হৈছিল । আলীয়ে 2023 চনত চি এছ কে-ক তেওঁলোকৰ পঞ্চম আই পি এল খিতাপ দখল কৰাত সহায় কৰে ৷
‘SIR’ Moeen Ali! 💪🏻🙇🏻#WhistlePodu #Yellove 🦁💛 pic.twitter.com/xTfSuzutld
— Chennai Super Kings (@ChennaiIPL) June 15, 2023
খেলুৱৈগৰাকীয়ে 124 ৰাণ সংগ্ৰহ কৰিছিল আৰু 5 টা উইকেট দখল কৰিছিল । তেওঁ এতিয়ালৈকে আই পি এল কেৰিয়াৰত 67 খন মেচ খেলিছে আৰু 22.78 গড়ে সংগ্ৰহ কৰিছে 1,162 ৰাণ ৷ লগতে বিশ্বজুৰি বিভিন্ন ফ্ৰেঞ্চাইজি লীগ খেলাৰ এক বিশাল অভিজ্ঞতাও আছে এইগৰাকী ক্ৰিকেটাৰৰ ।
5) ট্ৰেণ্ট ব'ল্ট (আই পি এল নিলাম 2025 আধাৰ মূল্য – 2 কোটি)
মাৰাত্মক চুইং বলিঙৰ বাবে বিখ্যাত কিৱি পেচাৰজনে ৰাজস্থান ৰয়েলছৰ সৈতেও ভংগ কৰিছে সম্পৰ্ক ৷ কিন্তু তেওঁক ফ্ৰেঞ্চাইজিয়ে ধৰি ৰাখিব পৰা নাই । ব'ল্টে প্ৰায়ে পাৱাৰ প্লে অভাৰত গুৰুত্বপূৰ্ণ ভূমিকা পালন কৰিছে আৰু ইনিংছৰ আৰম্ভণিতে সফলতা প্ৰদান কৰি আহিছে ।
Trent Boult. Right-arm over to you. ⚡️💗 pic.twitter.com/JaqLVifUzV
— Rajasthan Royals (@rajasthanroyals) August 3, 2022
মেগা নিলামত তেওঁৰ উপলব্ধতাই তেওঁলোকৰ নতুন বল আক্ৰমণ শক্তিশালী কৰিব বিচৰা বহুতো ফ্ৰেঞ্চাইজিৰ আগ্ৰহ বৃদ্ধি কৰিব বুলি আশা কৰা হৈছে । ভূৱনেশ্বৰ কুমাৰৰ পিছত তেওঁ পাৱাৰ প্লেত দ্বিতীয় সৰ্বাধিক উইকেট (63) লোৱাৰ অভিলেখ গঢ়িছে আৰু প্ৰায় প্ৰতিটো ফ্ৰেঞ্চাইজিয়ে তেওঁক দলত অন্তৰ্ভুক্ত কৰিব বিচাৰে । ব'ল্টে 104 খন খেলত 26.7 গড়ে 121 টা উইকেট আৰু 8.29 ৰ ইক’ন’মিক ৰেট অৰ্জন কৰিছে ।
লগতে পঢ়ক: শেষ মুহূৰ্তত স্থান সলনি; ৰিয়াদত অনুষ্ঠিত নহয় আই পি এলৰ মেগা নিলাম
