এডিলেইড টেষ্টত পৰাজয়; ডব্লিউ টি চি পইণ্ট তালিকাত অৱনমিত ভাৰত

India in wtc points table: এডিলেইড টেষ্টত মুখথেকেচা টীম ইণ্ডিয়াৰ ৷ ডব্লিউ টি চি পইণ্ট তালিকাৰ তৃতীয় স্থানলৈ অৱনমিত ৷

স্প’ৰ্টছ ডেস্ক: এডিলেইডৰ অভেলত অনুষ্ঠিত দ্বিতীয় টেষ্টৰ তৃতীয় দিনা অষ্ট্ৰেলিয়াই ভাৰতক 10 উইকেটত পৰাস্ত কৰে । যাৰ ফলত অষ্ট্ৰেলিয়াই পাঁচখন খেলৰ শৃংখলাটোত 1-1 ত সমতা স্থাপন কৰিবলৈ সক্ষম হয় ৷

অষ্ট্ৰেলিয়াৰ এই বিজয়ত অধিনায়ক পেট কামিন্সে 14 অভাৰত 57 ৰাণ ব্যয় কৰি 5 টা উইকেট দখলৰে গুৰুত্বপূৰ্ণ ভূমিকা পালন কৰে ।

ট্ৰেভিছ হেডলৈ প্লেয়াৰ অৱ দ্য মেচৰ বঁটা

অষ্ট্ৰেলিয়াই কোনো উইকেট অবিহনেই ভাৰতে নিৰ্ধাৰণ কৰা 19 ৰাণৰ সহজ লক্ষ্য অতিক্ৰম কৰে ৷ দ্বিতীয় টেষ্ট মেচখনত ভাৰতে টছত জয়ী হৈ প্ৰথমে বেটিং কৰাৰ সিদ্ধান্ত গ্ৰহণ কৰাৰ পিছত ভ্ৰমণকাৰী দলটো তেওঁলোকৰ প্ৰথম ইনিংছত 180 ৰাণত আউট হৈছিল ।

Travis Head is player of the match.

Watch his innings highlights: https://t.co/MpkPzgvWHD https://t.co/I0pxjtcoWY

— cricket.com.au (@cricketcomau) December 8, 2024

প্ৰত্যুত্তৰত অষ্ট্ৰেলিয়াই তেওঁলোকৰ প্ৰথম ইনিংছত 337 ৰাণ সংগ্ৰহ কৰি মেচখনত ভাৰতৰ বিৰুদ্ধে 157 ৰাণৰ অগ্ৰগতি লাভ কৰে । ট্ৰেভিছ হেডে আগবঢ়োৱা বিস্ফোৰক শতকৰ বাবে প্ৰদান কৰা হয় প্লেয়াৰ অৱ দ্য মেচৰ বঁটা ৷ ক্ৰিকেটাৰগৰাকীয়ে প্ৰথম ইনিংছত 141 টা বলত 140 ৰাণ সংগ্ৰহ কৰি অষ্ট্ৰেলিয়াক 157 ৰাণৰ অগ্ৰগতি দিয়াত পালন কৰে গুৰুত্বপূৰ্ণ ভূমিকা ।

নীতিশ কুমাৰ ৰেড্ডীৰ সৰ্বাধিক ৰাণ

এডিলেইডৰ দ্বিতীয় ইনিংছতো ভাৰতীয় বেটছমেনসকল ৰাণ সংগ্ৰহৰ ক্ষেত্ৰত ব্যৰ্থ হোৱা দেখা যায় ৷ যাৰ বাবে আটাইকেইটা উইকেট হেৰুৱাই ভাৰতে মাত্ৰ 175 ৰাণহে সংগ্ৰহ কৰিবলৈ সক্ষম হয় ৷ দলটোৰ হৈ নীতিশ কুমাৰ ৰেড্ডীয়ে সৰ্বাধিক 42 ৰাণ সংগ্ৰহ কৰে ৷

Series level. One-all.

An emphatic victory for Australia in Adelaide #AUSvIND pic.twitter.com/oR8OqesU5O

— cricket.com.au (@cricketcomau) December 8, 2024

এই মেচখনত অষ্ট্ৰেলিয়াৰ হৈ পেট কামিন্সে এক সুন্দৰ প্ৰদৰ্শন আগবঢ়ায় ৷ খেলুৱৈগৰাকীয়ে টেষ্ট মেচত দ্বিতীয়বাৰৰ বাবে ভাৰতৰ বিৰুদ্ধে পাঁচটা উইকেট দখল কৰে ৷ আনহাতে, স্কট বোলাণ্ডে তিনিটা আৰু মিচেল ষ্টাৰ্কে দুটা উইকেট দখল কৰে ৷ যাৰ ফলত ভাৰতে মাত্ৰ 19 ৰাণৰ লক্ষ্যহে প্ৰতিপক্ষৰ সন্মুখত নিৰ্ধাৰণ কৰি দিবলৈ সক্ষম হয়, যিটো অষ্ট্ৰেলিয়াই মাত্ৰ 3.2 অভাৰতে অৰ্জন কৰে ।

ডব্লিউ টি চি পইণ্ট তালিকাৰ তৃতীয় স্থানত ভাৰত

এডিলেইডত হোৱা পৰাজয়ে ভাৰতীয় দলটোক তীব্ৰ আঘাত দিছে । দ্বিতীয় টেষ্টত পৰাজিত হোৱাৰ পিছত ভাৰত ডব্লিউ টি চি পইণ্ট তালিকাৰ শীৰ্ষস্থানৰ পৰা অৱনমিত হৈ তৃতীয় স্থান লাভ কৰিছে ৷ ফলস্বৰূপে, ডব্লিউ টি চিৰ ফাইনেলৰ পথো ভাৰতৰ বাবে কঠিন হৈ পৰিছে ৷ দলটোৱে আগন্তুক আটাইকেইখন মেচতে লক্ষণীয় প্ৰদৰ্শন দাঙি ধৰিব লাগিব । লগতে এই শৃংখলাৰ বাকী থকা আটাইকেইখন মেচতে ভাৰতে জয়লাভ কৰিব লাগিব ৷

ডব্লিউ টি চি পইণ্ট তালিকা (ICC)

অষ্ট্ৰেলিয়া বনাম ভাৰতৰ দ্বিতীয় টেষ্টৰ সংক্ষিপ্ত স্ক'ৰ

ভাৰত 36.5 অভাৰত 180 আৰু 175 (নীতিশ কুমাৰ ৰেড্ডী 42, ঋষভ পন্ত 28, পেট কামিন্স 5-57, স্কট বোলেণ্ড 3-51)

অষ্ট্ৰেলিয়া 337 আৰু 19/0

লগতে পঢ়ক: দেৱজিৎ লন শইকীয়াৰ কান্ধত গুৰু দায়িত্ব...