স্প’ৰ্টছ ডেস্ক, ৫ অক্টোবৰ: শুকুৰবাৰে ডুবাই আন্তঃৰাষ্ট্ৰীয় ক্ৰিকেট ষ্টেডিয়ামত অনুষ্ঠিত হোৱা আই চি চি মহিলা টি-২০ ৱৰ্ল্ডকাপ ২০২৪ ৰ প্ৰথমখন খেলত ভাৰতীয় মহিলা ক্ৰিকেট দলটো নিউজিলেণ্ডৰ হাতত ৫৮ ৰাণত পৰাস্ত হয় ।
নিউজিলেণ্ডে টছত জয়লাভ কৰি প্ৰথমে বেটিং কৰি নিৰ্ধাৰিত অভাৰত ৪টা উইকেট হেৰুৱাই ১৬৪ ৰাণ সংগ্ৰহ কৰে । ইয়াৰ প্ৰত্যুত্তৰ ভাৰতীয় দলটোৱে বেটিং কৰিবলৈ গৈ ১৯ অভাৰত আটাইকেইটা উইকেট হেৰুৱাই ১০২ ৰাণ সংগ্ৰহ কৰে ।
লগতে পঢ়ক: মহিলা টি-20 বিশ্বকাপ 2024 ৰ দল ঘোষণা: দলত অন্তৰ্ভুক্ত অসমৰ উমা ছেত্ৰী - WOMENS T20 World Cup 2024
নিউজিলেণ্ডে মেচখনত এক সুন্দৰ আৰম্ভণি কৰে । ছুজি বেটছ আৰু জৰ্জিয়া প্লিমাৰে প্ৰথম উইকেটৰ বাবে ৬৭ ৰাণৰ অংশীদাৰিত্বৰে শক্তিশালী আৰম্ভণি কৰে । বেটছে ২৭ ৰাণৰ ইনিংছ খেলাৰ বিপৰীতে প্লিমাৰে ৩৪ ৰাণ সংগ্ৰহ কৰে । নিউজিলেণ্ডৰ অধিনায়ক ছ’ফি ডেভিনে ৫৭ ৰাণৰ অপৰাজিত ইনিংছ খেলি দলটোক ১৬০ ৰাণলৈ লৈ যায় । অৱশ্যে আমেলিয়া কাৰ (১৩) আৰু ব্ৰুক হেলিডে (১৬)য়ে বিশেষ একো কৰিব নোৱাৰিলেও আনটো মূৰৰ পৰা অধিনায়ক ডিভাইনে ইনিংছ নিয়ন্ত্ৰণত ৰাখি দলটোক সন্মানজনক স্ক’ৰলৈ লৈ যায় ।
End of eight overs.#TeamIndia move to 52/3
— BCCI Women (@BCCIWomen) October 4, 2024
Jemimah Rodrigues & Richa Ghosh in the middle
📸: ICC
Follow the match ▶️ https://t.co/XXH8OT5MsK#T20WorldCup | #INDvNZ | #WomenInBlue pic.twitter.com/i3nHNnoE3Q
ভাৰতৰ হৈ ৰেণুকা সিঙে ২টা উইকেট দখল কৰাৰ বিপৰীতে অৰুন্ধতী ৰেড্ডী আৰু আশা শোভানাই এটাকৈ উইকেট দখল কৰে ।
ইফালে নিউজিলেণ্ডৰ ১৬৪ ৰাণ অনুসৰণ কৰি বেটিং কৰিবলৈ অহা ভাৰতীয় মহিলা ক্ৰিকেট দলটোৰ আৰম্ভণি ভাল নাছিল । ভাৰতীয় অ’পেনিং বেটছমেন শ্বেফালী বাৰ্মাই মাত্ৰ দুই ৰাণ সংগ্ৰহ কৰি পেভিলিয়নমুখী হয় । ইয়াৰ পাছত অভিজ্ঞ বেটছমেন স্মৃতি মন্ধানাই ভাৰতীয় অধিনায়ক কৌৰৰ সৈতে ইনিংছটো আগুৱাই নিয়াৰ চেষ্টা কৰে যদিও তেওঁ বেছিসময় ক্ৰিজত টিকি থাকিব নোৱাৰি ব্যক্তিগত ১২ ৰাণ সংগ্ৰহ কৰি উইকেট হেৰুৱায় ।
ভাৰতীয় মহিলা দলৰ মধ্য ক্ৰমেও বিশেষ একো কৰিব নোৱাৰিলে । হৰমনপ্ৰীত কৌৰে দলটোৰ সৰ্বাধিক স্ক’ৰাৰ আছিল যদিও তেওঁৰ ১৫ ৰাণৰ ইনিংছ দলৰ বাবে অপৰ্যাপ্ত আছিল । দলটোৱে জেমিমাহ ৰড্ৰিগেছ (১৩), উইকেটকীপাৰ বেটছমেন ৰিচা ঘোষ (১২) আৰু অলৰাউণ্ডাৰ দিপ্তী শৰ্মা (১৩)ৰ পৰা বহু আশা কৰিছিল যদিও তেওঁলোকো কিৱি বলাৰৰ সন্মুখত ব্যৰ্থ হয় ।
New Zealand win Match 4⃣ of the #T20WorldCup.#TeamIndia will aim to bounce back in the next game.
— BCCI Women (@BCCIWomen) October 4, 2024
Scorecard ▶️ https://t.co/XXH8OT5MsK#INDvNZ | #WomenInBlue pic.twitter.com/DmzOpOq87g
বলিঙতো দীপ্তি শৰ্মাই বিশেষ প্ৰদৰ্শন কৰাত ব্যৰ্থ হয় । তেওঁ চাৰি অভাৰত কোনো উইকেট নোলোৱাকৈয়ে ৪৫ ৰাণ ব্যয় কৰে । ভাৰতে ৬ অক্টোবৰ দেওবাৰে চিৰবৈৰী পাকিস্তানৰ বিৰুদ্ধে অৱৰ্তীণ হ’ব ।
নিউজিলেণ্ডৰ হৈ ৰ’জমেৰী মেয়াৰে সৰ্বাধিক ৪টা উইকেট দখল কৰাৰ বিপৰীতে লি টাহুহুৱে ৩ টা, আইডান কাৰ্ছনে ২ টা আৰু আমেলিয়া কাৰে এটা উইকেট দখল কৰে ।
