স্প’ৰ্টছ ডেস্ক: চেম্পিয়নছ ট্ৰফীক লৈ চলি থকা উৎকণ্ঠাৰ অৱশেষত পৰিল অন্ত ৷ 2025 চনৰ ফেব্ৰুৱাৰী আৰু মাৰ্চত পাকিস্তানে আয়োজন কৰিবলগা আই চি চি চেম্পিয়নছ ট্ৰফী অনুষ্ঠিত হ’ব হাইব্ৰিড মডেলত ৷
ইয়াৰোপৰি ভাৰতে আয়োজন কৰিবলগা আই চি চি মহিলা ক্ৰিকেট বিশ্বকাপ 2025 আৰু ভাৰত-শ্ৰীলংকাত অনুষ্ঠিত হ'বলগীয়া আই চি চি পুৰুষ টি-20 বিশ্বকাপ 2026 প্ৰতিযোগিতাও একেটা মডেলত অনুষ্ঠিত হ'ব । যাৰ বাবে পৰৱৰ্তী সময়ত পাকিস্তানে ভাৰতত নেখেলাটো স্পষ্ট হৈ পৰিছে ৷
এতিয়াৰে পৰা পাকিস্তানেও নেখেলে ভাৰতত
আই চি চিয়ে বৃহস্পতিবাৰে 2024-2027 বৰ্ষত আই চি চি ইভেণ্টত যিকোনো দেশে আয়োজন কৰা ভাৰত আৰু পাকিস্তানৰ মাজৰ খেলসমূহ নিৰপেক্ষ স্থানত অনুষ্ঠিত হোৱাটো নিশ্চিত কৰে । ইয়াৰ পূৰ্বে পাকিস্তান ক্ৰিকেট ব’ৰ্ডে (পি চি বি) চেম্পিয়নছ ট্ৰফী 2025 হাইব্ৰিড মডেলত অনুষ্ঠিত কৰাৰ বিষয়ত আই চি চিৰ সন্মুখত ৰাখিছিল কিছু চৰ্ত ।
JUST IN: ICC issues update on Champions Trophy 2025 venue.
— ICC (@ICC) December 19, 2024
Details 👇https://t.co/aWEFiF5qeS
এই চৰ্তসমূহৰ মাজৰ এটা চৰ্ত আছিল যে, এতিয়াৰে পৰা পাকিস্তানে ভাৰতত কোনো আই চি চি টুৰ্ণামেণ্টৰ মেচত অংশগ্ৰহণ নকৰে, বিপৰীতে নিৰপেক্ষ স্থানত সকলোবোৰ খেল অনুষ্ঠিত হোৱাটো বিচাৰে ৷ যিটো চৰ্তত আই চি চি-য়ে সন্মতি প্ৰকাশ কৰিছে ৷
সংবাদ মাধ্যমৰ বাতৰি অনুসৰি, আই চি চিৰ নতুন অধ্যক্ষ জয় শ্বাহৰ উপস্থিতিত 5 ডিচেম্বৰত ব'ৰ্ডৰ সকলো সদস্যৰ এখন বৈঠক অনুষ্ঠিত হৈছিল । য'ত 15 গৰাকী পৰিষদৰ সদস্যই হাইব্ৰিড মডেলত সন্মতি প্ৰদান কৰিছিল ৷ বৈঠকত অংশগ্ৰহণ কৰা পাকিস্তানে এই সিদ্ধান্তৰ বিৰোধিতা কৰা নাছিল ।
চেম্পিয়নছ ট্ৰফী 2025 ৰ সময়সূচী ঘোষণা কৰিবলৈ এতিয়াও বাকী
আই চি চি চেম্পিয়নছ ট্ৰফী 2025 ৰ সময়সূচী শীঘ্ৰে ঘোষণা হ’ব ৷ চিৰপ্ৰতিদ্বন্দ্বী দুই দেশ ভাৰত আৰু পাকিস্তানৰ মাজত বহু প্ৰতীক্ষিত মেচসমূহ ক'ত অনুষ্ঠিত হ'ব, সেয়া হ'ব লক্ষণীয় ৷ কিয়নো ইতিমধ্যে পাকিস্তানেও চুবুৰীয়া ভাৰত ভ্ৰমণ নকৰাৰ সিদ্ধান্ত গ্ৰহণ কৰিছে ৷
হাইব্ৰিড মডেল কি ?
যেতিয়া ক্ৰিকেট প্ৰতিযোগিতা এখনৰ একাংশ মেচ আয়োজক দেশৰ বাহিৰে আন দেশত বা নিৰপেক্ষ স্থানত অনুষ্ঠিত হয়, তেন্তে ইয়াক হাইব্ৰিড মডেল বুলি গণ্য কৰা হয় । হাইব্ৰিড মডেলটো 2023 চনত অনুষ্ঠিত এছিয়া কাপ ক্ৰিকেট টুৰ্ণামেণ্টত ব্যৱহাৰ কৰা হৈছিল আৰু এতিয়া আই চি চি চেম্পিয়নছ ট্ৰফী 2025 য়ো হাইব্ৰিড মডেলত অনুষ্ঠিত হ'ব ।
ভাৰতে কিয় পাকিস্তান ভ্ৰমণ নকৰে ?
প্ৰকৃততে দুয়োখন দেশৰ মাজত বৰ এটা ভাল নহয় ৰাজনৈতিক সম্পৰ্ক ৷ বিশেষকৈ 2008 চনত মুম্বাইত পাকিস্তানৰ সন্ত্ৰাসবাদীয়ে কৰা বৰ্বৰ আক্ৰমণৰ পিছৰে পৰা পাকিস্তান ভ্ৰমণৰ পৰা বিৰত আছে ভাৰতীয় ক্ৰিকেট দলটো ৷
অকল ভ্ৰমণে নহয়, 2008 চনৰ পিছৰে পৰা দুয়োটা দলৰ মাজত কোনোধৰণৰ ক্ৰিকেট শৃংখলা অনুষ্ঠিত হোৱা নাই ৷ এনে পৰিস্থিতিত ভাৰত-পাকিস্তানক প্ৰায়ে হাইব্ৰিড মডেলৰ অধীনত খেলা দেখা যায় ।
লগতে পঢ়ক: ভাৰত-পাকিস্তানৰ মেচৰ তাৰিখ ঘোষণা; ক'ত আৰু কেতিয়া অনুষ্ঠিত হ'ব এই খেল ? - KHO KHO WORLD CUP 2025
