স্প’ৰ্টছ ডেস্ক: আন্তৰ্জাতিক ক্ৰিকেট পৰিষদে (আই চি চি) চেম্পিয়নছ ট্ৰফী 2025 ৰ 100 দিনীয়া কাউণ্ট ডাউন আৰম্ভ কৰাৰ লগতে বাতিল কৰিছে পূৰ্বে নিৰ্ধাৰিত এটা অনুষ্ঠান ৷ যাৰ ফলত মাধমাৰ পৰিছে পাকিস্তান ক্ৰিকেট ব'ৰ্ড (পি চি বি) ৰ ওপৰত ৷
পাকিস্তান ক্ৰিকেট ব'ৰ্ড আৰু বি চি চি আইৰ মাজত চলি থকা সময়সূচীৰ বিতৰ্কৰ মাজতে লোৱা হৈছে এই সিদ্ধান্ত ৷
চেম্পিয়নছ ট্ৰফী 2025 ৰ পূৰ্বে নিৰ্ধাৰিত অনুষ্ঠান বাতিল
ক্ৰিকবাজৰ এক প্ৰতিবেদন অনুসৰি, আন্তৰ্জাতিক ক্ৰিকেট পৰিষদে (আই চি চি) আগন্তুক চেম্পিয়নছ ট্ৰফী সম্পৰ্কীয় এটা গুৰুত্বপূৰ্ণ অনুষ্ঠান বাতিল কৰাৰ সিদ্ধান্ত লৈছে ৷ যিটো অনুষ্ঠান 11 নৱেম্বৰত লাহোৰত অনুষ্ঠিত হোৱাৰ কথা আছিল ৷
🚨 INDIA WILL NOT TRAVEL TO PAKISTAN 🚨
— Tanuj Singh (@ImTanujSingh) November 9, 2024
- The BCCI has informed the ICC that Team India will not travel to Pakistan for the Champions Trophy 2025. (ESPNcricinfo). pic.twitter.com/wFGEQb9ut9
প্ৰতিযোগিতাখনৰ সময়সূচীক লৈ চলি থকা মতবিৰোধৰ বাবে বাতিল কৰা হৈছে এই অনুষ্ঠান ৷ কিয়নো 19 ফেব্ৰুৱাৰীৰ পৰা 19 মাৰ্চ 2025 লৈ 8 টা দলৰ মাজত অনুষ্ঠিত হ'বলগীয়া 50 অভাৰৰ প্ৰতিযোগিতাখনত ভাৰতৰ অংশগ্ৰহণ এতিয়াও এক বৃহৎ প্ৰশ্ন হৈ আছে ।
11 নৱেম্বৰত লাহোৰত অনুষ্ঠিত হোৱাৰ কথা আছিল এই অনুষ্ঠান
আই চি চিয়ে 11 নৱেম্বৰত এই অনুষ্ঠানৰ আয়োজন কৰিছিল, যিটো আছিল চেম্পিয়নশ্বিপ আৰম্ভ হোৱাৰ 100 দিনআগৰ অনুষ্ঠান ৷ অৱশ্যে ভাৰতৰ পাকিস্তান ভ্ৰমণক লৈ অনিশ্চয়তাৰ বাবে ইয়াক স্থগিত ৰখা হৈছে ।
আই চি চিৰ এজন বিষয়াই নিশ্চিত কৰিছে যে, সময়সূচী সন্দৰ্ভত পাকিস্তান আৰু আয়োজক দেশসমূহৰ মাজত এতিয়াও আলোচনা চলি আছে ।
অনুষ্ঠানটো বাতিলৰ আঁৰত ভাৰতৰ হস্তক্ষেপ
ক্ৰিকবাজে আই চি চিৰ এজন বিষয়াৰ উদ্ধৃতি দি কয় যে, "সময়সূচী নিশ্চিত কৰা হোৱা নাই ৷ আমি এতিয়াও আয়োজক আৰু অংশগ্ৰহণকাৰী দেশসমূহৰ সৈতে চেম্পিয়নছ ট্ৰফীৰ সময়সূচীৰ বিষয়ে আলোচনা কৰি আছো । নিশ্চিত হোৱাৰ পিছত আমি আমাৰ স্বাভাৱিক মাধ্যমৰ জৰিয়তে ঘোষণা কৰিম" ৷
🚨 INDIAN GOVERNMENT DENIES. 🚨
— Mufaddal Vohra (@mufaddal_vohra) November 9, 2024
- The BCCI has told the ICC it had been advised by the GOI not to send the team to Pakistan for Champions Trophy. (Espncricinfo). pic.twitter.com/KpSio688JA
অৱশ্যে, আইচিচিয়ে এই অনুষ্ঠান বাতিলৰ বিষয়ে আনুষ্ঠানিকভাৱে কোনো বিবৃতি প্ৰকাশ কৰা নাই । কিন্তু সূত্ৰসমূহে প্ৰকাশ কৰিছে যে, পাকিস্তানত খেলিবলৈ ভাৰতৰ অনিচ্ছাৰ ফলত বিবাদৰ সময়সূচী নিৰ্ধাৰণ কৰাটো হৈছে আটাইতকৈ ডাঙৰ কাৰণ ৷
পাকিস্তান ভ্ৰমণ নকৰে ভাৰতে
চেম্পিয়নছ ট্ৰফী 2025 প্ৰথমতে পাকিস্তানৰ কেইবাখনো চহৰত অনুষ্ঠিত হোৱাৰ কথা আছিল, যাৰ ভিতৰত আছে লাহোৰ, ৰাৱালপিণ্ডি আৰু কৰাচী । অৱশ্যে ভাৰতীয় ক্ৰিকেট নিয়ন্ত্ৰণ ব'ৰ্ডে (বি চি চি আই) এই ভ্ৰমণৰ বাবে চৰকাৰৰ অনুমতি লাভ নকৰাৰ কথা জনাইছে আই চি চি-ক ৷
UAE and Sri Lanka shortlisted for the Champions Trophy in case of hybrid model.
— Mufaddal Vohra (@mufaddal_vohra) November 9, 2024
- UAE front-runner. (Espncricinfo). pic.twitter.com/cKIZsIXZSX
সেয়েহে প্ৰতিযোগিতাখন হাইব্ৰিড মডেলত অনুষ্ঠিত হোৱাৰ সম্ভাৱনা বৃদ্ধি পাইছে । এই ব্যৱস্থাৰ অধীনত একাংশ মেচ বিশেষকৈ টীম ইণ্ডিয়াৰ মেচসমূহ সংযুক্ত আৰৱ আমিৰশ্বাহীত অনুষ্ঠিত হ'ব ৷
হাইব্ৰিড মডেল সন্দৰ্ভত আলোচনা কৰিবলৈ সাজু পাকিস্তান
পি চি বি-ৰ অধ্যক্ষ মহছিন নকভিয়ে ভাৰতৰ অংশগ্ৰহণৰ বিষয়ে চৰকাৰী যোগাযোগৰ অভাৱত হতাশা ব্যক্ত কৰিছে । শেহতীয়াকৈ লাহোৰত এখন সংবাদমেল সম্বোধন কৰি নকভিয়ে কয়, "যদি ভাৰতীয় ক্ৰিকেট ব'ৰ্ড কোনো সমস্যা হৈছে, তেন্তে তেওঁলোকে আমাক লিখিতভাৱে জনোৱা উচিত ৷ আজিলৈকে, আমি কোনো হাইব্ৰিড মডেলৰ বিষয়ে কথা পতা নাই, কিন্তু আমি ইয়াৰ বিষয়ে কথা পাতিবলৈ সাজু" ।
তেওঁ এইটোও উল্লেখ কৰিছিল যে, পি চি বি বা আই চি চিয়ে এই বিষয়ত বি চি চি আইৰ সৈতে কোনো যোগাযোগ কৰা নাই ।
লগতে পঢ়ক: হাইব্ৰিড মডেলত চেম্পিয়নছ ট্ৰফী; ভাৰতৰ সন্মুখত শিৰণত পাকিস্তানৰ
