স্প’ৰ্টছ ডেস্ক, 20 ছেপ্টেম্বৰ : নিষিদ্ধ দ্ৰব্য ড্ৰাগছৰ চোৰাং ব্যৱসায়ত জড়িত থকা এগৰাকী তাৰকা খেলুৱৈৰ কথা শেহতীয়াকৈ পোহৰলৈ আহিছে ৷ দীৰ্ঘদিনৰে পৰা ড্ৰাগছৰ ব্যৱসায়ত জড়িত থকা খেলুৱৈগৰাকী অৱশেষত হাতে-লোটে ধৰা পৰে ৷ বেংককৰ পৰা উভতি অহাৰ সময়তে ষ্টেনষ্টেড বিমানবন্দৰ কৰ্তৃপক্ষৰ হাতত ধৰা পৰে খেলুৱৈগৰাকী ৷
বিমানবন্দৰ কৰ্তৃপক্ষই খেলুৱৈগৰাকীক প্ৰথমে আটক কৰি জব্দ কৰে 6 লাখ পাউণ্ড (ভাৰতীয় হিচাপত প্ৰায় 6 কোটি 66 লাখ) মূল্যৰ গাঞ্জা ৷ বৃটেইনৰ সীমান্ত বাহিনীৰ এজেণ্টে ছুটকেছত লুকুৱাই অনা অৱস্থাত জব্দ কৰে গাঞ্জাখিনি ৷
Ex-Arsenal and Aberdeen striker Jay Emmanuel-Thomas was arrested on Wednesday morning after £600k of cannabis were found in his suitcases… pic.twitter.com/OnzjI1szkH
— george (@StokeyyG2) September 19, 2024
চোৰাং গাঞ্জাৰ ব্যৱসায়ত লিপ্ত এই তাৰকা খেলুৱৈগৰাকী হৈছে আৰ্চেনালৰ প্ৰাক্তন খেলুৱৈ জে ইমানুৱেল থমাছ(33) ৷ গ্ৰীণক মৰ্টনৰ এই ষ্ট্ৰাইকাৰগৰাকীয়ে চলিত বছৰতে বিনামূলীয়া স্থানান্তৰ সূত্ৰে দলটোত যোগদান কৰিছিল ।
- 60 কেজি গাঞ্জা সৰবৰাহৰ অভিযোগ
ৰাষ্ট্ৰীয় অপৰাধ শাখাৰ তথ্য অনুসৰি, খেলুৱৈগৰাকীয়ে দুটা ছুটকেছত কঢ়িয়াই আনিছিল প্ৰায় 60 কেজি গাঞ্জা ৷ থমাছক আটক কৰাৰ পিছত এন চি এ-ৰ এজেণ্টে ফুটবলাৰগৰাকীৰ বিৰুদ্ধে ‘বি’ শ্ৰেণীৰ পদাৰ্থ আমদানি কৰাৰ অভিযোগ উত্থাপন কৰে ৷ যিটোক পূৰ্বে প্ৰশিক্ষক আৰ্চেন ৱেংগাৰে ‘‘উৎকৃষ্ট মান’’ৰ বুলি অভিহিত কৰিছিল ।
এন চি এ-ৰ তথ্য অনুসৰি, ষ্টেনষ্টেড বিমানবন্দৰত ক্ৰমে 28 আৰু 32 বৰ্ষীয় দুগৰাকী মহিলাকো ড্ৰাগছ সৰবৰাহ কৰাৰ অভিযোগত আটক কৰা হৈছে । অৱশ্যে চেলমছফ’ৰ্ড মেজিষ্ট্ৰেট আদালতত হাজিৰ হোৱাৰ পিছত দুয়োগৰাকী মহিলাই জামিন লাভ কৰে ৷ 1 অক্টোবৰত চেলমছফ’ৰ্ড ক্রাউন ক’ৰ্টত হাজিৰ হোৱাৰ সম্ভাৱনা আছে মহিলা দুগৰাকী ।
Greenock Morton forward Jay Emmanuel-Thomas has been arrested in connection with the seizure of £600,000 worth of cannabis at Stansted Airport.
— Anthony Joseph (@AnthonyRJoseph) September 19, 2024
The 33yo, who has also played for Arsenal, Ipswich, Bristol City, QPR & Aberdeen, is due to appear at Carlisle Magistrates Court today pic.twitter.com/NLZgoAHdK5
8 বছৰ বয়সতে আৰ্চেনালৰ ডেভেলপমেণ্ট একাডেমীৰ পৰা স্নাতক ডিগ্ৰী লাভ কৰাৰ পিছত ইমানুৱেল থমাছে ক্লাবদলত নিজকে প্ৰতিষ্ঠা কৰাত প্ৰত্যাহ্বানৰ সন্মুখীন হৈছিল ৷ কিন্তু 2010 চনত চেলছীৰ বিৰুদ্ধে তেওঁ আৰ্চেনালৰ হৈ প্ৰিমিয়াৰ লীগত অভিষেক ঘটায় । পৰৱৰ্তী সময়ত 2011 চনত ইপছৱিচ টাউনৰ সৈতে 11 লাখ পাউণ্ডৰ চুক্তিত স্বাক্ষৰ কৰে খেলুৱৈগৰাকীয়ে ৷
- অভিযুক্তক কঠোৰ শাস্তি দিয়া উচিত
এন চি এ-ৰ শীৰ্ষ পৰিচালন বিষয়া ডেভিদ ফিলিপছে খেলুৱৈগৰাকীৰ বিৰুদ্ধে ৰুজু হোৱা গোচৰ আৰু বৰ্তমানৰ ড্ৰাগছ সৰবৰাহৰ সন্দৰ্ভত প্ৰকাশ কৰে প্ৰতিক্ৰিয়া । তেওঁলোকৰ কাম হৈছে এই নিষিদ্ধ ব্যৱসায়ৰ সৈতে জড়িত দোষীক চিনাক্ত কৰি কঠোৰ শাস্তি প্ৰদান কৰা ৷
লগতে পঢ়ক: 20 বছৰৰ বাবে অষ্ট্ৰেলিয়াৰ ক্ৰিকেটত নিষিদ্ধ শ্ৰীলংকাৰ প্ৰাক্তন খেলুৱৈ - DULIP SAMARAWEERA
