স্প’ৰ্টছ ডেস্ক, 28 ছেপ্টেম্বৰ: শনিবাৰে এক পথ দুৰ্ঘটনাত গুৰুতৰভাৱে আঘাতপ্ৰাপ্ত হয় এগৰাকী ক্ৰিকেটাৰ ৷ যিগৰাকী ক্ৰিকেটাৰ ভাৰতীয় অনুৰ্ধ 19 দলৰ হৈ আগবঢ়াইছিল চমকপ্ৰদ প্ৰদৰ্শন ৷ এই দুৰ্ঘটনাৰ ফলত ডিঙিত গুৰুতৰভাৱে আঘাত পাইছিল খেলুৱৈগৰাকীয়ে ৷
কৰাচীত সংঘটিত হোৱা এই পথ দুৰ্ঘটনাৰ সময়ত খেলুৱৈগৰাকীয়ে ইৰাণী কাপত অংশগ্ৰহণৰ উদ্দেশ্যে পিতৃৰ সৈতে লক্ষ্ণৌলৈ গৈ আছিল ৷ দুৰ্ঘটনাটো সংঘটিত হোৱাৰ পিছত খেলুৱৈগৰাকীৰ বাহনখন কেইবাটাও পাক খাই পথৰ মাজত বাগৰি পৰে ৷ দুৰ্ঘটনাত পতিত হোৱা ক্ৰিকেটাৰগৰাকী হৈছে চৰফৰাজ খানৰ ভাতৃ মুছিৰ খান ৷
মুছিৰে 1 অক্টোবৰৰ পৰা 5 অক্টোবৰলৈ লক্ষ্ণৌত ইৰাণী কাপত অংশগ্ৰহণ কৰাৰ কথা আছিল । ইয়াৰ বাবে তেওঁ শনিবাৰে লক্ষ্ণৌলৈ গৈ আছিল ৷ ক্ৰিকেটাৰগৰাকী দুৰ্ঘটনাত পতিত হোৱাৰ খবৰটো মুম্বাইৰ বাবে দুৰ্ভাগ্যজনক ৷
অৱশ্যে ক্ৰিকেটাৰগৰাকীৰ আঘাত কিমান গুৰুতৰ, সেয়া জানিব পৰা হোৱা নাই ৷ অৱশ্যে এই দুৰ্ঘটনাৰ পিছত খেলুৱৈগৰাকী ইৰাণী কাপৰ পৰা বাহিৰ হোৱাটো প্ৰায় নিশ্চিত । এই দুৰ্ঘটনাৰ প্ৰথমটো ভিডিঅ’ আহি পৰিছে ইটিভি ভাৰতৰ হাতত ৷ মুছিৰৰ মোমায়েক শ্বাকিল আহমেদে ইটিভি ভাৰতক যোগান ধৰিছে এই ভিডিঅ’ ৷
Musheer Khan suffers a fracture in a road accident in UP. He's set to miss the Irani Cup and the initial phase of the Ranji trophy. (TOI).
— Mufaddal Vohra (@mufaddal_vohra) September 28, 2024
- Wishing Musheer a speedy recovery! pic.twitter.com/lZaLJmjniC
এম চি এ-ৰ এজন শীৰ্ষ বিষয়াই ইটিভি ভাৰতক সদৰী কৰা অনুসৰি, মুম্বাই ক্ৰিকেট এছ’চিয়েশ্যনে আঘাতপ্ৰাপ্ত মুছিৰ খানৰ স্থানত কোনো খেলুৱৈক দলত বৰ্তমানলৈকে অন্তৰ্ভুক্ত কৰা নাই ৷
মুছিৰৰ অনুপস্থিতিত মুম্বাইয়ে বেটছমেন পৃথ্বী শ্ব’ আৰু হাৰ্দিক টামোৰৰ সৈতে ইনিংছ মুকলি কৰাৰ সম্ভাৱনা আছে ৷ অধিনায়ক আজিংক্য ৰাহানে মিডল অৰ্ডাৰত বেটিং কৰিব পাৰে । এই মেচ অটল বিহাৰী বাজপেয়ী একানা ক্ৰিকেট ষ্টেডিয়ামত অনুষ্ঠিত হ'ব ।
লগতে পঢ়ক: বিমানবন্দৰত সংঘটিত এই কাৰ্যত দুখ প্ৰকাশ হাৰ্দিক সিঙৰ - INDIAN HOCKEY TEAM AT AIRPORT
