স্প’ৰ্টছ ডেস্ক, 7 ছেপ্টেম্বৰ: 2025 চনৰ ফেব্ৰুৱাৰীত পাকিস্তানত অনুষ্ঠিত হ’ব চেম্পিয়নছ ট্ৰফীৰ খেলসমূহ ৷ পিছে ভাৰতীয় ক্ৰিকেট দলটোৱে চেম্পিয়নছ ট্ৰফীত অংশগ্ৰহণ কৰিবলৈ পাকিস্তানলৈ যাব নে নাই, সেয়া এই মুহূৰ্তৰ এক ডাঙৰ প্ৰশ্নত পৰিণত হৈছে ৷
বিষয়টোৰ সন্দৰ্ভত চৰ্চা অব্যাহত আছে ক্ৰিকেট অনুৰাগীসকলৰ মাজত । পিছে এই সকলোবোৰ উৎকণ্ঠাৰ অৱসান ঘটাইছে কেন্দ্ৰীয় গৃহমন্ত্ৰী অমিত শ্বাহে ৷ কেন্দ্ৰীয় গৃহমন্ত্ৰীগৰাকীয়ে সদৰী কৰা অনুসৰি, সন্ত্ৰাসবাদী কাৰ্যকলাপে যেনেদৰে ভাৰতৰ ওপৰত প্ৰভাৱ পেলাইছে, তেনে পৰিস্থিতিত ভাৰতীয় ক্ৰিকেট দলটোৱে পাকিস্তান ভ্ৰমণ কৰাৰ কোনো প্ৰশ্নই উত্থাপন নহয় ৷
গৃহমন্ত্ৰীয়ে স্পষ্ট কৰিছে পাকিস্তান ভ্ৰমণৰ ছবিখন
গৃহমন্ত্ৰী অমিত শ্বাহে কৈছিল যে "সন্ত্ৰাসবাদ সম্পূৰ্ণৰূপে নাইকিয়া নোহোৱালৈকে আমি পাকিস্তানৰ সৈতে আলোচনাৰ পক্ষপাতী নহয়" ৷ অমিত শ্বাহৰ এই বক্তব্যৰ পিছত ভাৰতীয় ক্ৰিকেট দলটো পাকিস্তানলৈ নোযোৱাটোকে সূচাইছে ৷
India's Home Minister Amit Shah said - " we are not in favour of holding talks with pakistan until terrorism is completely does not end". (sports tak).
— Tanuj Singh (@ImTanujSingh) September 6, 2024
- this indicates that team india will not go to pakistan for the champions trophy 2025...!!!! pic.twitter.com/K6UjxDfEAj
অমিত শ্বাহৰ বক্তব্যৰ পৰা এইটো স্পষ্ট যে, সন্ত্ৰাসবাদমূলক কাৰ্যকলাপৰ সমাপ্তি নোহোৱালৈকে পাকিস্তান ভ্ৰমণৰ পৰা বিৰত থাকিব ভাৰতীয় ক্ৰিকেট দলটো । পূৰ্বে বি চি চি আইৰ উপ-সভাপতি ৰাজীৱ শুক্লায়েও ভাৰতৰ পাকিস্তান ভ্ৰমণ সন্দৰ্ভত প্ৰকাশ কৰিছিল প্ৰতিক্ৰিয়া ৷
ৰাজীৱ শুক্লায়ো ভাৰতৰ পাকিস্তান ভ্ৰমণৰ সন্দৰ্ভত সদৰী কৰিছিল সত্য
"চেম্পিয়নছ ট্ৰফীৰ ক্ষেত্ৰত ভাৰত চৰকাৰে আমাক যি কৰিবলৈ কয়, আমি সেয়াই কৰিম । ভাৰত চৰকাৰে আমাক অনুমতি দিয়াৰ পিছতহে আমি আমাৰ দলটো প্ৰেৰণ কৰিব পাৰো । গতিকে আমি ভাৰত চৰকাৰৰ সিদ্ধান্ত অনুসৰি চলিম" বুলি পূৰ্বতে বি চি চি আইৰ উপ-সভাপতি ৰাজীৱ শুক্লাই সদৰী কৰিছিল ৷
#WATCH | Delhi: On the Champion Trophy to be held in Pakistan next year, BCCI vice-president Rajeev Shukla said, " in the case of the champion trophy, we will do whatever the government of india will tell us to do. we send our team only when the government of india gives us… pic.twitter.com/TeA3dZ5Twn
— ANI (@ANI) May 6, 2024
তেওঁ লগতে স্পষ্ট কৰি দিয়ে যে, বি চি চি আইয়ে চৰকাৰে যি কয়, সেয়াই কৰিব । এতিয়া অমিত শ্বাহৰ বক্তব্যই এই ভ্ৰমণ সন্দৰ্ভত চৰকাৰে যে অনুমতি প্ৰদান নকৰে, তাৰে ইংগিত বহন কৰিছে ৷
অমিত শ্বাহৰ পুত্ৰ জয় শ্বাহৰ হাতত থাকিব ক্ষমতা
আই চি চিৰ নতুন অধ্যক্ষ জয় শ্বাহ হৈছে জ্যেষ্ঠ বিজেপি নেতা অমিত শ্বাহৰ পুত্ৰ । তেওঁ বহুসময়ত ভাৰতক পাকিস্তানলৈ পঠোৱাৰ বিপক্ষে মাত মাতিছিল । আনকি এছিয়া কাপৰ সময়তো ভাৰতীয় দলটোক পাকিস্তানলৈ প্ৰেৰণ কৰা হোৱা নাছিল । পৰৱৰ্তী সময়ত প্ৰতিযোগিতাখন এটা নিৰপেক্ষ স্থানত অনুষ্ঠিত হৈছিল । সম্প্ৰতি জয় শ্বাহ আই চি চিৰ অধ্যক্ষ হিচাপে নিৰ্বাচিত হৈছে আৰু 1 ডিচেম্বৰত তেওঁ দায়িত্ব গ্ৰহণ কৰিব ৷ উক্ত পদত অধিষ্ঠিত হোৱাৰ পাছত জয় শ্বাহৰ হাতত যথেষ্ঠ ক্ষমতা থাকিব, যাৰ জৰিয়তে তেওঁ ভাৰতক পাকিস্তানলৈ যোৱাৰ ক্ষেত্ৰত বাধা প্ৰদান কৰিব পাৰিব ৷
কেতিয়া অনুষ্ঠিত হ'ব চেম্পিয়নছ ট্ৰফী 2025 ?
পাকিস্তানে অহা বছৰৰ ফেব্ৰুৱাৰীত চেম্পিয়নছ ট্ৰফী আয়োজন কৰাৰ সম্ভাৱনা আছে । প্ৰতিযোগিতাখন 19 ফেব্ৰুৱাৰীত আৰম্ভ হৈ 9 মাৰ্চত ফাইনেল মেচৰ সৈতে সামৰণি পৰিব ৷ সংবাদ মাধ্যমৰ প্ৰতিবেদনৰ পৰা এইটো স্পষ্ট যে পাকিস্তানে হাইব্ৰিড মডেলৰ অধীনত চেম্পিয়নছ ট্ৰফী 2025 ৰ আয়োজন কৰিবলগীয়া হ’ব পাৰে ৷
#WATCH On the issue of terror threat to T20 World Cup 2024, BCCI Vice President Rajeev Shukla says, " as far as threat is concerned, the responsibility of security lies with the security agencies of the country that is hosting the game. every precaution will be taken. we will take… pic.twitter.com/M9iFDc3x7E
— ANI (@ANI) May 6, 2024
