স্প’ৰ্টছ ডেস্ক: অষ্ট্ৰেলিয়াই পাকিস্তানৰ বিৰুদ্ধে 3 খন খেলৰ ঘৰুৱা টি-20 শৃংখলাটোৰ বাবে অধিনায়ক অবিহনে ঘোষণা কৰিছে নিজৰ দল ।
পাকিস্তানৰ বিৰুদ্ধে আগন্তুক টি-20 শৃংখলাৰ বাবে অষ্ট্ৰেলিয়াৰ দলটোত থাকিব এজন নতুন অধিনায়ক ৷ কিয়নো ব’ৰ্ডাৰ-গাভাস্কাৰ ট্ৰফীও একে সপ্তাহতে সমাপ্ত হ'ব ৷ তদুপৰি দলটোৰ নিয়মীয়া টেষ্ট খেলুৱৈসকলে এই শৃংখলাত অংশগ্ৰহণৰ পৰা বিৰত থাকিব ৷
🚨Cricket Australia has announced the squad for the T20I series against Pakistan.
— junaiz (@dhillow_) October 28, 2024
- No Cummins Hazelwood Starc, Maxwell likely to lead Australia pic.twitter.com/JDYUros3iv
এনে হোৱাৰ কাৰণ ব’ৰ্ডাৰ গাভাস্কাৰ ট্ৰফী
যশ ইংলিছ, এডাম জাম্পা আৰু মেট শ্বৰ্টৰ দৰে খেলুৱৈসকলক এই টি-20 দলত অন্তৰ্ভুক্ত কৰা হৈছে ৷ যিসকলে মিচেল মাৰ্শ্বৰ অনুপস্থিতিত দলৰ অধিনায়কৰ ভূমিকা পালন কৰিব পাৰে ৷ কিয়নো পাকিস্তানৰ বিৰুদ্ধে টি-20 শৃংখলাৰ বাবে ঘোষণা কৰা 13 জনীয়া দলটোত কোনো নিয়মীয়া টেষ্ট খেলুৱৈক বাছনি কৰা হোৱা নাই ।
এই শৃংখলাৰ পিছত একাংশ খেলুৱৈয়ে ব’ৰ্ডাৰ গাভাস্কাৰ ট্ৰফী খেলিব
ক্ৰিকেট অষ্ট্ৰেলিয়াই প্ৰকাশ কৰা অনুসৰি, 18 নৱেম্বৰত বেলেৰিভ অ’ভেলত শৃংখলাৰ অন্তিমখন টি-20 খেলৰ সামৰণিৰ পিছত পাৰ্থত ব’ৰ্ডাৰ গাভাস্কাৰ ট্ৰফীৰ প্ৰথমখন মেচৰ বাবে দলটোৰ একাংশ খেলুৱৈয়ে টেষ্ট দলত যোগদান কৰিব পাৰে । ছেপ্টেম্বৰত ইংলেণ্ড আৰু স্কটলেণ্ডৰ বগা বল ভ্ৰমণৰ পূৰ্বে বা খেলৰ সময়ত আঘাতপ্ৰাপ্ত হোৱাৰ পিছত ফাষ্ট বলাৰ জেভিয়াৰ বাৰ্টলেট, নাথান এলিছ আৰু স্পেন্সাৰ জনছন সম্প্ৰতি দললৈ উভতিছে ।
Introducing our Men’s T20I squad to take on @TheRealPCB next month 🇦🇺 🇵🇰 pic.twitter.com/5TdEF3EqMd
— Cricket Australia (@CricketAus) October 28, 2024
পাকিস্তানৰ বিৰুদ্ধে টি-20 শৃংখলাৰ বাবে অষ্ট্ৰেলিয়াৰ দলটো:
ছিন এবট, জেভিয়াৰ বাৰ্টলেট, কুপাৰ ক'নলী, টিম ডেভিদ, নাথান এলিছ, জেক ফ্ৰেজাৰ-মেকগুৰ্ক, এৰন হাৰ্ডি, জছ ইংগলিছ, স্পেন্সাৰ জনছন, গ্লেন মেক্সৱেল, মেথিউ শ্বৰ্ট, মাৰ্কাছ ষ্টইনিছ আৰু এডাম জাম্পা ।
লগতে পঢ়ক: সলনি হ’ব টীম ইণ্ডিয়াৰ প্ৰশিক্ষক ! দক্ষিণ আফ্ৰিকা ভ্ৰমণৰ পূৰ্বে এই সালসলনি
