স্প’ৰ্টছ ডেস্ক, 8 ছেপ্টেম্বৰ: শনিবাৰে এক ৰোমাঞ্চকৰ খেলত বেলাৰুছৰ আৰ্যনা ছাবালেংকাই আমেৰিকাৰ জেছিকা পেগুলাক 7-5, 7-5 ৰ ব্যৱধানত পোনপটীয়া ছেটত পৰাস্ত কৰি কেৰিয়াৰৰ প্ৰথমটো ইউ এছ অ’পেন খিতাপ অৰ্জন কৰে ।
Aryna almost went for the tiramisu check 😂 pic.twitter.com/sPMikkpMjF
— US Open Tennis (@usopen) September 7, 2024
তৃতীয়টো গ্ৰেণ্ড শ্লেম খিতাপ দখল কৰি আৱেগিক হৈ পৰি তাৰকাগৰাকী । ছাবালেংকাই যোৱা বছৰ ইউ এছ অ’পেনৰ ফাইনেলত আৰু দুবছৰ পূৰ্বে একেখন গ্ৰেণ্ড শ্লেমৰে ছেমি ফাইনেলত কোকো গাউফৰ বিৰুদ্ধে পৰাজিত হৈছিল ।
Lucky all the way! pic.twitter.com/rpCWwwtGO4
— US Open Tennis (@usopen) September 7, 2024
এটা ছিজনত দুটাকৈ কঠিন প্ৰত্যাহ্বানৰ বিৰুদ্ধে জয়ী হোৱা প্ৰথমগৰাকী খেলুৱৈ
ইউ এছ অ’পেন 2024 ৰ মহিলা একক শাখাৰ চূড়ান্ত খেলখন অতি ৰোমাঞ্চকৰ আছিল । 0-3 ত পিছ পৰি দ্বিতীয় ছেটত ব্ৰেক পইণ্টৰ সন্মুখীন হোৱা স্বত্বেও পেগুলাই চমৎকাৰ প্ৰদৰ্শনৰে প্ৰত্যাৱৰ্তন ঘটাই খেলখনত 5-3 ৰ অগ্ৰগতি লাভ কৰে । কিন্তু খেলখনৰ অন্তিম ৰাউণ্ডত আমেৰিকাৰ প্ৰতিপক্ষক ধৰাশায়ী কৰি বিজয়ীৰ মুকুট পৰিধান কৰে বেলাৰুছৰ ছাবালেংকাই ৷
ARYNA SABALENKA REIGNS SUPREME IN NEW YORK! pic.twitter.com/rVEGvuBMe4
— US Open Tennis (@usopen) September 7, 2024
26 বছৰীয়া খেলুৱৈগৰাকী এঞ্জেলিক কেৰ্বৰৰ পিছত একেটা ছিজনত দুটাকৈ কঠিন প্ৰত্যাহ্বানৰ বিৰুদ্ধে জয় লাভ কৰা প্ৰথমগৰাকী মহিলা খেলুৱৈত পৰিণত হয়, যিয়ে 2016 চনত এই কৃতিত্ব অৰ্জন কৰিছিল ।
আই পি এল চেম্পিয়ন কে কে আৰ-তকৈও অধিক পুৰষ্কাৰৰ ধন লাভ
ছাবালেংকাই চূড়ান্ত বিজয়ী হিচাপে লাভ কৰিছে 3.6 নিযুত ডলাৰ(ভাৰতীয় হিচাপত প্ৰায় 30 কোটি 23 লাখ টকা) ৰ চেক, যি যোৱা বছৰৰ তুলনাত 20 শতাংশ বেছি । আনহাতে, ৰাণাৰ আপ আমেৰিকাৰ পেগুলাই লাভ কৰিছে 1.8 নিযুত ডলাৰ(15 কোটি 11 লাখ টকা) ৷
Aryna never gave up on her dream.
— US Open Tennis (@usopen) September 7, 2024
And now she's a US Open champion. pic.twitter.com/m21bVFNB0U
ছাবালেংকাই লাভ কৰা পুৰষ্কাৰৰ ধন ইণ্ডিয়ান প্ৰিমিয়াৰ লীগ(আই পি এল) 2024 ৰ চেম্পিয়ন কলকাতা নাইট ৰাইডাৰ্ছতকৈও অধিক, যিয়ে লাভ কৰিছিল 20 কোটি টকাৰ পুৰস্কাৰ ।
সপোন দেখক আৰু কঠোৰ পৰিশ্ৰম কৰি থাকক
ইউ এছ অ’পেনত পদক জয় কৰাৰ পিছত ছাবালেংকাই কয়, "হে ভগৱান । মই এই মুহূৰ্তত নিৰ্বাক । কেতিয়াবা মই ভাবিছিলো যে, মই এই জয়ৰ নিচেই ওচৰত আছো । এইটো মোৰ সপোন আছিল । অৱশেষত মই এই ধুনীয়া ট্ৰফীটো পালো... ইয়াৰ অৰ্থ বহুত । এইটো কেইসপ্তাহমান কঠিন আছিল" ৷
2021 - Semifinal
— US Open Tennis (@usopen) September 7, 2024
2022 - Semifinal
2023 - Final
2024 - 🏆 https://t.co/kneJ6KeaHs pic.twitter.com/iHoNm23ba9
বিগত দুটা অষ্ট্ৰেলিয়ান অ’পেনৰ খিতাপ জয় কৰা ছাবালেংকাই পুনৰ কৈছিল যে, "যোৱা বছৰৰ সকলো কঠিন পৰাজয় মোৰ মনত আছে... এইটো সহজ যেন লাগিব ৷ কিন্তু কেতিয়াও আপোনাৰ সপোন এৰি নিদিব । সপোন দেখি থাকিব আৰু কঠোৰ পৰিশ্ৰম কৰি থাকিব । যদি আপুনি সঁচাকৈয়ে কঠোৰ পৰিশ্ৰম কৰি আছে আৰু আপোনাৰ সপোনৰ বাবে সকলো ত্যাগ কৰিছে, আপুনি এদিন ইয়াক লাভ কৰিব । মই নিজকে লৈ বহুত গৌৰৱান্বিত । মই কেতিয়াও এনে কোৱা নাই" ৷
লগতে পঢ়ক: টি 20 ৰ শেষৰ পাঁচ অভাৰত সৰ্বাধিক ছয়ৰ অভিলেখ: শীৰ্ষত কেইবাজনো ভাৰতীয় - MOST SIXES FOR INDIA
