জনতাৰ সৈতে সমশাৰীত থিয় হৈ ভোটাধিকাৰ সাব্যস্ত জনপ্ৰতিনিধিৰ - lok sabha election 2024

THIRD PHASE OF LS POLLS : ভোটদান প্ৰতিগৰাকী নাগৰিকৰ গণতান্ত্ৰিক অধিকাৰ । আজি লোকসভা নিৰ্বাচনৰ তৃতীয় পৰ্যায়ৰ চাৰিটা সমষ্টিতেই ভোটদান সাব্যস্ত কৰিছে বহুকেইগৰাকী বিধায়কে ৷

নিউজ ডেস্ক, ৭ মে’ : আজি লোকসভা নিৰ্বাচনৰ অন্তিমটো পৰ্যায় ৷ ৰাজ্যৰ চাৰিটা সমষ্টিত পুৱা 7 বজাৰ পৰা আৰম্ভ হৈছে ভোটগ্ৰহণ প্ৰক্ৰিয়া ৷ প্ৰতিকুল বতৰৰ মাজতো বৰপেটা জিলাত পুৱা 7 বজাৰ পৰা ভোটগ্ৰহণ আৰম্ভ হৈছে । জিলাখনৰ বহু কেন্দ্ৰত পুৱাৰ পৰাই ভোটদাতাৰ দীঘলীয়া শাৰী দেখা গৈছে ।

বিধায়ক জাকিৰ হুছেইন শিকদাৰ

বিশেষকৈ গ্ৰামাঞ্চলৰ বহু কেন্দ্ৰত ভোটাৰে ছাটি লৈও ভোটদানৰ বাবে দীঘলীয়া শাৰীত থিয় হৈ নিজৰ গণতান্ত্ৰিক অধিকাৰ সাব্যস্ত কৰে । ইয়াৰে সমান্তৰালকৈ প্ৰদেশ কংগ্ৰেছৰ কাৰ্যকৰী সভাপতি তথা বিধায়ক জাকিৰ হুছেইন শিকদাৰে তেওঁৰ গৃহ সমষ্টি পাকা বেতবাৰীৰ ৭১৭ নম্বৰ কুৰিহা প্ৰাথমিক বিদ্যালয়ত স্থাপন কৰা ভোট কেন্দ্ৰত নিজৰ ভোটাধিকাৰ সাব্যস্ত কৰে ।

বিধায়ক ৰফিকুল ইছলাম :

ধুবুৰী লোকসভা সমষ্টিতৰ অন্তৰ্গত মন্দিয়া বিধানসভা সমষ্টিৰ এম ই স্কুল ভোটগ্ৰহণ কেন্দ্ৰ দুটাত ভোটাৰৰ দীঘলীয়া শাৰী দেখা গৈছে । কলগাছিয়া নিম্ন বুনিয়াদী বিদ্যালয়ৰ 27 নং খণ্ডত ভোটাধিকাৰ সাব্যস্ত কৰে জনীয়া এ আই ইউ ডি এফ দলৰ বিধায়ক হাফিজ ৰফিকুল ইছলাম আৰু তেওঁৰ পত্নীয়ে ৷ বৰষুণে কিছু বিধি পথালি দিছে যদিও ভোটাৰ ৰাইজে পুৱাই ওলাই আহি নিজৰ গণতান্ত্ৰিক অধিকাৰ সাব্যস্ত কৰিছে ৷

বিধায়ক আফতাব উদ্দীন মোল্লা :

গোৱালপাৰা জিলাৰ লক্ষীপুৰ জলেশ্বৰত প্ৰতিকুল বতৰৰ মাজত হিলদল ভাঙি ওলাই আহিছে ভোটাৰ ৰাইজ । জলেশ্বৰ সমষ্টিৰ কংগ্ৰেছৰ বিধায়ক আফতাব উদ্দিন মোল্লাই জলেশ্বৰ সমষ্টিৰ সুপাৰীভিটা ভেটগ্ৰহণ কেন্দ্ৰত ভোটাধিকাৰ সাব্যস্ত কৰে ৷ প্ৰতিকুল বতৰৰ মাজতো ভোটগ্ৰহণ কেন্দ্ৰত ভোটাৰৰ যথেষ্ট ভিৰ পৰিলক্ষিত হয় ৷

প্ৰাক্তন বিধায়ক অশোক শৰ্মা :

নলবাৰীত পুৱাই নিজৰ ভোটাধিকাৰ সাব্যস্ত কৰে প্ৰাক্তন বিধায়ক অশোক শৰ্মাই ৷ গণতান্ত্ৰিক অধিকাৰ সাব্যস্ত কৰি সংবাদ মাধ্যমৰ আগত কেতবোৰ বিষ্ফোৰক মন্তব্য কৰে প্ৰাক্তন বিধায়কগৰাকীয়ে ৷

বিধায়ক মনেশ্বৰ ব্ৰহ্ম :

বৰমা সমষ্টিৰ প্ৰাক্তন বিধায়ক তথা কেন্দ্ৰীয় বিপিএফ দলৰ সম্পাদক মনেশ্বৰ ব্ৰহ্মই সাব্যস্ত কৰে ভোটাধিকাৰ ৷ তেওঁ কয় যে এইবাৰ ১ নং কোকৰাঝাৰ লোকসভাৰ বিপিএফ দলৰ প্ৰাৰ্থী খাম্ফা বৰ্গয়াৰীয়ে বিপুল ভোটৰ ব্যৱধানত জয়ী হ’ব ৷ ৰাইজে ইতিমধ্যে বিপিএফ দলৰ প্ৰতি আকৰ্ষিত হোৱা বুলিও কয় মনেশ্বৰ ব্ৰহ্মই ৷

মন্ত্ৰী তথা বিধায়ক জয়ন্ত মল্ল বৰুৱা:

বৰপেটা লোকসভা সমষ্টিৰ অন্তৰ্গত নলবাৰীত পৰিয়াল সহিতে ভোটদান সাব্যস্ত কৰিলে মন্ত্ৰী তথা জয়ন্ত মল্ল বৰুৱাই । নলবাৰীৰ চান্দকুছি পাব্লিক হাইস্কুলত ভোটদান সাব্যস্ত কৰে মন্ত্ৰী পৰিয়ালে । এইবাৰ মন্ত্ৰীগৰাকীৰ তনয়া তৃনাদৃপ্তা মল্ল বৰুৱাইও প্ৰথমবাৰৰ বাবে ভোটদান সাব্যস্ত কৰি মনৰ অনুভৱ সাংবাদিকৰ আগত ব্যক্ত কৰে । আনহাতে ভোটদান সাব্যস্ত কৰি বৰুৱাৰ সহধৰ্মিনী জুলী ডেকা বৰুৱাইয়ো সাংবাদিকৰ আগত মত ব্যক্ত কৰে ৷

মন্ত্ৰী তথা বিধায়ক ৰণজিৎ কুমাৰ দাস

প্ৰতিকুল বতৰকো নেওচি মন্ত্ৰী তথা বিধায়ক ৰণজিৎ কুমাৰ দাসে ছাতি লৈ আহি সপৰিয়ালে বৰপেটাৰোডত নিজৰ ভোটাধিকাৰ সাব্যস্ত কৰে । সকলোকে নিজৰ ভোটাধিকাৰ সাব্যস্ত কৰিবলৈ আহ্বান জনায় দাসে ।

বিধায়ক অখিল গগৈ

গুৱাহাটীৰ নিজৰাপাৰ প্ৰাথমিক বিদ্যালয়ত ভোটদান কৰি শিৱসাগৰৰ বিধায়ক অখিল গগৈয়ে সকলোকে সচেতন হৈ ভাবি চিন্তি ভোটদান কৰিবলৈ আহ্বান জনায় । তেওঁ কয় যে, এইবাৰ নিৰ্বাচনত সকলো সচেতন মানুহে ভয় কৰিছে । এইবাৰ যদি জনসাধাৰণে ভুল কৰে দেশৰ গণতান্ত্ৰিক ব্যৱস্থাটো বদলি হৈ যাব পাৰে । সংবিধান বদলি হৈ যাব পাৰে । ধৰ্মনিৰপেক্ষ চৰিত্ৰৰ পৰিৱৰ্তে ধৰ্মীয় মৌলবাদীৰ দেশলৈ পৰিৱৰ্তন হ'ব পাৰে ।

বিধায়ক সিদ্ধাৰ্থ ভট্টাচাৰ্য

আজি মহানগৰীৰ বি কে কলেজত বিধায়ক সিদ্ধাৰ্থ ভট্টাচাৰ্যই সপত্নীক ভোটদান কৰে । ভোটদান কৰি আহি সংবাদমাধ্যমৰ সন্মুখত মন্তব্য কৰি ভট্টাচাৰ্যই কয়, ৰ'দৰ বতৰতকৈ এনেকুৱা বতৰেই ভোটদানৰ বাবে ভাল । সকলো ৰাইজকে ওলাই আহি ভোটাধিকাৰ সাব্যস্ত কৰিবলৈ আহ্বান জনায় বিধায়কগৰাকীয়ে ৷

বিধায়ক ৰমেন্দ্ৰ নাৰায়ণ কলিতা

আজি পুৱাৰ ভাগতে চানমাৰিৰ পি এইছ ইত পশ্চিম গুৱাহাটী সমষ্টিৰ অগপ বিধায়ক ৰমেন্দ্ৰ নাৰায়ণ কলিতাই সপত্নীক ভোটদান কৰে ৷ ভোটদান কৰাৰ পাচত সংবাদ মাধ্যমৰ আগত নিজৰ প্ৰতিক্ৰিয়া ব্যক্ত কৰে কলিতাই ৷

বিধায়ক তথা GMDAৰ অধ্যক্ষ নাৰায়ণ ডেকা

নলবাৰী জিলাৰ মুকালমুৱাৰ 132 নং হাউলীঘাট প্ৰাথমিক বিদ্যালয় ভোটগ্ৰহণ কেন্দ্ৰত ভোটদান সাব্যস্ত কৰে বৰক্ষেত্ৰী সমষ্টিৰ প্ৰাক্তন বিধায়ক তথা GMDAৰ অধ্যক্ষ নাৰায়ণ ডেকাই । ভোটাৰ ৰাইজৰ লগত একেলগে শাৰী পাতি ভোটদান কৰিলে নাৰায়ণ ডেকাই ।

বিধায়ক ছামছুল হুদা

ধুবুৰী জিলাৰ বিলাসীপাৰাৰ 481 নং ছুৱাপাতা এল পি স্কুল ভোটগ্ৰহণ কেন্দ্ৰত বিধায়ক ছামছুল হুদা ভোটদান কৰি ভোটাধিকাৰ সাব্যস্ত কৰে ৷

বিধায়ক এ কে ৰচিদ আলম

গোৱালপাৰা পাহাৰশিং পাৰা এল পি স্কুলস্থিত ভোটগ্ৰহণ কেন্দ্ৰত বিধায়ক এ কে ৰচিদ আলমে ভোটাধিকাৰ সাব্যস্ত কৰে ।

বিজেপি নেতা মানস বৰা

গুৱাহাটীৰ দক্ষিণ বেলতলা হাইস্কুলত বিজেপি নেতা মানস বৰাই পত্নীসহ ভোটাধিকাৰ সাব্যস্ত কৰে ৷

লগতে পঢ়ক :