নিউজ ডেস্ক, ২৬ এপ্ৰিল: শুকুৰবাৰে উচ্চতম ন্যায়ালয়ে এটা ডাঙৰ সিদ্ধান্ত গ্ৰহণ কৰি EVM-VVPAT মিলোৱাৰ দাবী নাকচ কৰে । এইটো বিৰোধীৰ বাবে মোক্ষম আঘাত বুলি কোৱা হৈছে । এই সিদ্ধান্তৰ পাছত প্ৰধানমন্ত্ৰী নৰেন্দ্ৰ মোদীয়েও এই অজুহাতত ইণ্ডি মিত্ৰজোঁটক আক্ৰমণ কৰে ।
জনসাধাৰণৰ মনত সন্দেহৰ সৃষ্টি কৰাৰ পাপ কৰিলে: আৰাৰিয়াত এখন ৰাজহুৱা সভাত ভাষণ দি প্ৰধানমন্ত্ৰী মোদীয়ে কয় যে আজি উচ্চতম ন্যায়ালয়ে স্পষ্টকৈ কৈছে যে বেলট পেপাৰৰ পুৰণি যুগ ঘূৰি নাহে । ইভিএম সন্দৰ্ভত জনমানসত সন্দেহৰ সৃষ্টিৰে পাপ কৰিছে ইণ্ডি মিত্ৰজোঁটৰ প্ৰতিজন নেতাই ।
"আজি চাওক দেশৰ গণতন্ত্ৰ আৰু বাবা চাহেব আম্বেদকাৰৰ সংবিধানৰ শক্তি, আজি উচ্চতম ন্যায়ালয়ে বেলট বাকচ লুট কৰাৰ উদ্দেশ্য থকা সকলক ইমান গভীৰ আঘাত দিলে যে তেওঁলোকৰ সকলো সপোন ছিন্নভিন্ন হৈ পৰিছে ।" নৰেন্দ্ৰ মোদীয়ে কয় ।
গণতন্ত্ৰক বিশ্বাসঘাতকতা কৰাৰ ধাৰাবাহিক প্ৰচেষ্টা: ইয়াতেই থমকি নৰ'ল প্ৰধানমন্ত্ৰী মোদী । তেওঁ কয় যে আজি সমগ্ৰ বিশ্বই ভাৰতৰ গণতন্ত্ৰ, ভাৰতৰ নিৰ্বাচনী প্ৰক্ৰিয়া আৰু নিৰ্বাচনত প্ৰযুক্তিৰ ব্যৱহাৰক প্ৰশংসা কৰে । এইসকল লোকে নিজৰ ব্যক্তিগত স্বাৰ্থৰ বাবে ইভিএমৰ বদনাম কৰাত ব্যস্ত হৈ পৰিছে। গণতন্ত্ৰক প্ৰতাৰণা কৰিবলৈ অহৰহ চেষ্টা কৰি আহিছে ।
"আৰজেডি আৰু কংগ্ৰেছৰ ইণ্ডি মিত্ৰজোঁটে দেশৰ সংবিধানৰ কথাও চিন্তা নকৰে, গণতন্ত্ৰৰ কথাও চিন্তা নকৰে । বেলট পেপাৰৰ নামত দশক দশক ধৰি ৰাইজ আৰু দুখীয়াৰ অধিকাৰ কাঢ়ি লৈ গ’ল এইসকল লোকে । ভোটগ্ৰহণ কেন্দ্ৰ লুট কৰা হ'ল, বেলট কাগজ লুট কৰা হ'ল ।'' মোদীয়ে লগতে কয় ।
SC য়ে নিজৰ সিদ্ধান্তত কি কৈছে ?
দেশৰ উচ্চতম ন্যায়ালয়ে নিজৰ সিদ্ধান্তত কয় যে বেলট পেপাৰৰ জৰিয়তে ভোটদান কৰা নহ’ব । ইভিএম আৰু ভিভিপিএটিৰ ১০০% মিল নাথাকিব । VVPAT স্লিপ ৪৫ দিনলৈ সুৰক্ষিত থাকিব । নিৰ্বাচনৰ পিছত চিম্বল লোডিং ইউনিটসমূহো ছীল কৰা হ’ব । ৭ দিনৰ ভিতৰত প্ৰাৰ্থীয়ে প্ৰত্যাহ্বান জনাব পাৰিব । তেওঁলোকে মাইক্ৰ’কণ্ট্ৰ’লাৰ প্ৰগ্ৰেমটো পৰীক্ষা কৰিব পাৰে ।
লগতে পঢ়ক: ১৫,০০০ ফুট উচ্চতাত এটা ভোটকেন্দ্ৰ : কেৱল এটা পৰিয়ালৰ বাবে - Lok Sabha Election 2024
