মৰাণ, 13 এপ্ৰিল: সমাগত লোকসভা নিৰ্বাচন ৷ নিৰ্বাচনৰ দিন যিমানেই চমু চাপি আহিছে সিমানেই নেতা-কৰ্মীৰ দল সলোৱাৰ তৎপৰতা বৃদ্ধি হোৱা পৰিলক্ষিত হৈছে ৷ সদৃশ দৃশ্য পৰিলক্ষিত হৈছে ডিব্ৰুগড় লোকসভা সমষ্টিত ৷ নিৰ্বাচনৰ দিন চমু চপাৰ লগে লগেই সমষ্টিটোত ৰাজনৈতিক প্ৰেক্ষাপট সঘনাই সলনি হোৱা দেখিবলৈ পোৱা গৈছে । বিৰোধী শূন্য কৰি সহজ জয়লাভৰ বাবে চেষ্টা চলাইছে শাসকীয় দল বিজেপিয়ে ।
ডিব্ৰুগড়ত বিজেপিত যোগদান কৰাৰ ঢৌ উঠা দেখিবলৈ পোৱা গৈছে । লোকসভা নিৰ্বাচনলৈ কেইটামান দিন থকা সময়ত ডিব্ৰুগড় পৌৰ নিগম শুকুৰবাৰে কংগ্ৰেছ শূণ্য হৈ পৰিল । ডিব্ৰুগড় পৌৰ নিগমৰ 22 টাকৈ ৱাৰ্ডৰ একমাত্ৰ 10 নম্বৰ ৱাৰ্ডটোৱে বিগত নিৰ্বাচনত কংগ্ৰেছৰ দখলত আছিল । শুকুৰবাৰে বিজেপি মিত্ৰজোঁটৰ প্ৰাৰ্থী সৰ্বানন্দ সোণোৱালৰ উপস্থিতিত ডিব্ৰুগড় পৌৰ নিগমৰ 10 নং ৱাৰ্ডৰ কমিচনাৰ চামচুৰ নাহৰ হুছেইনে গেৰুৱা বসন পৰিধান কৰে ।
লগতে ডিব্ৰুগড় জিলাৰ প্ৰাক্তন ব্লক কংগ্ৰেছৰ সভাপতি ৰঞ্জিত চেতিয়া, জিলা সংখ্যালঘু মৰ্চাৰ সভাপতি চাবিৰ হুছেইনসহ কেইবা শতাধিক লোকে বিজেপিৰ নীতি-আদৰ্শত আকৃষ্ট হৈ আনুষ্ঠানিকভাৱে শাসকীয় দলটোত যোগদান কৰে । এই যোগদান কাৰ্যসূচীত উপস্থিত থাকে ডিব্ৰুগড় লোকসভা সমষ্টিৰ বিজেপি প্ৰাৰ্থী তথা কেন্দ্ৰীয় মন্ত্ৰী সৰ্বানন্দ সোণোৱাল ৷
- " class="align-text-top noRightClick twitterSection" data="">
যোগদান সন্দৰ্ভত সোণোৱালে কয়, "কংগ্ৰেছ ভ্ৰষ্টাচাৰী দল । কংগ্ৰেছ দিশহাৰা, হতাশগ্ৰস্ত এতিয়া এই দলত কোনোৱে নাথাকে । নিৰ্বাচনৰ দিন চমু চপাৰ লগে লগে কংগ্ৰেছৰ পৰা পদত্যাগ কৰাৰ ঢৌ উঠিছে । সকলোৱে বুজি উঠিছে কংগ্ৰেছ দলৰ কোনো ভৱিষ্যত নাই ।"
লগতে পঢ়ক: চাবুৱাত সৰ্বানন্দ সোণোৱালে ৭০-৭৫ হাজাৰ ভোট লাভ কৰিব :মুখ্যমন্ত্ৰী - Lok Sabha elections 2024
