যোৰহাট,১ মাৰ্চ : লোকসভা নিৰ্বাচন চমু চাপি অহাৰ লগে লগে কংগ্ৰেছ দলৰ একাংশ নেতাই গেৰুৱা বসন পিন্ধিছে । আন একাংশই আকৌ বিজেপি দলত যোগদানৰ প্ৰস্তুতি চলাই আছে । তেনে পৰিস্থিতিত অসম কংগ্ৰেছত ব্যাপক প্ৰতিক্ৰিয়াৰ সৃষ্টি হৈছে । শেহতীয়াকৈ যোৰহাটৰ প্ৰাক্তন বিধায়ক তথা অসম প্ৰদেশ কংগ্ৰেছ কমিটিৰ কাৰ্যকৰী সভাপতি ৰাণা গোস্বামীয়ে কংগ্ৰেছ দল ত্যাগ কৰাৰ লগে লগে জিলা কংগ্ৰেছত আলোড়নৰ সৃষ্টি হৈছে । মিশ্ৰিত প্ৰতিক্ৰিয়াও দেখা গৈছে ।
- " class="align-text-top noRightClick twitterSection" data="">
এনে সময়তে যোৰহাটত উপস্থিত হৈ অসম প্ৰদেশ কংগ্ৰেছৰ প্ৰাক্তন সভাপতি পৱন সিং ঘটোৱাৰে বিজেপিমুখী নেতাসকলক তীব্ৰ সমালোচনা কৰা দেখা গৈছে । যোৰহাটৰ কংগ্ৰেছ ভৱনত অনুষ্ঠিত এক দলীয় সভাত অংশগ্ৰহণ কৰি পৱন সিং ঘটোৱাৰে সাংবাদিকৰ আগত কয় যে বহু নেতা নিৰ্বাচনৰ সময়ত দল সলনি কৰে, এয়া এক স্বাভাৱিক প্ৰক্ৰিয়া । কাৰণ একাংশৰ মনত থাকে ক্ষমতা আৰু একাংশৰ মনত থাকে আৰ্দশ । এখন গণতান্ত্ৰিক দেশত শাসন পৰিৱৰ্তন হোৱাটো এক স্বাভাৱিক প্ৰক্ৰিয়া । দল পৰিৱৰ্তন নোহোৱাটোহে এক অস্বাভাৱিক প্ৰক্ৰিয়া ।
