২০২৫ বৰ্ষত মেষ ৰাশিৰ জাতক-জাতিকাসকলৰ দ্বিতীয় অৰ্থাৎ ধন স্থানত বৃহস্পতি, চতুৰ্থস্থানত মংগল, ষষ্ঠস্থানত কেতু, অষ্টমত বুধ, নৱম তথা ভাগ্যস্থানত ৰবি, দশম তথা কৰ্মস্থানত চন্দ্ৰ, একাদশ তথা আয়স্থানত শনি আৰু শুক্ৰ, দ্বাদশ অৰ্থাৎ ব্যয় স্থানত ৰাহু গ্ৰহ অৱস্থান কৰি শুভাশুভ ফল নিৰূপণ কৰিছে ৷
২০২৫ বৰ্ষত কৰ্মৰ ক্ষেত্ৰত মেষ ৰাশিৰ বাবে কেনে হ'ব ?
২০২৫ বৰ্ষত মেষ ৰাশিৰ জাতক-জাতিকাসকলৰ কৰ্মস্থানত চন্দ্ৰ আৰু বৃহস্পতিৰ পূৰ্ণদৃষ্টি থকাৰ ফলত কৰ্মস্থানত খুৱ শুভ বুলি ক'ব পাৰি ৷ লগতে একাদশত শনি গ্ৰহ অৱস্থান কৰাৰ ফলত ২০২৫ বৰ্ষত মেষৰাশিৰ জাতক-জাতিকা সকলৰ বিশেষ ৰাজযোগৰ সূচনা কৰিছে ৷ চৰকাৰী চাকৰি লাভ যোগ আছে ৷ লগতে নিবনুৱাসকলৰ কৰ্মপ্ৰাপ্তিৰ যোগ আছে ৷ কৰ্মক্ষেত্ৰত যদি কিবা বাধা আছে তেন্তে এইবর্ষত সেইবাধা সমূহ আঁতৰিব ৷ পদোন্নতিৰ যোগ থকাৰ লগতে কৰ্মৰ জৰিয়তে বিদেশ ভ্ৰমণৰ যোগ দেখা গৈছে ৷ যি সকলে নতুন ব্যৱসায় আৰম্ভ কৰিম বুলি ভাবি আছে তেওঁলোকে নতুন ব্যৱসায় আৰম্ভ কৰিব পৰিব ৷
২০২৫ বৰ্ষত ধন আৰু ব্যৱসায় ক্ষেত্ৰত মেষ ৰাশিৰ বাবে কেনে হ'ব ?
২০২৫ বৰ্ষত মেষ ৰাশিৰ জাতক-জাতিকাসকলৰ ক্ষেত্ৰত ধনস্থানত বৃহস্পতি আৰু শুক্ৰ একাদশত অৱস্থান কৰি ধন আৰু ব্যৱসায় স্থানটো বিশেষ শুভ কৰি তুলিছে ৷ মেষ ৰাশিত জাতক-জাতিকাসকলৰ ২০২৫ বৰ্ষত প্ৰচুৰ পৰিমাণে ধন হাতলৈ আহিব ৷ লগতে কৰবাত যদি ধন ফচি আছে বা পইছা পাবলৈ আছে সেইসমূহ ২০২৫ বৰ্ষত উভতাই পোৱাৰ সম্ভৱনা দেখা গৈছে ৷ আৰ্থিক সমস্যাত ভুগি থকা ব্যক্তি সকলৰ আৰ্থিক সমস্যা নাইকিয়া হ'ব ৷
কাপোৰ, পানী, ঔষধ, গাড়ী, ঠিকাদাৰী আদিৰ দৰে ব্যৱসায়ৰ লগত জড়িত হৈ থকা লোকসকলৰ বাবে ২০২৫ বৰ্ষটো খুৱ বেছি ভাল ৷ আমদানি-ৰপ্তানী, হোটেল বা অনলাইন ক্ষেত্ৰৰ লগত জড়িত হৈ থকা লোকসকলৰো ব্যৱসায় আৰু ধনস্থানটো শুভ ৷
২০২৫ বৰ্ষত স্বাস্থ্যৰ ক্ষেত্ৰত মেষ ৰাশিৰ বাবে কেনে হ'ব ?
চলিত বৰ্ষত মেষ ৰাশিৰ জাতক-জাতিকা সকলে স্বাস্থ্যৰ ক্ষেত্ৰত অকমান সাৱধানতা অৱলম্বন কৰাটো ভাল হ'ব ৷ যিসকল ৰোগীয়া ব্যক্তি আছে তেওঁলোকৰ স্বাস্থ্যৰ উন্নতি হ'ব ৷ মানসিক কষ্টত ভুগি থকা লোকসকলৰ ক্ষেত্ৰত দুখ-দুদৰ্শাবোৰ নাইকিয়া হ'ব ৷
২০২৫ বৰ্ষত প্ৰেম-বিবাহৰ ক্ষেত্ৰত মেষ ৰাশিৰ বাবে কেনে হ'ব ?
২০২৫ বৰ্ষত প্ৰেম-বিবাহৰ ক্ষেত্ৰত মেষ ৰাশিৰ বাবে খুব ভাল হ'ব ৷ সামাজিক বিবাহৰ যোগ দেখা গৈছে ৷ প্ৰেমিক-প্ৰেমিকাসকলৰ বাবেও ২০২৫ বৰ্ষটো শুভ ৷ লগতে বিবাহৰ ক্ষেত্ৰত থকা বাধাসমূহ এইবর্ষত নোহোৱা হ'ব ৷
২০২৫ বৰ্ষত বিদ্যাৰ ক্ষেত্ৰত মেষ ৰাশিৰ বাবে কেনে হ'ব ?
বিদ্যাৰস্থান খুৱ শুভ ৷ ছাত্র-ছাত্ৰীসকলে ২০২৫ বৰ্ষত বিদ্যাৰ ক্ষেত্ৰত খুব ভাল ফল লাভ কৰিব ৷ প্ৰতিযোগিতামূলক পৰীক্ষাত অৱতীৰ্ণ হ'ব খোজা সকলৰ বাবে শুভ ৷ লগতে বাহিৰত অধ্যয়ন কৰিব বিচৰা সকলৰ বাবেও এইবর্ষটো শুভ ৷ এইবর্ষত এই ৰাশিৰ জাতক-জাতিকাসকলে শত্ৰুৰ পৰা সাৱধান আৰু ব্যয়ৰ ক্ষেত্ৰত সাৱধান হোৱাটো ভাল ৷
লগতে পঢ়ক
