গুৱাহাটী: ভূটানৰ ১১৭ সংখ্যক ৰাষ্ট্ৰীয় দিৱস উদযাপন সমাৰোহত ৰাজ্যৰ মুখ্যমন্ত্রী ড৹ হিমন্ত বিশ্ব শৰ্মাৰ অংশগ্রহণ । ভাৰত-ভূটানৰ মাজত অতিৰিক্ত পথ ব্যৱস্থাৰ বাবে ৰাজ্য চৰকাৰে পূৰ্ণ সহযোগিতা আগবঢ়োৱাৰ প্ৰতিশ্ৰুতি অসমৰ মুখ্যমন্ত্রী হিমন্ত বিশ্ব শৰ্মাৰ ।
ভূটানৰ ৰজাৰে আলোচনা:
ৰয়েল ভূটান চৰকাৰৰ আমন্ত্রণমর্মে চাৰিদিনীয়া ভ্রমণসূচীৰে সম্প্রতি ভূটান ভ্রমণৰত মুখ্যমন্ত্রী ড৹ হিমন্ত বিশ্ব শর্মাই মঙলবাৰে ভ্ৰমণৰ দ্বিতীয়টো দিনত ভূটানৰ ৰজা জিগমে খেছাৰ নামগিয়াল ৱাংচুকক সাক্ষাৎ কৰি অসম-ভূটানৰ মাজত থকা ঐতিহ্যপূর্ণ সম্পর্কক অধিক সুদৃঢ়কৰণৰ ক্ষেত্রত এক গুৰুত্বপূর্ণ আলোচনাত মিলিত হয় । ভূটান আৰু ইয়াৰ নাগৰিকসকলৰ উন্নয়ন তথা আঞ্চলিক অর্থনৈতিক উন্নয়নৰ পৰিপ্ৰেক্ষিতত ভাৰত-ভূটানৰ সহযোগিতা বৃদ্ধিৰ ক্ষেত্রত এই আলোচনাত বিশেষভাৱে আলোকপাত কৰা হয় বুলি জনাইছে অসমৰ মুখ্যমন্ত্ৰীৰ কাৰ্যালয়ে ।
འབྲུག་མངའ་བདག་རྒྱལ་པོ་ དཔལ་མི་དབང་འཇིགས་མེད་གེ་སར་རྣམ་རྒྱལ་དབང་ཕྱུག་མཆོག་གིས་ མཇལ་ཕྲད་ཀྱི་གོ་སྐབས་གནང་མི་ལུ་ བསམ་བརྗོད་ལས་འདས་པའི་དགའ་ཚོར་དང་བཅསཔ་ ག་ཅི་དེ་སྐལ་བ་བཟང་ཡི་ཟེར་ཞུ་ནི་ཨིན།
— Himanta Biswa Sarma (@himantabiswa) December 17, 2024
With utmost privilege and honour, Riniki and I called upon His Majesty the King of Bhutan, Jigme… pic.twitter.com/gj8TXAbNfL
লগতে পঢ়ক: ভূটানৰ আতিথ্যত অভিভূত মুখ্যমন্ত্ৰী ড৹ শৰ্মা
ভূটানৰ প্ৰধানমন্ত্ৰীৰেও আলোচনা:
ৰাজ্যৰ মুখ্যমন্ত্রীগৰাকীয়ে মঙলবাৰে ভূটানৰ প্রধানমন্ত্রীৰ সৈতেও দুয়োখন ভূ-খণ্ডৰ পাৰস্পৰিক বিষয়সমূহৰ লগতে ভূটানৰ সৈতে বাণিজ্যিক অংশীদাৰিত্ব শক্তিশালী কৰাৰ বিষয়েও সৌহার্দ্যপূর্ণ অলোচনা কৰে । এই আলোচনাক লৈ মুখ্যমন্ত্রী ড৹ শৰ্মাই কয়, “ভূটান আৰু অসমৰ মাজত পূর্বৰে পৰা ৭ টা বাণিজ্যিক পথেৰে দুয়োখন ভূ-খণ্ডৰ মাজত যাতায়ত ব্যৱস্থা অব্যাহত আছে । অসম-ভূটান সীমান্তত বাণিজ্যিক আন্তঃগাঁথনি শক্তিশালী কৰাৰ লগতে ভূটানৰ ব্যৱসায়ীসকলৰ চাহিদা অনুসৰি দুয়োখন ভূ-খণ্ডৰ মাজত ব্যৱসায়-বাণিজ্য বৃদ্ধিৰ প্রতি লক্ষ্য ৰাখি অতিৰিক্ত পথৰ ব্যৱস্থাৰ বাবে ৰাজ্য চৰকাৰে পূর্ণ সহযোগিতা আগবঢ়াব ৷”
তদুপৰি, অসম মালা প্রকল্পৰ অধীনত কোকৰাঝাৰ আৰু গেলেফুৰ মাজত পথ সংযোগ ব্যৱস্থা অধিক শক্তিশালীকৰণৰ ক্ষেত্ৰতো ব্যৱস্থা গ্রহণৰ বিষয়ে মুখ্যমন্ত্রীয়ে সদৰী কৰে ।
🇮🇳Bharat🤝Bhutan🇧🇹
— Himanta Biswa Sarma (@himantabiswa) December 17, 2024
Two nations with rich shared heritage.
Had the opportunity to present Assam's exquisite productions, Muga Stole and Chadar, White Tea, Tea Wine and Rice Wine to H.E @tsheringtobgay, Hon'ble Prime Minister of Bhutan and H.E Tashi Doma today. pic.twitter.com/Hz6m9GPug2
আনহাতে, ভূটানৰ প্রধানমন্ত্রীৰ সৈতে হোৱা আলোচনাৰ সময়ছোৱাত মুখ্যমন্ত্রীৰ প্রধান সচিব ড৹ কে কে দ্বিবেদীৰ উপৰি অসম চৰকাৰৰ প্রতিনিধিবর্গ উপস্থিত থাকে ।
লগতে পঢ়ক: ভূটানত এডভান্টেজ অসম ২.০ৰ ৰোড শ্ব’: বাণিজ্যিক অধিবেশনত অংশগ্ৰহণ মুখ্যমন্ত্ৰী ড৹ শৰ্মাৰ
ভূটানৰ ১১৭ সংখ্যক ৰাষ্ট্রীয় দিৱসত অংশগ্ৰহণ:
মঙলবাৰে চুবুৰীয়া ৰাষ্ট্র ভূটানৰ ১১৭ সংখ্যক ৰাষ্ট্রীয় দিৱস উদযাপন সমাৰোহত মুখ্যমন্ত্রী ড৹ শর্মাই সহধর্মিনী ৰিণিকি ভূঞা শর্মাৰ সৈতে অংশগ্রহণ কৰে । থিম্ফুৰ চাংলিমেথাং খেলপথাৰৰ এক বর্ণাঢ্য তথা মনোনোহা পৰিৱেশত আয়োজন কৰা ভূটানৰ ৰাষ্ট্রীয় দিৱসত অংশগ্রহণ কৰি মুখ্যমন্ত্রী ড৹ শর্মাই এক অনন্য অনুভূতি লাভ কৰা বুলি মন্তব্য কৰে । ড৹ শর্মাই কয়, “ভূটানৰ এই ৰাষ্ট্রীয় দিৱসৰ সুন্দৰ আৰু মনোমুগ্ধ পৰিৱেশত উপস্থিত থাকিব পৰাটো মোৰ বাবে অত্যন্ত সৌভাগ্য আৰু গৌৰৱৰ কথা ।” ৰাষ্ট্রীয় দিৱস উদযাপন সমাৰোহত অংশগ্রহণ কৰাৰ প্রাকমুহূর্তত মুখ্যমন্ত্রী ড৹ হিমন্ত বিশ্ব শর্মা আৰু তেখেতৰ সহধর্মিনী ৰিণিকি ভূঞা শর্মাক ৰয়েল ভূটান চৰকাৰে উষ্ম সম্বর্ধনা জ্ঞাপন কৰে ।
འབྲུག་གི་མི་རྗེ་བློན་ཆེན་མཆོག་དང་གཅིག་ཁར་ ཁོ་རའི་གཟིམ་ཅུང་ནང་སྦེ་ མཇལ་ཕྲད་བྱུང་ཚུགས་མི་ལུ་ དགའ་ཚོར་ཡོད།
— Himanta Biswa Sarma (@himantabiswa) December 17, 2024
I am extremely grateful to H.E Dasho @tsheringtobgay, the Hon’ble Prime Minister of Bhutan for hosting Riniki and me to a very sumptuous lunch this afternoon.
We had very… pic.twitter.com/3cjsHiCneM
উল্লেখ্য যে, ১৯০৭ চনত ভূটানৰ প্ৰথম ৰজা উগ্যেন ৱাংচুকৰ ৰাজ অভিষেকৰ স্মৃতিত এই ৰাষ্ট্রীয় দিৱস উদযাপন কৰা হয় । এই ঐতিহাসিক পৰিঘটনাই ভূটানত ৱাংচুক বংশৰ আৰম্ভণি ঘটাইছিল আৰু আজি পর্যন্ত এই বংশটোৱে ভূটানৰ শাসনভাৰ চলাই আহিছে । ভূটানৰ ৰাষ্ট্ৰীয় দিৱস উদযাপনৰ জৰিয়তে দেশখনৰ চহকী ঐতিহ্য আৰু সাংস্কৃতিক পৰম্পৰা প্রতিফলিত হৈ আহিছে । ভূটানৰ পূর্বপুৰুষসকলৰ মহান ত্যাগক স্মৰণ কৰাৰ লগতে দেশখনৰ শান্তি-সমৃদ্ধি, সুখ আৰু আনন্দৰ প্রতি দেশৰ নাগৰিকসকলৰ দায়বদ্ধতাক সুদৃঢ় কৰাৰ উদ্দেশ্যে প্রতি বছৰে এই দিৱস পালন কৰা হয় ।
লগতে পঢ়ক: তিনিদিনীয়া ভ্ৰমণসূচীৰে ভূটানত উপস্থিত সপত্নীক মুখ্যমন্ত্ৰী
ভূটানৰ ৰাষ্ট্রীয় দিৱস উদযাপন কার্যসূচীত অংশগ্রহণৰ পাছতে মুখ্যমন্ত্রীয়ে সহধর্মিনীৰ সৈতে ভূটানৰ প্রধানমন্ত্রী ছেৰিং টগবেৰ বাসভৱনত আয়োজন কৰা দুপৰীয়াৰ আহাৰ গ্রহণ কৰে । সপত্নীক মুখ্যমন্ত্রীয়ে থিম্ফুৰ কুয়েনৰাই প্রেক্ষাগৃহত উপস্থিত হৈ ভগবান গৌতম বুদ্ধৰ প্রতিমূর্তিৰ সম্মুখতো বন্তি প্রজ্জ্বলন কৰি শ্ৰদ্ধা নিবেদন কৰে ।
