ইন্টাৰনেশ্যনেল ডেস্ক, ২৬ জুলাই : ফ্ৰান্সত আকৌ হুলস্থূল ৷ অলিম্পিকৰ মুকলি অনুষ্ঠানৰ পূৰ্বে ফ্ৰান্সৰ ৰে’ল নেটৱৰ্কত সংঘটিত হৈছে এক অগ্নিসংযোগৰ ঘটনা ৷ এই ঘটনাৰ কেইঘণ্টামানৰ পাচতে শুকুৰবাৰে বোমাৰে ফ্ৰাংকো-ছুইজাৰলেণ্ডৰ এটা বিমানবন্দৰ উৰুৱাই দিয়াৰ ভাবুকি দিয়া হয় ৷ এই ভাবুকিৰ পাচতে সমগ্ৰ বিমানবন্দৰটো সাময়িকভাৱে খালী কৰি দিয়া হয় ।
26/07/2024 - 10:54
— EuroAirport (@euroairportcom) July 26, 2024
For safety reasons, the terminal had to be evacuated and is currently closed. Flight operations have been temporarily suspended. Passengers are requested to contact their airline for information about their flight. Update follows… pic.twitter.com/AUGUsNcspZ
বেচেলৰ ওচৰৰ সীমান্তৰ ফ্ৰান্সৰ ফালে অৱস্থিত ইউৰোএয়াৰপৰ্টে নিজৰ ৱেবছাইটত উল্লেখ কৰে যে বিমানসেৱাৰ বাবে বিমানবন্দৰটোৰ দুৱাৰ পুনৰ মুকলি কৰা হৈছে আৰু ক্ৰমান্বয়ে বিমান সেৱা পুনৰ আৰম্ভ কৰা হৈছে । ইয়াৰ পূৰ্বে বেচেল-মুলহাউছ বিমানবন্দৰটোৰ কৰ্তৃপক্ষই উল্লেখ কৰিছিল যে নিৰাপত্তাৰ কাৰণত এই বিমানবন্দৰটো সম্পূৰ্ণৰূপে খালী কৰি সাময়িকভাৱে বন্ধ কৰি দিয়া হৈছে ।
লগতে পঢ়ক : অলিম্পিকৰ উদ্বোধনী অনুষ্ঠানৰ পূৰ্বে ফ্ৰান্সত ৰে'লসেৱা ব্যাহত - French High speed Rail Network
বিমানবন্দৰটোৰ কৰ্তৃপক্ষই X ৰ এটা পোষ্টত কয়, "নিৰাপত্তাৰ কাৰণে টাৰ্মিনেলটো খালী কৰিবলগীয়া হৈছিল আৰু বৰ্তমানো ইয়াক বন্ধ কৰি থোৱা হৈছে । বিমানৰ কাম সাময়িকভাৱে বন্ধ কৰি দিয়া হৈছে । যাত্ৰীসকলক তেওঁলোকৰ বিমান সংস্থাৰ সৈতে যোগাযোগ কৰিবলৈ অনুৰোধ জনোৱা হৈছে ।"
পৰৱৰ্তী সময়ত স্থানীয় সময় অনুসৰি নিশা ১২:৪২ বজাত হেণ্ডেলটোৱে পোষ্ট কৰিছিল : "বিমানবন্দৰটো পুনৰ মুকলি কৰা হৈছে আৰু বিমান সেৱা ক্ৰমান্বয়ে পুনৰ আৰম্ভ হৈছে । যাত্ৰীসকলক তেওঁলোকৰ বিমানৰ বিষয়ে তথ্যৰ বাবে তেওঁলোকৰ বিমান সংস্থাৰ সৈতে যোগাযোগ কৰিবলৈ অনুৰোধ জনোৱা হৈছে । আমি আপোনালোকৰ নিৰাপদ আৰু সুখী যাত্ৰা কামনা কৰিছো ।"
ফ্ৰান্সৰ হাউট-ৰাইন বিভাগৰ প্ৰিফেকচাৰে এ এফ পিক জনোৱা মতে, বোমাৰ ভাবুকি দিয়াৰ বাবেই বিমানবন্দৰ খালী কৰা হৈছে ৷ লগতে বোমা বিশেষজ্ঞৰ লোককো নিয়োগ কৰা হৈছে । যোৱা বছৰৰ শেষৰ ফালে ধাৰাবাহিকভাৱে মিচাকৈ কোনো দুষ্টপ্ৰকৃতিৰ মানুহে বোমাৰ ভাবুকি দি আছিল ৷ যাৰ বাবে ইউৰোএয়াৰপৰ্টকে ধৰি ফ্ৰান্সৰ কেইবাটাও বিমানবন্দৰ খালী কৰিবলগীয়া হৈছিল ।
