মূৰৰ সামান্য আঘাতে আপোনাৰ জীৱনলৈ কেনেকৈ মাতিব পাৰে ডাঙৰ বিপদ

World Head Injury Awareness Day 2024: মূৰৰ আঘাতৰ ভয়াৱহতা আৰু ইয়াৰ লগত জড়িত গুৰুত্বপূৰ্ণ বিষয়সমূহৰ বিষয়ে সমগ্ৰ বিশ্বৰ সাধাৰণ জনতাক সজাগ কৰি তোলা আৰু এনে ধৰণৰ আঘাত এৰাই চলিবলৈ প্ৰয়োজনীয় সাৱধানতা আৰু উপযোগী পদ্ধতি গ্ৰহণ কৰিবলৈ প্ৰেৰণা যোগোৱাৰ উদ্দেশ্যেৰে প্ৰতি বছৰে ২০ মাৰ্চৰ দিনটো “বিশ্ব মূৰৰ আঘাত সজাগতা দিৱস” হিচাপে পালন কৰা হয় ৷

মূৰৰ যিকোনো সামান্য বা গুৰুতৰ আঘাতে কেন্দ্ৰীয় স্নায়ুতন্ত্ৰ আৰু মগজুৰ ডাঙৰ ক্ষতি কৰিব পাৰে ৷ কেতিয়াবা ইয়াৰ ফলত সাময়িক বা স্থায়ীভাৱে অক্ষমতা আৰু মৃত্যুও হ’ব পাৰে ৷ মূৰৰ যিকোনো ধৰণৰ আঘাতক আওকাণ কৰি পিচত যদি কোনো ধৰণৰ লক্ষণ দেখা যায়, সেয়া লাগিলে মৃদু, গুৰুতৰ বা অস্বাভাৱিক যেনে ধৰণৰে নহওক কিয় ততাতৈয়াকৈ চিকিৎসকৰ দ্বাৰা সঠিক পৰীক্ষা আৰু চিকিৎসা কৰাব লাগে ৷

মূৰ বা মগজুৰ আঘাতৰ ভয়াৱহতা, ইয়াৰ দ্বাৰা ভুক্তভোগীৰ জীৱনত হ্ৰস্বম্যাদী আৰু দীৰ্ঘম্যাদী প্ৰভাৱৰ বিষয়ে মানুহৰ মাজত সজাগতা সৃষ্টি কৰাৰ উদ্দেশ্যে আৰু মূৰৰ আঘাত ৰোধৰ বাবে ল'ব পৰা সাৱধানতাৰ বিষয়ে জনাবৰ বাবে প্ৰতি বছৰে ২০ মাৰ্চত বিশ্ব মূৰৰ আঘাত সজাগতা দিৱস উদযাপন কৰা হয় ৷

মূৰত আঘাত পোৱাটো কিয় বিপদজনক ?

মন কৰিবলগীয়া যে, বয়সস্থ লোকৰ অক্ষমতা আৰু মৃত্যুৰ অন্যতম কাৰণ মূৰৰ আঘাত বুলি গণ্য কৰা হয় ৷ এনে নহয় যে কেৱল ডাঙৰ দুৰ্ঘটনাৰ মূৰৰ আঘাতেহে ইয়াৰ প্ৰধান কাৰণ, কেতিয়াবা আন কোনো কাৰণত, খেলা-ধূলা বা জপিয়াই থাকোঁতে মূৰত পোৱা সামান্য আঘাতেও ভৱিষ্যতে গুৰুতৰ সমস্যা সৃষ্টি কৰাৰ লগতে অক্ষমতা আনকি মৃত্যুৰ মুখলৈও ঠেলি দিব পাৰে ৷

উত্তৰাখণ্ডৰ অস্থিৰোগ বিশেষজ্ঞ ডাঃ হেম যোশীৰ মতে, যিকোনো কাৰণত মূৰত আঘাত পোৱাৰ পিচত যদি মূৰত কোনো ধৰণৰ মুকলি ঘাঁ হয় বা হেৰাই যোৱা আঘাত য’ত কোনো অংশত বিষ থাকে আৰু ফুলি উঠে বা সেই ঠাইত ছালৰ ৰং সলনি হয়, তীব্ৰ মূৰৰ বিষ, চকু ফুলা আৰু চকুৰ পতা বন্ধ হোৱা, নাক বা কাণৰ পৰা তেজ ওলোৱা আৰু স্ৰাৱ ওলোৱা, ডিঙি জঠৰ হোৱা, চেতনা কমিবলৈ আৰম্ভ কৰা আদি লক্ষণে দেখা দিয়ে, তেন্তে তৎক্ষণাত চিকিৎসকৰ পৰামৰ্শ লোৱাটো অতি প্ৰয়োজনীয় ৷

তেওঁ বুজাইছে যে, লক্ষণসমূহক আওকাণ কৰি সঠিক সময়ত সঠিক চিকিৎসা নোলোৱাটোৱে বহুতো ভয়াৱহ পৰিণতিৰ সৃষ্টি কৰিব পাৰে ৷ যাৰ ফলত কেতিয়াবা সাময়িক বা আজীৱন অক্ষমতা আৰু আনকি কেতিয়াবা মৃত্যুও ঘটিব পাৰে ৷