এলবিনিজম ৰোগ কি ? কিয় এই ৰোগৰ সজাগতাৰ প্ৰয়োজন ? - World Albinism Awareness Day 2024

World Albinism Awareness Day 2024: প্ৰতি বছৰে ১৩ জুন তাৰিখে আন্তঃৰাষ্ট্ৰীয় এলবিনিজম সজাগতা দিৱস পালন কৰা হয় । এই দিৱসৰ মূল উদ্দেশ্য হৈছে অধিক সংখ্যক লোকক এই ৰোগৰ বিষয়ে সজাগ কৰা । এলবিনিজম হৈছে এনে এক জিনীয় অৱস্থা, য’ত এগৰাকী ব্যক্তিৰ ছাল, চুলি, চকুত ৰঞ্জক পদাৰ্থৰ অভাৱ হোৱাৰ ফলত এই ৰোগে দেখা দিয়ে ।

প্ৰতি বছৰে ১৩ জুনত বিশ্ব এলবিনিজম দিৱস পালন কৰা হয় ৷ এই দিৱস উদযাপনৰ আঁৰৰ উদ্দেশ্য হৈছে এই ৰোগৰ প্ৰতি মানুহৰ মাজত সজাগতা সৃষ্টি কৰা ৷ এই উপলক্ষে বহু ধৰণৰ কাৰ্যসূচীৰ আয়োজন কৰি এলবিনিজমৰ বিষয়ে জনসাধাৰণক ইয়াৰ সন্দৰ্ভত তথ্য প্ৰদান কৰা হয় ৷

আন্তঃৰাষ্ট্ৰীয় এলবিনিজম সজাগতা দিৱস (FREEPIK)

বিশ্ব এলবিনিজম সজাগতা দিৱসৰ ইতিহাস:

ৰাষ্ট্ৰসংঘৰ বিশ্ব এলবিনিজম সজাগতা দিৱসৰ ইতিহাস বৰ পুৰণি নহয় ৷ আন্তঃৰাষ্ট্ৰীয় এলবিনিজম সজাগতা দিৱস উদযাপন ২০১৪ চনৰ পৰা আৰম্ভ হৈছিল ৷ ৰাষ্ট্ৰসংঘৰ সাধাৰণ পৰিষদে ২০১৪ চনৰ ১৮ ডিচেম্বৰত ১৩ জুন তাৰিখটো আন্তঃৰাষ্ট্ৰীয় এলবিনিজম সজাগতা দিৱস হিচাপে ঘোষণা কৰে ৷ ২০১৪ চনৰ ১৩ জুনত প্ৰথম বিশ্ব এলবিনিজম দিৱস পালন কৰা হয় ৷

কিয় বিশ্ব এলবিনিজম দিৱস পালন কৰা হয় ?

বিশ্ব এলবিনিজম সজাগতা দিৱস উদযাপনৰ আঁৰৰ উদ্দেশ্য হৈছে এলবিনিজম ৰোগৰ বিষয়ে সজাগতা সৃষ্টি কৰা ৷ এই দিৱস উদযাপনৰ আন এটা কাৰণ হ’ল এই ৰোগৰ লক্ষণসমূহৰ বিষয়ে জনসাধাৰণক এই ৰোগ সন্দৰ্ভত তথ্য প্ৰদান কৰা ৷ ইয়াৰ প্ৰাৰম্ভিক লক্ষণসমূহৰ বিষয়ে মানুহক অৱগত কৰিবলৈ বিভিন্ন ধৰণৰ কাৰ্যসূচীৰ আয়োজন কৰা হয় ৷ যাৰ বাবে মানুহে এই ৰোগৰ প্ৰাৰম্ভিক পৰ্যায়ত নিজৰ পৰীক্ষা কৰিবলৈ সক্ষম হয় আৰু সময়মতে চিকিৎসা সম্ভৱ হৈ উঠে ৷

বিশ্ব এলবিনিজম সজাগতা দিৱসৰ তাৎপৰ্য:

বিশ্ব এলবিনিজম সজাগতা দিৱসৰ তাৎপৰ্য্য হৈছে-

1. বিশ্ব এলবিনিজম সজাগতা দিৱসৰ জৰিয়তে এই ৰোগৰ বিষয়ে মানুহক সজাগ কৰা হয় ৷
2. এই দিনটোৰ জৰিয়তে সাধাৰণ লোকৰ মাজত এলবিনিজম ৰোগটোৰ প্ৰাৰম্ভিক লক্ষণসমূহৰ বিষয়ে সজাগতা সৃষ্টি কৰা হয় ৷
3. এই দিনটোৰ আন এক গুৰুত্ব হ’ল সজাগতা সৃষ্টিৰে এই ৰোগত আক্ৰান্ত ৰোগীৰ বিৰুদ্ধে বৈষম্য বন্ধ কৰা ৷
4. আজিৰ দিনটোত মানুহক কোৱা হয় যে স্পৰ্শ কৰাৰ ফলত এই ৰোগ নিবিয়পে ৷

এলবিনিজম কি ?

শৰীৰত মেলানিন নামৰ ৰঞ্জক পদাৰ্থৰ অভাৱত এই ৰোগ হয় ৷ এই ৰঞ্জক পদাৰ্থ চুলি, ছাল আৰু চকুত পোৱা যায় ৷ এই ৰোগত আক্ৰান্ত ৰোগীয়ে প্ৰবল সূৰ্যৰ পোহৰ সহ্য কৰিব নোৱাৰে ৷ বৰ্তমান এই ৰোগৰ কোনো নিৰাময় নাই ৷ ঔষধৰ দ্বাৰাহে ইয়াক নিয়ন্ত্ৰণ কৰিব পাৰি ৷

আন্তঃৰাষ্ট্ৰীয় এলবিনিজম সজাগতা দিৱস (Getty Images)

এলবিনিজম কিয় হয় ?

তলত উল্লেখ কৰা কাৰণত এলবিনিজম ৰোগ হয়:

1. ই এক জিনীয় ৰোগ ৷ যেতিয়া পিতৃ-মাতৃ দুয়োৰে এলবিনিজমৰ লক্ষণ থাকে, তেতিয়া তেওঁলোকৰ সন্তানৰ এই ৰোগ হোৱাৰ সম্ভাৱনা বেছি ৷
2. যেতিয়া শৰীৰে খাদ্যক মেলানিনলৈ ৰূপান্তৰিত কৰিব নোৱাৰে তেতিয়া এলবিনিজম হয় ৷

এলবিনিজমৰ লক্ষণসমূহ:

এলবিনিজমৰ লক্ষণসমূহ হ’ল-

1. ছালত ফ্ৰেকলৰ সমস্যা থকা ৷
2. ছালৰ ৰং পাতল হোৱা ৷
3. চুলি বগা, বাদামী আৰু হালধীয়া হোৱা ৷
4. ভ্ৰূ আৰু চকুৰ পতা হালধীয়া বা সোণালী হোৱা ৷
5. চকুৰ ৰং পাতল নীলা বা বাদামী হয় ৷

এলবিনিজম প্ৰতিৰোধৰ উপায়

এলবিনিজম ৰোগ তলত দিয়া ধৰণে প্ৰতিৰোধ কৰিব পাৰি:

1. জন্মৰ সময়ত শিশুটিৰ এনে লক্ষণ দেখা গ’লে লগে লগে চিকিৎসকৰ পৰামৰ্শ ল’ব লাগে ৷
2. যদি পৰিয়ালৰ কোনো সদস্যত এলবিনিজমৰ লক্ষণ দেখা দিয়ে, তেন্তে তেওঁক লগে লগে চিকিৎসকৰ ওচৰলৈ লৈ যাব লাগে ৷

এলবিনিজমৰ লগত জড়িত কিছুমান গুৰুত্বপূৰ্ণ কথা

1. এলবিনিজমৰ সৈতে জড়িত কিছুমান গুৰুত্বপূৰ্ণ কথা ইয়াত উল্লেখ কৰা হ’ল:
2. এলবিনিজমৰ কোনো নিৰাময় নাই যদিও ঔষধ আৰু প্ৰতিৰোধে ইয়াৰ প্ৰভাৱৰ বিস্তাৰ লেহেমীয়া কৰাত সহায় কৰিব পাৰে ৷
3. ৰঞ্জক পদাৰ্থ মেলানিনৰ ওপৰত নিৰ্ভৰ কৰি ১০ টাতকৈও অধিক ভিন্ন ধৰণৰ এলবিনিজমৰ ৰোগী দেখা যায় ৷
4. মানুহৰ উপৰিও এলবিনিজম ৰোগ জীৱ-জন্তুৰ ক্ষেত্ৰতো দেখা দিয়ে ৷

২০২৪ চনৰ বিশ্ব এলবিনিজম দিৱসৰ বিষয়বস্তু

বিশ্ব এলবিনিজম সজাগতা দিৱস প্ৰতি বছৰে এটা নতুন থিমৰ ওপৰত আধাৰিত ৷ ২০২৪ চনৰ ১৩ জুনত পালন কৰা বিশ্ব এলবিনিজম দিৱসৰ বাবে এতিয়াও কোনো বিষয়বস্তু নিৰ্ধাৰণ কৰা হোৱা নাই ৷ বিগত বছৰ ২০২৩ চনৰ বাবে ইয়াৰ থিম আছিল ‘Inclusion is strength’ ৷

লগতে পঢ়ক: মুখমণ্ডলত শালমন হোৱাটো নিবিচাৰে যদি আজিয়েই ত্যাগ কৰক এইসমূহ খাদ্য - Foods That Cause Acne