আমি সকলোৱে জানো যে গাখীৰ এক সম্পূৰ্ণ খাদ্য য'ত সকলো ধৰণৰ পুষ্টিকৰ উপাদান পোৱা যায়, সেইবাবেই আমাৰ পিতৃ-মাতৃয়ে আমাক সৰুৰে পৰা গাখীৰ খোৱাৰ পৰামৰ্শ দি আহিছে, এই প্ৰাকৃতিক পানীয় আমাৰ স্বাস্থ্যৰ বাবে অতি উপকাৰী হাড়ৰ পৰা বিভিন্ন ৰোগ প্ৰতিৰোধ ক্ষমতা বৃদ্ধি কৰালৈকে গাখীৰ খুবেই উপকাৰী, কিন্তু গাখীৰ সকলোৰে প্ৰিয় নহবও পাৰে, এনেক্ষেত্ৰত শৰীৰত কেলচিয়ামৰ প্ৰয়োজনীয়তা কেনেকৈ পূৰণ কৰিব পাৰি সেই বিষয়ে চিন্তিত হোৱাটো স্বাভাৱিক ৷ ডায়েটিচিয়ান আয়ুষী যাদৱে কয় যে, এই পুষ্টিকৰ উপাদান পাবলৈ গাখীৰ খোৱাৰ প্ৰয়োজন নাই ৷ আন বহুতো বস্তু খালেও কেলচিয়াম লাভ কৰিব পাৰি ৷
গাখীৰৰ উপৰিও কেলচিয়ামৰ অন্যান্য উৎস
১/ কমলা
![Calcium Rich Diet](https://etvbharatimages.akamaized.net/etvbharat/prod-images/16-08-2024/22221084_sdfsd.jpg)
কমলা এবিধ অতি সাধাৰণ খাদ্য, যিটো সাধাৰণতে ৰোগ প্ৰতিৰোধ ক্ষমতা বৃদ্ধিৰ লগতে আমাৰ শৰীৰত ভিটামিন চি’ৰ যোগান ধৰে, কিন্তু বহু কম লোকে জানে যে এই ফলৰ ৰস খালে শৰীৰত কেতিয়াও কেলচিয়ামৰ অভাৱ নহয় ৷
২/ অটচ
![Calcium Rich Diet](https://etvbharatimages.akamaized.net/etvbharat/prod-images/16-08-2024/22221084_deqwd.jpg)
অটচ এবিধ অতি স্বাস্থ্যকৰ খাদ্য যিটো আমি সাধাৰণতে ব্ৰেকফাষ্টত গ্ৰহণ কৰোঁ, ইয়াত প্ৰচুৰ পৰিমাণে কেলচিয়াম থাকে যিয়ে শৰীৰক শক্তিশালী কৰি ৰখাত সহায় কৰে ৷
৩/ ৰ’দৰ পোহৰ
![Calcium Rich Diet](https://etvbharatimages.akamaized.net/etvbharat/prod-images/16-08-2024/22221084_da.jpg)
আপুনি হয়তো প্ৰায়ে শুনিছে যে ভিটামিন ডি পাবলৈ হ’লে নিজকে সূৰ্যৰ পোহৰত ৰাখিব লাগে, কিন্তু সূৰ্যৰ পোহৰৰ জৰিয়তেও কেলচিয়াম লাভ কৰিব পাৰি বুলি হয়তো খুব কম সংখ্যকেহে জ্ঞাত ৷
৪/ সেউজীয়া শাক পাচলি
![Calcium Rich Diet](https://etvbharatimages.akamaized.net/etvbharat/prod-images/16-08-2024/22221084_ef.jpg)
সেউজীয়া শাক-পাচলি সদায় স্বাস্থ্যৰ বাবে উপকাৰী বুলি বিবেচিত হৈ আহিছে, অন্যান্য গুৰুত্বপূৰ্ণ পুষ্টিকৰ উপাদানৰ উপৰিও ইয়াৰ পৰা কেলচিয়ামো লাভ কৰিব পাৰি ৷ ইয়াৰ বাবে দৈনন্দিন খাদ্য তালিকাত পালেং আৰু ছালগোমৰ পাত আদি অন্তৰ্ভুক্ত কৰিব পাৰে ৷
সতৰ্কীকৰণ: প্ৰিয় পাঠক, আমাৰ প্ৰতিবেদন পঢ়াৰ বাবে ধন্যবাদ ৷ এই খবৰটো কেৱল আপোনালোকক সজাগ কৰাৰ উদ্দেশ্যে লিখা হৈছে ৷ আমি এই প্ৰতিবেদনত ঘৰুৱা উপায় আৰু সাধাৰণ তথ্যৰ সহায় লৈছো ৷ কিন্তু প্ৰিয় পাঠক, যদি আপুনি যিকোনো বাতৰিতে স্বাস্থ্যৰ সৈতে জড়িত কিবা পঢ়ে, তেন্তে এই পদ্ধতি গ্ৰহণ কৰাৰ আগতে নিশ্চিতভাৱে চিকিৎসকৰ পৰামৰ্শ ল’বলৈ নাপাহৰিব ৷