বাৰিষাৰ বতৰত আমি প্ৰায়ে জ্বৰ, চৰ্দি, কাহ আদি ৰোগত অধিক আক্ৰান্ত হওঁ ৷ এই ঋতুত ভাইৰেল সংক্ৰমণ খুব বেছি হোৱা দেখা যায় ৷ এই সংক্ৰমণে শিশু তথা প্ৰাপ্তবয়স্ক সকলোকে প্ৰভাৱিত কৰে ৷ সেয়েহে, এই সময়ছোৱাত শৰীৰৰ যত্ন বিশেষভাৱে লোৱাটো খুবেই দৰকাৰ অন্যথা বিভিন্ন ৰোগত আক্ৰান্ত হ’বলৈ বেছি সময় নালাগে ৷
বিশেষকৈ বাৰিষাৰ বতৰত জ্বৰত আক্ৰান্ত হোৱাৰ কিছুমান মুখ্য কাৰণ আছে ৷ যাৰ বাবে চিকিৎসকৰ পৰামৰ্শ লোৱাটো খুবেই জৰুৰী হৈ পৰে ৷
ভাইৰেল সংক্ৰমণ
বাৰিষাৰ বতৰত ডেংগুকে ধৰি বহুতো ভাইৰেল সংক্ৰমণ হয় ৷ এই সংক্ৰমণৰ ফলত হঠাতে জ্বৰ হ'ব পাৰে ৷ এই জ্বৰৰ ফলত মূৰৰ বিষ, ভাগৰ, গাঁঠিৰ বিষ আদিৰ দৰে লক্ষণে দেখা দিব পাৰে ৷ সেয়েহে, এনে লক্ষণে শৰীৰত দেখা দিলে সাৱধান হ’ব ৷
বেক্টেৰিয়াৰ সংক্ৰমণ
কিছুমান বেক্টেৰিয়াৰ সংক্ৰমণ বাৰিষাৰ বতৰত হয় ৷ যেনে টাইফইড, বেক্টেৰিয়াজনিত নিউমোনিয়া ইত্যাদি ৷ এই সংক্ৰমণবোৰৰ সৈতে প্ৰায়ে জ্বৰ লগতে শ্বাস-প্ৰশ্বাসৰ সমস্যা আৰু পেটৰ বিষ হ'ব পাৰে ৷
লেতেৰা পানী
বাৰিষাকালত লেতেৰা পানীৰ বাবেও সংক্ৰমণ হ'ব পাৰে ৷ এই সংক্ৰমণৰ ফলতো জ্বৰ হয় ৷
এলাৰ্জী
এই সময়ছোৱাত কিছুমান লোকৰ এলাৰ্জীৰ সমস্যা হয় ৷ ইয়াৰ ফলতো জ্বৰ উঠিব পাৰে ৷
সেমেকা বতৰ
বৰষুণৰ সেমেকা বতৰৰ ফলতো জ্বৰ হয় ৷ বিশেষকৈ যিসকলৰ শ্বাস-প্ৰশ্বাসৰ সমস্যা আছে বা সংক্ৰমণ হোৱাৰ সম্ভাৱনা আছে ৷ বহু গুৰুতৰ ৰোগৰ লক্ষণ যিহেতু জ্বৰ ৷ সেয়েহে জ্বৰ হ'লে চিকিৎসকৰ পৰামৰ্শ লোৱাটো খুবেই জৰুৰী ৷ চিকিৎসকে আপোনাৰ লক্ষণবোৰ মূল্যায়ন কৰিব আৰু উপযুক্ত চিকিৎসাৰ পৰামৰ্শ দিব ৷
